完整藏文原文 · 德格版页 当前仅加载第 7 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག་འཁོད་པ་དེ་གཉིས་ཕན་ཚུན་ཁོན་ཡོད་ཅིང་གཅིག་ནི་དད་པ་དང་ལྡན་པ་ཡིན་ལ། གཅིག་ནི་མ་དད་པ་ཡིན་ནས། དད་པ་ཅན་གྱིས་བསམས་པ། ཁོན་སྤེལ་བས་ཅི་བྱ་སྟེ། ཁོན་ཞི་བར་བྱས་སོང་ལ་རབ་ཏུ་འབྱུང་བར་བྱའོ་སྙམ་ནས་དེ་རྒྱལ་བྱེད་ཀྱི་
D3.007.0010a01.01ཚལ་དུ་སོང་སྟེ་དགེ་སློང་གི་གན་དུ་རབ་ཏུ་བྱུང་ངོ་། །ཁྱིམ་བདག་མ་དད་པ་ཤོས་དེས་མི་ཞིག་ལ་དྲིས་པ། བཞིན་{བཟངས་,བཟང་}ཁྱིམ་བདག་ཆེ་གེ་མོ་ཞེས་བྱ་བ་དེ་གར་སོང་། དེས་སྨྲས་པ། རབ་ཏུ་བྱུང་ངོ་། །གང་དུ། ཤཱཀྱའི་བུའི་དགེ་སྦྱོང་རྣམས་ཀྱི་ནང་དུའོ། །ཅི་དེ་མི་
D3.007.0010a02.01འཇིགས་པའི་གྲོང་ཁྱེར་ཡིན་ནམ། ཁོ་བོ་དེར་ཡང་སོང་ལ་དེ་ལ་གནོད་པར་བྱའོ། །འཇིག་རྟེན་ནི་མཛའ་བཤེས་དང་། དགྲ་བོ་དང་། ཐ་མལ་པ་ཡིན་པས་གཞན་ཞིག་དེའི་གན་དུ་སོང་སྟེ་སྨྲས་པ། ཁྱོད་ལ་ཁྱིམ་བདག་དེ་གཤེའོ། །དེས་བསམས་པ། བདག་
D3.007.0010a03.01ཉེས་དམིགས་གང་གིས་རབ་ཏུ་བྱུང་བའི་ཉེས་དམིགས་དེ་ཉིད་ཀྱིས་རྗེས་སུ་འབྲེལ་ཏོ་སྙམ་ནས་དེ་མཁན་པོའི་དྲུང་དུ་སོང་སྟེ། སྨྲས་པ། མཁན་པོ་བདག་ཉེས་དམིགས་གང་གིས་རབ་ཏུ་བྱུང་བའི་ཉེས་དམིགས་དེ་ཉིད་ཀྱིས་རྗེས་སུ་འབྲེལ་བར་གྱུར་གྱིས་མཆིའོ། །བུ་གང་
D3.007.0010a04.01དུ་འགྲོ། །རྒྱལ་པོའི་ཁབ་ཏུའོ། །དེ་ལྟར་གྱིས་ཤིག །དེ་རྒྱལ་པོའི་ཁབ་ཏུ་འཕགས་པ་དང་། ཁྱིམ་བདག་དེ་ཡང་རྒྱལ་བྱེད་ཀྱི་ཚལ་དུ་འོངས་ནས་དགེ་སློང་ལ་དྲིས་པ། འཕགས་པ་ཁྱིམ་བདག་འདི་ཞེས་བགྱི་བ་དེ་ཅི་རབ་ཏུ་བྱུང་ངམ། རབ་ཏུ་བྱུང་ངོ་། །དེ་གར་མཆིས།
D3.007.0010a05.01རྒྱལ་པོའི་ཁབ་ཏུ་སོང་ངོ་། །དེས་བསམས་པ། ཅི་དེ་མི་འཇིགས་པའི་གྲོང་ཁྱེར་ཡིན་ནམ། བདག་དེར་ཡང་སོང་ལ་དེ་ལ་མཚམས་གཅད་པར་བྱའོ་སྙམ་ནས་དེ་ཡང་རྒྱལ་པོའི་ཁབ་ཏུ་འཕགས་སོ། །དགེ་སློང་ནི་དུས་སུ་འགྲོ་ཞིང་དུས་མ་ཡིན་པར་མི་འགྲོ་ལ། ཁྱིམ་པ་ནི་
D3.007.0010a06.01དུས་སུ་ཡང་འགྲོ། །དུས་མ་ཡིན་པར་ཡང་འགྲོ་བས་དགེ་སློང་དེ་རི་བྲགས་ཀྱི་གཙུག་ལག་ཁང་ཞིག་ཏུ་ཞུགས་པ་དང་། ཁྱིམ་བདག་དེས་མཐོང་ནས་དེས་བསམས་པ། གལ་ཏེ་བདག་གིས་འདི་ལ་ཅུང་ཟད་སྨྲ་བའི་རིགས་ན་འདིའི་གྲོགས་དགེ་སློང་དག་མང་བས་བདག་ལ་གནོད་པ་
D3.007.0010a07.01