完整藏文原文 · 德格版页 当前仅加载第 7 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་ཞེས་དྲིས་ཏེ། མི་དྲན་ནོ་ཞེས་ཟེར་ན་དེ་ནི་དུས་སྔ་བ་ཡིན་པས་ཚེ་དང་ལྡན་པས་མི་དྲན་ཏེ་ཚེ་དང་ལྡན་པ་ལེགས་པར་རྫོགས་པར་བསྙེན་ཏོ་ཞེས་སྨྲས་ན་ལྟུང་བ་མེད་དོ། །འདི་ལྟ་སྟེ་དགེ་སློང་གིས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པས་ཟླ་བ་
D3.007.0253a01.01གཟས་ཟིན་པ་དང་། ཉི་མ་གཟས་ཟིན་པ་ཆེ་གེ་མོ་ཞིག་དྲན་ནམ་ཞེས་དྲིས་ཏེ་མི་དྲན་ནོ་ཞེས་ཟེར་ནས་དེ་ནི་དུས་སྔ་བ་ཡིན་པས་ཚེ་དང་ལྡན་པས་མི་དྲན་ནོ་ཞེས་ཚེ་དང་ལྡན་པ་ལེགས་པར་རྫོགས་པར་བསྙེན་ཏོ་ཞེས་སྨྲས་ན་ལྟུང་བ་མེད་དོ། །འདི་ལྟ་སྟེ་དགེ་སློང་གིས་དགེ་སློང་གི་གན་དུ་སོང་
D3.007.0253a02.01སྟེ་འདི་སྐད་ཅེས་ཚེ་དང་ལྡན་པས་ལོ་ལེགས་པ་དང་། ལོ་ཉེས་པ་ཆེ་གེ་མོ་ཞིག་དྲན་ནམ་ཞེས་དྲིས་ཏེ། མི་དྲན་ནོ་ཞེས་ཟེར་ནས་དེ་ནི་དུས་སྔ་བ་ཡིན་པས་ཚེ་དང་ལྡན་པ་མི་དྲན་ཏེ་ཚེ་དང་ལྡན་པ་ལེགས་པར་རྫོགས་པར་བསྙེན་ཏོ་ཞེས་སྨྲས་ན་ལྟུང་བ་མེད་དེ། དེ་ལྟར་དོན་གཞན་གྱིས་སོ། །
D3.007.0253a03.01ཇི་ལྟར་འདུལ་བའི་ཡོ་བྱད་ཀྱིས་ཞེ་ན། འདི་ལྟ་སྟེ། དགེ་སློང་གིས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་གནས་གང་དུ་རྫོགས་པར་བསྙེན་ཅེས་དྲིས་ཏེ། ག་གེ་མོ་ཞིག་ཏུའོ་ཞེས་ཟེར་ནས་གནས་དེ་ནི་མཚམས་བཅད་པ་དང་། དཀྱིལ་འཁོར་བར་བློ་མཐུན་
D3.007.0253a04.01པར་བྱས་པ་ཡིན་པས་ཚེ་དང་ལྡན་པ་ལེགས་པར་རྫོགས་པར་བསྙེན་ཏོ་ཞེས་སྨྲས་ན་ལྟུང་བ་མེད་དོ། །འདི་ལྟ་སྟེ། དགེ་སློང་གིས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པའི་མཁན་པོ་ནི་གང་ཡིན་སློབ་དཔོན་ནི་གང་ཡིན་ཞེས་དྲིས་ཏེ། མཁན་པོ་ནི་ཆེ་གེ་མོ་ཞིག་
D3.007.0253a05.01ཡིན། སློབ་དཔོན་ནི་ཆེ་གེ་མོ་ཞིག་ཡིན་ཞེས་ཟེར་ནས་དེ་གཉིས་ནི་དགེ་སློང་ཚུལ་ཁྲིམས་དང་ལྡན་པ་ཡིན་པས་དེ་གཉིས་ལ་བསྙེན་བཀུར་བྱས་ན་ཁྱོད་ལ་བསོད་ནམས་མང་དུ་སྐྱེ་ཞིང་ཚེ་དང་ལྡན་པ་ལེགས་པར་རྫོགས་པར་བསྙེན་པ་ཡིན་ནོ་ཞེས་སྨྲས་ན་ལྟུང་བ་མེད་དོ། །འདི་
D3.007.0253a06.01ལྟ་སྟེ། དགེ་སློང་གིས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པས་མཁན་པོ་དང་། སློབ་དཔོན་དག་གི་ཆོས་གོས་དག་བླངས་སམ་ཞེས་དྲིས་ཏེ་བླངས་སོ་ཞེས་ཟེར་ནས། རྐུ་སེམས་ཀྱིས་མ་ལེན་ཅིག །ཕམ་པར་འགྱུར་བའི་ལྟུང་བ་མ་བྱུང་བར་གྱིས་ཤིག་ཅེས་
D3.007.0253a07.01