完整藏文原文 · 德格版页 当前仅加载第 7 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
བཞུགས། དྲུག་སྡེ་དག་གིས་སྨྲས་པ། བཞིན་{བཟངས་,བཟང་}ཕྱོགས་འདི་ན་ཁོ་བོ་ཅག་གི་མཛའ་བོ་དོན་མཐུན་དག་ཅིག་འཁོད་འཁོད་ན་དེ་དག་གིས་ཁོ་བོ་ཅག་ལ་མ་བལྟས་པ་ཁོ་ནར་དོང་ངོ་། །དེས་སྨྲས་པ། འཕགས་པ་དག་དེ་དག་ནི་ཐམས་ཅད་ཀྱིས་ཐམས་ཅད་དུ་མཆིས་
D3.007.0137a01.01པ་མ་ལགས་ཏེ། འདི་ལྟར་དེ་དག་གིས་གླང་དག་གི་རིན་མ་མཆིས་ནས་དེ་དག་རི་བྲགས་ཤིག་ན་གླང་དག་གསོན་ཅིང་མཆིས་ཏེ་སླར་ཡང་འདིར་མཆིས་པར་འགྱུར་རོ། །བཞིན་{བཟངས་,བཟང་}ནད་མེད་པར་གྱུར་ཅིག་ཅེས་དྲུག་སྡེ་དག་རི་བྲགས་དེར་འོང་བ་དང་། ཇི་ཙམ་ན་དེ་དག་གིས་དོན་མཐུན་དེ་
D3.007.0137a02.01དག་ཐག་རིང་པོ་ཁོ་ན་ནས་མཐོང་ནས་ཚིགས་སུ་བཅད་པ་དག་སྨྲས་པ། རྩུབ་པའི་རི་ལ་འགྲོ་མི་བྱ། །སོང་ནའང་ཡུན་རིང་གནས་མི་བྱ། །རྩུབ་པའི་རི་དག་ཇི་བཞིན་དུ། །རི་ལ་འཁོད་པའང་དེ་བཞིན་ནོ། །རི་ལ་འཁོད་པ་དང་པོར་ནི། །གསེར་དག་བདར་བ་ཇི་བཞིན་ཏེ། །མི་ལ་འཚེ་བ་
D3.007.0137a03.01རྣམ་བརྟགས་ན། །རི་དག་ཇི་ལྟ་དེ་བཞིན་ནོ། །དོན་མཐུན་དེ་དག་གིས་ཐོས་ནས་སྨྲས་པ། འཕགས་པ་དག་ཁྱེད་ཅག་ཅི་བཀྱོན། བཞིན་{བཟངས་,བཟང་}དག་ཁྱེད་ཅག་ཁོ་བོ་ཅག་གི་མཛའ་བོ་དག་ཡིན་པས་ཁོ་བོ་ཅག་གིས་དགེ་བའི་ཕྱོགས་དག་ཡོངས་སུ་ཉམས་པར་བྱས་ཏེ་ཁྱེད་ཅག་ལ་ཆོས་བསྟན་
D3.007.0137a04.01ན་ཁྱེད་ཅག་ཁོ་བོ་ཅག་ལ་མ་བལྟས་པ་ཁོ་ནར་འདིར་དོང་ངོ་། །འཕགས་པ་དག་བདག་ཅག་ཐམས་ཅད་ཀྱི་ཐམས་ཅད་དུ་འདིར་མཆིས་པ་མ་ལགས་ཏེ། འདི་ལྟར་དེ་ན་བདག་ཅག་གི་གླང་དག་གི་རིན་མ་མཆིས་པས་དེའི་སླད་དུ་བདག་ཅག་འདི་ན་གླང་དག་གསོན་ཅིང་མཆིས་ཏེ། ཇི་ཙམ་ན་ཟོང་དག་
D3.007.0137a05.01བསྒྱུར་ཏེ་མཆི་བ་ན་བདག་ཅག་སླར་ཡང་མཉན་ཡོད་དུ་མཆིའོ། །བཞིན་{བཟངས་,བཟང་}དག་འཁོད་ཅིག་དང་ཆོས་བསྟན་པར་བྱའོ། །དེ་དག་གིས་དྲུག་སྡེ་དག་གི་རྐང་པ་ལ་ཕྱག་འཚལ་ཏེ་སྟན་ཆེས་དམའ་བ་དག་བླངས་ནས་མདུན་དུ་ཆོས་མཉན་པའི་ཕྱིར་འཁོད་པ་དང་། དྲུག་སྡེ་དག་གིས་དེ་དག་ལ་
D3.007.0137a06.01ཆོས་བསྟན་ནས་དེ་དག་གིས་སྨྲས་པ། འཕགས་པ་དག་འདི་ཉིད་དུ་བསོད་སྙོམས་གསོལ་ཅིག །བཞིན་{བཟངས་,བཟང་}དག་ལྟོ་གང་བས་ཆོག་གོ། །དེད་དཔོན་གྱིས་སྨྲས་པ། ཤེས་ལྡན་དག་འཕགས་པ་དག་ཡང་དང་ཡང་དུ་ལྟོ་གང་བས་ཆོག་གོ་ཞེས་གསུང་བ་ལས་ན། འདི་དག་ལ་ན་བཟའ་
D3.007.0137a07.01