完整藏文原文 · 德格版页 当前仅加载第 7 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་ནི་ལྟུང་བ་མེད་དོ། །ངོས་ལ་རི་མོར་བྲིས་པ་ཕན་ཅད་ལ་ཡང་ལྟུང་བ་མེད་དེ། ཇི་ལྟར་བདག་གིས་ཤེས་པ་དེ་བཞིན་དུ་འཇིག་རྟེན་ཐམས་ཅད་ཀྱིས་ཀྱང་ཤེས་སོ་སྙམ་ནའོ། །ལས་དང་པོ་པ་དང་། སྨྱོས་པ་དང་སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྐུར་པ་འདེབས་
D3.007.0279b01.01པའི་ལྟུང་བྱེད་དེ་དྲུག་བཅུ་རྩ་དགུ་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རྒྱལ་པོའི་ཁབ་ན་ཐ་ག་པ་སྤྱི་ཅེར་ཞེས་བྱ་བ་ཞིག་འདུག་པ་དེས་མཉན་ཡོད་པའི་ཐ་ག་པ་ཞིག་གི་བུ་མོ་
D3.007.0279b02.01བག་མར་བླངས་ནས་དེ་བུ་མོ་དེ་ལ་ཡང་དང་ཡང་དུ་ཁུ་ཚུར་དང་ཐལ་ལྕག་གིས་རྡེག་པར་བྱེད་དོ། །དེའི་སྡུམ་ཚེས་བུད་མེད་རྒན་མོ་ཞིག་འདུག་ནས་བུ་མོ་དེ་བུད་མེད་རྒན་མོ་དེའི་གན་དུ་སོང་སྟེ་སྨྲས་པ། ཡུམ་བདག་ལ་ཁྱིམ་ཐབ་འདི་ཡང་དང་ཡང་དུ་ཁུ་ཚུར་དང་ཐལ་ལྕག་དག་གིས་རྡེག་
D3.007.0279b03.01པར་བགྱིད་པས་བདག་འབྲོས་སོ། །རྒན་མོས་སྨྲས་པ། བུ་མོ་ཁྱོད་ལ་ཇི་སྲིད་དུ་བུ་མ་བཙས་པ་དེ་སྲིད་དུ་ཁྱོད་ལ་ཁྱིམ་ཐབ་འདི་རྡེག་པར་བྱེད་ཀྱི་གང་གི་ཚེ་ཁྱོད་ལ་བུ་བཙས་པར་གྱུར་པ་དེའི་ཚེ་ན་འདི་ཁྱོད་ལ་བྱམས་པར་འགྱུར་གྱིས་མ་འབྲོས་པར་སྡོད་ཅིག་དང་ཁོ་མོས་བཟློག་
D3.007.0279b04.01པར་བྱའོ་ཞེས་བུད་མེད་རྒན་མོ་དེས་ཐ་ག་པ་སྤྱི་ཅེར་ལ་སྨྲས་པ། བུ་ཁྱོད་བུ་མོ་འདི་ལ་ཡང་དང་ཡང་དུ་ཁུ་ཚུར་དང་ཐལ་ལྕག་དག་གིས་རྡེག་པས་འདི་འབྲོས་པར་གྱུར་ན་མི་རུང་གིས་ཕྱིན་ཅད་མ་རྡེག་ཤིག་ཐ་ག་པ་དེ་དེ་ལྟར་བུད་མེད་རྒན་མོ་དེས་བཟློག་ཀྱང་མ་བཏུབ་སྟེ་
D3.007.0279b05.01ཕྱིན་ཅད་ཡང་དང་ཡང་དུ་བུ་མོ་དེ་ལ་ཁུ་ཚུར་དང་ཐལ་ལྕག་དག་གིས་རྡེག་པར་བྱེད་དོ། །དེ་ནས་དུས་གཞན་ཞིག་ན་ཐ་ག་པ་དེ་ཚོང་ཁང་དུ་ཆང་འཐུངས་ཏེ་ར་རོ་ནས་རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས་དེས་བུ་མོ་དེ་ཤིན་ཏུ་བརྡེག་པ་དང་། བུ་མོ་དེས་བསམས་པ། བདག་བུ་བཙས་པར་
D3.007.0279b06.01མ་གྱུར་གྱི་བར་སྐབས་སུ་འདིས་བསད་པར་གྱུར་ན་མི་རུང་གིས་བདག་ལ་བུ་མེད་ཀྱང་བླས། བདག་བྲོས་ཏེ་འགྲོའོ་སྙམ་ནས། བུ་མོ་དེས་ཐ་ག་པ་དེ་གཉིད་ལོག་པར་རིག་ནས་སྒོ་དང་པོ་ཕྱེ་བ་ཁོ་ན་ནས་བྱུང་སྟེ་བྲོས་སོ། །དགེ་སློང་ཞིག་རྒྱལ་པོའི་ཁབ་ཏུ་དབྱར་གནས་པར་ཁས་
D3.007.0279b07.01