完整藏文原文 · 德格版页 当前仅加载第 7 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བཅོལ་བར་མི་བྱའོ། །གལ་ཏེ་དེ་ལྟ་བུའི་རྐྱེན་བྱུང་ན་དེས་གཎྜཱི་བརྡུང་བར་བྱ་ཞིང་དེ་ན་དགེ་སློང་གང་དག་འཁོད་པ་དེ་དག་གིས་གུས་པར་བྱ་སྟེ་བྲུབ་པར་བྱའོ། །དེ་དག་གིས་ཀྱང་གཎྜཱི་ཐོས་ནས་གུས་པས་འགྲོ་བར་བྱའོ། །ནགས་ཀྱི་ནང་ན་གཙུག་ལག་ཁང་
D3.007.0018a01.01འདུག་པ་ལ་མེ་ཤོར་ནས་མེས་གྲོང་དང་། གྲོང་ཁྱེར་དང་། རྒྱལ་པོའི་ཕོ་བྲང་དང་། ཡུལ་འཁོར་ཡང་ཚིག་ལ་ཐུག །སྤྱོད་ཡུལ་དང་སྤྱོད་ཡུལ་གྱི་ལམ་དང་། འཆག་ས་དང་། དག་ར་དང་། སྒོ་ཁང་དང་། གཙུག་ལག་ཁང་ཡང་ཚིག་ལ་ཐུག་པ་ན། དགེ་སློང་
D3.007.0018a02.01རྣམས་ཀྱིས་རང་རང་གི་ལྷུང་བཟེད་དང་ཆོས་གོས་དག་ནི་ཕྱུང་། དགེ་འདུན་གྱི་གནས་མལ་དག་ནི་ཚིག་ནས་ཁྱིམ་བདག་འོངས་ཏེ་དགེ་སློང་རྣམས་ལ་དྲིས་པ། འཕགས་པ་དག་ཅི་དག་མ་ཚིག་གམ། ཅི་ཡང་མ་ཚིག་གོ། །དགེ་འདུན་གྱི་གནས་མལ་དག་ག་རེ། ཚིག་གོ། །
D3.007.0018a03.01ཅི་ཡང་མ་ཚིག་པ་དེ། དེ་འདྲ་འམ། ཁོ་བོ་ཅག་གི་ཅི་ཡང་མ་ཚིག་གོ། །དེས་སྨྲས་པ། ཀྱེ་མའོ་དགེ་འདུན་གྱི་གནས་མལ་ཙམ་འབྱིན་ཀྱང་མ་ཕོད་ཅེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་
D3.007.0018a04.01པ། དགེ་འདུན་གྱི་གནས་མལ་ཡང་དབྱུང་བར་བྱའོ། །དེ་དག་དགེ་འདུན་གྱི་གནས་མལ་འབྱིན་པ་ན་དེ་དག་གི་གང་ཟག་གི་གནས་མལ་དང་། ལྷུང་བཟེད་དང་། ཆོས་གོས་དག་ཚིག་ནས། དེ་དག་ཕོངས་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་
D3.007.0018a05.01འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་ཟག་ནི་ཕོངས་པར་འགྱུར་ལ། དགེ་འདུན་ནི་མི་འགྱུར་བས་ཇེ་དང་པོར་གང་ཟག་གི་ལྷུང་བཟེད་དང་། ཆོས་གོས་དབྱུང་བར་བྱ་ཞིང་དེའི་འོག་ཏུ་དགེ་འདུན་གྱི་དབྱུང་བར་བྱའོ། །དེ་དག་ཕྱུང་བ་ན་མ་
D3.007.0018a06.01བྱིན་པ་ལེན་པ་དག་གིས་བརྐུས་ནས། བཅོམ་ལྡན་འདས་ཀྱིས་བཀའ་སྩལ་པ། དེར་སྲུང་མ་དགེ་སློང་གཞག་པར་བྱའོ། །དེ་དག་མཐུ་དང་ལྡན་པ་འཇོག་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། མཐུ་ཆུང་ངུ་གཞག་པར་བྱའོ། །དེ་དག་མེ་མི་བཟོད་
D3.007.0018a07.01