完整藏文原文 · 德格版页 当前仅加载第 7 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་དགེ་སློང་ལ་རྡེག་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ། གཞན་ཡང་དེ་ལྟ་བུ་གང་ཡིན་པའོ། །ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་ཞེས་བྱ་བ་ནི་ཁྲོས་ཤིང་ཁྲོ་བའི་ཟིལ་གྱིས་ནོན་ནས་སོ། །དགེ་སློང་ལ་ཞེས་བྱ་བ་ནི་ཆོས་འདི་པ་ལའོ། །རྡེག་ན་ཞེས་བྱ་
D3.007.0183b01.01བ་ནི་རྡེག་པར་བྱེད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་
D3.007.0183b02.01ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། ནང་གིས་ཟིན་པ་དང་། ཕྱི་རོལ་དུ་འཕངས་པ་དང་། དེ་གཉི་ག་དང་ལྡན་པས་སོ། །ཇི་ལྟར་ནང་གིས་ཟིན་པས་ཤེ་ན། དགེ་སློང་ཁྲོས་འཁྲུགས་རྔམ་པར་གྱུར་ཏེ་ཡི་མ་
D3.007.0183b03.01རངས་ནས་དགེ་སློང་ལ་སོར་མོ་གཅིག་གིས་རྡེག་པར་བྱེད་ན་ལྟུང་བྱེད་དུ་འགྱུར་རོ། །སོར་མོ་གཉིས་དང་། གསུམ་དང་། བཞི་དང་། སོར་མོ་ལྔས་རྡེག་པར་བྱེད་ན་ལྟུང་བྱེད་ལྔར་འགྱུར་རོ། །ཁུ་ཚུར་དང་། གྲུ་མོ་དང་། ཕྲག་པ་དང་། མགོ་དང་། གློ་དང་། རྒྱབ་དང་། རྐེད་པ་དང་། བརླ་
D3.007.0183b04.01དང་། པུས་མོ་དང་། རྗེ་ངར་དང་། ཐ་ན་རྐང་པའི་མཐེ་བོས་རྡེག་པར་བྱེད་ན་ལྟུང་བྱེད་དུ་འགྱུར་ཏེ། དེ་ལྟར་ནང་གིས་ཟིན་པས་སོ། །ཇི་ལྟར་ཕྱི་རོལ་དུ་འཕངས་པས་ཤེ་ན། དགེ་སློང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་ལ་མདས་འཕེན་པར་བྱེད་ན་ལྟུང་བྱེད་དུ་འགྱུར་རོ། །མདས་
D3.007.0183b05.01ཇི་ལྟ་བ་དེ་བཞིན་དུ་ལྕགས་མདའ་དང་། མདའ་ཕྱེད་ལྕགས་ལས་བྱས་པ་དང་། མདེའུ་སྟེའུ་ཀ་མ་དང་། མདེའུ་བེའུ་སོ་ལྟ་བུ་དང་། མདེའུ་ཟུར་བཞི་མ་དང་། མདེའུ་ཀ་ར་བཱི་རའི་འདབ་མ་ལྟ་བུ་དང་། མདེའུ་བྱེའུ་སྙིང་མ་དང་། འཁོར་ལོ་དང་། རྡོ་རྗེ་རྩེ་གཅིག་དང་། མདའ་བོ་ཆེ་དང་། མཚོན་
D3.007.0183b06.01རྩེ་གཅིག་པ་དང་། རྒྱ་ཤུག་གི་ཚིག་གུ་དང་། ཐ་ན་ཡུངས་ཀར་སྤར་གང་འཕེན་པར་བྱེད་ན་ཡུངས་ཀར་ཇི་སྙེད་ལུས་ལ་ཕོག་པ་དེ་སྙེད་ཀྱི་ལྟུང་བྱེད་དུ་འགྱུར་རོ། །ཡུངས་ཀར་ཇི་སྙེད་ལུས་ལ་མ་ཕོག་པ་དེ་སྙེད་ཀྱི་ཉེས་བྱས་སུ་འགྱུར་ཏེ། དེ་ལྟར་ཕྱི་རོལ་དུ་འཕངས་པས་སོ། །ཇི་ལྟར་དེ་གཉི་ག་
D3.007.0183b07.01