完整藏文原文 · 德格版页 当前仅加载第 7 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། བཟའ་བ་བསོད་པ་དེ་བྱིན་ལེན་བྱས་ནས་ཚེ་དང་ལྡན་པ་འཆར་ཀ་ཟན་ཟ་བ་ན་འདུན་པས་དེའི་མདུན་དུ་ཙོག་པུར་འདུག་སྟེ་སྨྲས་པ། བཙུན་པ་འཆར་ཀ་དགོངས་སུ་གསོལ། བདག་དགེ་སློང་འདུན་པ་ཞེས་བགྱི་བ་འཚལ་མ་འཚལ་ལགས་ཤིང་སྤངས་ཏེ་ཡོངས་སུ་རྫོགས་ཤིང་མཐར་ཐུག་
D3.007.0227b01.01པར་བགྱིས་པ་ལས་བཅའ་བ་དང་། བཟའ་བ་རྙེད་ཅིང་འཚལ་བར་འཚལ་ན་ལྷག་པོར་བགྱི་སྟེ་བདག་ལ་སྩལ་དུ་གསོལ། འཆར་ཀས་དེ་ལས་ཁམ་གཉིས་སམ་གསུམ་ཟོས་ནས་ཁྱོད་ཀྱིར་གྱུར་གྱིས་བཞུད་ཅིག་ཅེས་སྨྲས་པ་གར་མཁན་དེས་མཐོང་ནས་དེས་བསམས་པ། བདག་གིས་འདིས་མ་
D3.007.0227b02.01དད་པ་དག་ཀྱང་དད་པར་འགྱུར་བར་ནུས་སོ་སྙམ་ནས་དེ་ནས་ཕྱིར་སོང་ངོ་།། །།འདུལ་བ་རྣམ་པར་འབྱེད་པ། བམ་པོ་ལྔ་བཅུ་རྩ་དགུ་པ། དེ་ནས་གར་མཁན་དེས་རྒྱལ་པོའི་ཁབ་ཏུ་ཀླུའི་རྒྱལ་པོ་རི་བོ་དང་། ཡིད་འོང་གཉིས་ཀྱི་དུས་སྟོན་བརྩམས་པ་དེའི་ཉིན་མོ་བླ་རེ་བྲེས་ཏེ་རྫ་རྔ་ཆེན་པོ་
D3.007.0227b03.01བརྡུངས་པ་དང་། སྐྱེ་བོ་ཕལ་པོ་ཆེའི་ཚོགས་དེར་ལྷགས་ཏེ་འདུག་ཅིང་མཐུན་པར་གྱུར་པའི་ཚེ་དེས་གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པས་གཟིགས་པ་ལྔ་པོ་རིགས་དང་། རུས་དང་། ཡུལ་དང་། དུས་དང་། བུད་མེད་ལ་གཟིགས་པ་དག་གིས་
D3.007.0227b04.01འཇིག་རྟེན་ལ་གཟིགས་ནས་འདོད་པ་ན་སྤྱོད་པའི་ལྷ་དྲུག་པོ་དག་ལན་གསུམ་ཡོངས་སུ་སྦྱང་བ་བྱེད་དུ་བཅུག་སྟེ། གླང་པོ་ཆེར་སྣང་བ་བསྒྱུར་ནས་ཤེས་བཞིན་དུ་ཡུམ་གྱི་ལྷུམས་སུ་ཞུགས་པ་དེའི་ཚེ་ན་ས་ཆེན་པོ་ཤིན་ཏུ་གཡོས་པར་གྱུར་ཅིང་འཇིག་རྟེན་གྱི་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་
D3.007.0227b05.01རྫུ་འཕྲུལ་ཆེ་བ། འདི་ལྟར་མཐུ་ཆེ་བ་འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་ནག་མུན་པར་བྱེད་པས་གནག་པར་གྱུར་པ་གང་དག་ཡིན་པ་དེ་དག་ཀྱང་དེའི་ཚེ་ན་སྣང་བ་རྒྱ་ཆེན་པོས་ཁྱབ་པར་གྱུར་ནས། སེམས་ཅན་གང་དག་དེར་སྐྱེས་པ་དག་གིས་རང་གི་ལག་པ་བརྐྱང་བ་ཡང་མི་མཐོང་
D3.007.0227b06.01བ་དེ་དག་གིས་ཀྱང་འོད་དེས་སེམས་ཅན་གཅིག་གིས་གཅིག་མཐོང་ནས་ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་ཤེས་པར་གྱུར་པ་ནས། གང་གི་ཚེ་བཅོམ་ལྡན་འདས་ཀྱིས་མཚན་མོའི་གུང་ཐུན་ལ་བདུད་འབྱུང་པོ་དུང་
D3.007.0227b07.01