完整藏文原文 · 德格版页 当前仅加载第 7 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་མཚན་མོའི་གུང་ཐུན་ནམ། ཐུན་ཐ་མའམ། སྐྱ་རེངས་མ་ཤར་བའམ། སྐྱ་རེངས་ཤར་བའམ། ཉི་མ་མ་ཤར་བའམ། ཉི་མ་ཤར་བའམ། ཉི་མའི་བརྒྱད་ཆ་ཤར་བའམ། ཉི་མའི་བཞི་ཆ་ཤར་བའམ། ཕྱེད་མ་ཡོལ་བའམ། ཕྱེད་ཡོལ་བའམ། ཉི་མའི་བཞི་
D3.007.0012b01.01ཆ་ལུས་པའམ། ཉི་མའི་བརྒྱད་ཆ་ལུས་པའམ། ཉི་མ་མ་ནུབ་པའམ། ཉི་མ་ནུབ་པའམ། རྒྱུ་སྐར་དག་མ་ཤར་བའམ། རྒྱུ་སྐར་དག་ཤར་བ་ན་ལྡང་བར་བྱེད་ན། གལ་ཏེ་གནས་མལ་ཕན་ཕུན་དུ་མ་གྱུར་ན་ཉེས་བྱས་སུ་འགྱུར་ལ། གལ་ཏེ་ཕན་ཕུན་དུ་གྱུར་ན་ལྟུང་བྱེད་དུ་
D3.007.0012b02.01འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་གནས་མལ་གྱི་ཕན་ཕུན་དུ་མཆིས། ཉེ་བ་འཁོར་གཉིས་ཏེ། རླུང་གི་ཕན་ཕུན་དང་། ཆར་པའི་ཕན་ཕུན་ནོ། །རླུང་གི་ཕན་ཕུན་གང་ཞེ་ན། རིམ་པ་གཅིག་ནས་རིམ་པ་
D3.007.0012b03.01གཉིས་པའི་བར་དུ་བཟློག་པར་གྱུར་པའོ། །ཆར་པའི་ཕན་ཕུན་གང་ཞེ་ན། རིམ་པ་གཅིག་ནས་རིམ་པ་གཉིས་པའི་བར་དུ་ཐལ་བར་གྱུར་པའོ།། །།བར་སྡོམ་ལ། ཆོས་བསྟན་པ་དང་མགྲོན་འབོད་དང་། །གཙུག་ལག་ཁང་དང་ཆོས་ཉན་དང་། །འདུག་པ་དང་
D3.007.0012b04.01ནི་གཉིས་པོ་དང་། །སྐུ་གཟུགས་དང་ནི་ནད་པ་དང་། །སྟན་དང་ལྔ་དང་གཅིག་ལ་གཉིས། །ཕྱི་བཞིན་འགྲོ་དང་གྲོགས་བྱ་དང་། །ཁ་ཏོན་པ་དང་ཞུ་བ་དང་། །སྟན་བཀུར་བ་དང་ཟན་བཅད་དང་། །བྲུབ་པ་དང་ནི་བཅོལ་བ་དང་། །མེ་དང་ཆུ་ཡང་དེ་བཞིན་ནོ། །བྲམ་ཟེ་
D3.007.0012b05.01དང་ཁྱིམ་བདག་དད་པ་ཅན་དག་དགེ་སློང་དག་གི་གན་དུ་འོངས་ཏེ་སྨྲས་པ། འཕགས་པ་དག་ཆོས་བསྟན་དུ་གསོལ། དགེ་སློང་དག་གིས་སྨྲས་པ། བཅོམ་ལྡན་འདས་འདི་ན་བཞུགས་ཀྱིས། བཅོམ་ལྡན་འདས་ཀྱི་གན་དུ་དེང་ཤིག་དང་། བཅོམ་ལྡན་འདས་སྟོན་པར་
D3.007.0012b06.01འགྱུར་རོ། །འཕགས་པ་དག་སྟོན་པ་ཉག་གཅིག་ལགས་པས་རེ་ཞིག་ལྷ་རྣམས་ལ་ཆོས་སྟོན་ཏམ། འོན་ཏེ་ཀླུ་རྣམས་ལའམ། འོན་ཏེ་གནོད་སྦྱིན་རྣམས་ལའམ། འོན་ཏེ་དྲི་ཟ་རྣམས་ལའམ། འོན་ཏེ་མི་རྣམས་ལ་ཆོས་སྟོན་སུས་འཚལ་གྱིས་ཁྱེད་ཀྱིས་ཀྱང་སྟོན་ཅིག །
D3.007.0012b07.01