完整藏文原文 · 德格版页 当前仅加载第 7 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡིན་པ་དེ་ལྟ་བུའི་གནས་ཡོད་དོ། །དེས་སྨྲས་པ། དེད་དཔོན་མད་ཀྱང་བཞད་གད་བགྱིས་སོ། །ལམ་དེ་ནས་དོན་མཐུན་ཚུར་འོང་བ་དག་ཅིག་ལྷགས་ནས་དོན་མཐུན་དེ་དང་ལྷན་ཅིག་ཤེས་པ་ཅན་ཞིག་འོང་བ་དེས་དེ་མཐོང་ནས་སྨྲས་པ། ཤེས་པ་ཅན་ཉོད་པ་ཉོད་དམ། དེས་སྨྲས་པ།
D3.007.0171b01.01ཉོད་དོ། །གང་ནས། དེས་སྨྲས་པ། ཁྱིམ་བདག་སྒྲེ་བྱི་འདི་དག་ཁོ་བོ་ལ་མཁོ་བ་སྟོབས་པར་བྱེད་དོ། །དེས་སྨྲས་པ། ཤེས་པ་ཅན་ཁྱོད་ནི་བྱས་པ་མི་ཤེས་པ་ཡིན་ཏེ། འདི་དག་ཁྱོད་ཀྱི་ཁྱིམ་བདག་སྒྲེ་བྱི་དག་ཡིན་ནམ། འདི་དག་ལས་ནི་ལྔ་བརྒྱ་པའི་ཚོགས་དག་ཡོངས་སུ་མྱ་
D3.007.0171b02.01ངན་ལས་འདའ་བར་སྣང་གིས། ཁྱོད་ཀྱིས་ཤེས་པ་ཅན་ནི་གཅིག་འགའ་ཡང་ཡོངས་སུ་མྱ་ངན་ལས་འདའ་བར་མཐོང་ངམ་ཞེས་དེས་ཚིགས་སུ་བཅད་པ་དག་སྨྲས་པ། ངན་པ་ཅི་ཕྱིར་ས་ལ་འབྱིང་མི་བྱེད། །ཅི་ཕྱིར་ལྕེ་ཡང་ཚལ་པ་བརྒྱར་མི་འགས། །ཁྱོད་ཀྱི་ལུས་ལ་ཅི་ཕྱིར་གསང་བ་
D3.007.0171b03.01དག །རྡོ་རྗེའི་སེར་བ་མདུང་ཐུང་མདའ་མི་འཕེན། །ཇི་ལྟར་སེང་གེའི་ལྷག་མ་ཟ་བའི་ཝ། །སེང་གེ་ཉིད་ལ་གསོད་པར་འདོད་པ་ལྟར། །དེ་བཞིན་ཁྱོད་ཀྱང་སྟོབས་བཅུའི་འཁྱོས་ཟ་ཞིང་། །སྟོབས་བཅུ་ཉིད་ལ་སྨོད་བྱེད་མ་འཕགས་པ། །གང་དུ་གང་ལ་ཉེ་བར་བརྟེན་བྱས་ན། །
D3.007.0171b04.01མི་ངན་འདི་འདྲས་འཚོ་བ་འཐོབ་པ་ལས། །དེ་ནས་ངེས་པར་མཛའ་བཤེས་དགྲ་རྣམས་ལ། །མཉམ་མཛད་བློ་ལྡན་ཐམས་ཅད་མཁྱེན་པ་ཡིན། །མི་རྣམས་གང་དག་བྱས་པ་མི་ཤེས་པ། །དེ་དག་ཁྱི་བས་ཤིན་ཏུ་ངན་པར་བསམས། །ཁྱི་ཡང་མི་ལ་བྱས་པ་ཤེས་སྣང་ན། །སྦྲུལ་
D3.007.0171b05.01འདྲའི་མི་དག་དུག་ནི་གཏོང་བར་བྱེད། །འདི་ནི་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །དེ་ནས་བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུ་ཞིང་གཤེགས་པ་ན་མཉན་ཡོད་དུ་བྱོན་ཏོ། །
D3.007.0171b06.01མཉན་ཡོད་ན་སྐྱེད་མོས་ཚལ་ཞིག་ན་ཡུགས་ས་མོ་ལྔ་བརྒྱ་ཙམ་དོག་པ་འཁལ་ཞིང་འཁོད་པ་དེ་དག་གིས། སངས་རྒྱས་བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་གཟུགས་ཅན་བརྒྱན་ཅིང་གསལ་བ། གཟུགས་ཅན་ལྟ་བུ་ཆོས་དང་ལྡན་པ། གསེར་ཕྱེས་
D3.007.0171b07.01