完整藏文原文 · 德格版页 当前仅加载第 7 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
གཏོགས་པ་ལ་སྨྲས་པ། ཀྭའེ་ནང་རྗེ་སོང་ལ་ད་ལྟར་སུ་ཁྲུས་བྱེད་ལྟོས་ཤིག །མི་དེས་ལྷ་བཀའ་བཞིན་འཚལ་ཞེས་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལས་མཉན་ནས་དེར་སོང་སྟེ་བལྟས་ན། ཇི་ཙམ་ན་ཡང་དྲུག་སྡེ་དག་ཁྲུས་བྱེད་པ་མཐོང་ནས་དེ་རྒྱལ་
D3.007.0243b01.01པོའི་གན་དུ་སོང་སྟེ་སྨྲས་པ། ལྷ་འཕགས་པ་དྲུག་སྡེ་དེ་དག་ཉིད་ཁྲུས་བགྱིད་དོ། །རྒྱལ་པོ་ཡང་ཁྲིའུ་བཙུགས་པ་དེ་ཉིད་ལ་བསྡད་པ་དང་། ཇི་ཙམ་ན་ཡུན་རིང་ཞིག་ལོན་ནས་ཡང་རྒྱལ་པོས་མི་གསང་ལ་གཏོགས་པ་ལ་སྨྲས་པ། ཀྭའེ་ནང་རྗེ་སོང་ལ་ད་ལྟར་སུ་ཁྲུས་བྱེད་ལྟོས་
D3.007.0243b02.01ཤིག །མི་དེས་ལྷ་བཀའ་བཞིན་འཚལ་ཞེས་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལས་མཉན་ནས་དེར་སོང་སྟེ་བལྟས་ན། ཇི་ཙམ་ན་ད་དུང་ཡང་དྲུག་སྡེ་དག་ཁྲུས་བྱེད་པ་མཐོང་ནས་དེའི་རྒྱལ་པོའི་གན་དུ་སོང་སྟེ་སྨྲས་པ། ལྷ་ད་དུང་ཡང་འཕགས་པ་དྲུག་སྡེ་
D3.007.0243b03.01དེ་དག་ཉིད་ཁྲུས་བགྱིད་དོ། །རྒྱལ་པོས་སྨྲས་པ། ཤེས་ལྡན་དག་འོ་ན་ནི་དེ་དག་ཡུན་རིང་པོར་ང་ལ་ཐོ་འཚམ་པར་བྱེད་ཀྱིས་ཆུ་འོན་ཅིག་དང་དབང་བསྐུར་བའི་ཁྲུས་ཀྱིས་ཁྲུས་བྱའོ། །དེ་དག་གིས་ཆུ་བླངས་ནས་རྒྱལ་པོས་དེ་ཉིད་དུ་དབང་བསྐུར་བའི་ཁྲུས་ཀྱིས་ཁྲུས་བྱས་ནས་
D3.007.0243b04.01བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཆོས་མཉན་པ་མ་མཉན་པ་ཁོ་ནར་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་
D3.007.0243b05.01དགའ་བོ་ཅིའི་ཕྱིར་རྒྱལ་པོ་གཟུགས་ཅན་སྙིང་པོ་ཆོས་མཉན་པ་མ་མཉན་པར་སོང་། བཙུན་པ་རྒྱལ་པོ་གཟུགས་ཅན་སྙིང་པོ་འདི་དྲུག་སྡེ་དག་གིས་ཐོ་བཙམས་སོ། །ཅིའི་ཕྱིར། དེས་སྐབས་དེ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཉེས་
D3.007.0243b06.01དམིགས་གང་ཅི་བྱུང་བ་དེ་ནི་དགེ་སློང་དག་ཁྲུས་བྱེད་པ་ལས་གྱུར་པས། དེའི་ཕྱིར་དགེ་སློང་རྣམས་ཀྱིས་ཁྲུས་མི་བྱའོ་སྙམ་དུ་དགོངས་ནས་བཀའ་སྩལ་པ། དེ་ལྟ་བས་ན་དགེ་སློང་རྣམས་ཀྱིས་ཁྲུས་མི་བྱའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཁྲུས་མི་བྱའོ་ཞེས་བཀའ་
D3.007.0243b07.01