完整藏文原文 · 德格版页 当前仅加载第 7 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
ཁོ་བོས་ཁྱོད་ཀྱི་བསོད་ནམས་ཀྱི་གྲོགས་བྱས་འདི་ལྟར་ཁྱོད་ཀྱིས་ཁོ་བོ་དགེ་འདུན་གྱིས་ལག་གི་བླར་སྐོར་ཆུག་ཤིག་ཁྱིམ་བདག་དེ་གཙུག་ལག་ཁང་དུ་སོང་སྟེ་རྒན་པའི་མཐའ་ལོགས་སུ་འདུག་ནས་སྨྲས་པ། འཕགས་པ་དག་འཕགས་པ་འདུན་པ་འདི་བདག་གི་གཙུག་
D3.007.0047a01.01ལག་ཁང་བགྱིད་དུ་སྩོལ་བར་འཚལ་ན་དེའི་སླད་དུ་འཕགས་པའི་དགེ་འདུན་གྱིས་བདག་ལ་ཐུགས་བརྩེ་བའི་སླད་དུ་འཕགས་པ་འདུན་པ་བདག་གི་གཙུག་ལག་ཁང་བགྱིད་པའི་ལག་གི་བླར་བསྐོར་གསོལ། དེ་ན་དགེ་འདུན་གྱི་ནང་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་པ་དེས་
D3.007.0047a02.01བསམས་པ། དྲུག་སྡེ་དག་ལས་སུ་མ་བསྐོས་ན་ཡང་དགེ་སློང་དག་ལ་མཐོ་འཚམ་པར་བྱེད་ན་གལ་ཏེ་ལག་གི་བླར་བསྐོས་པར་གྱུར་ན་རྒྱ་ཆེར་དགེ་སློང་རྣམས་ལ་མཐོ་འཚམ་པར་འགྱུར་རོ་སྙམ་ནས་ཚེ་དང་ལྡན་པ་ཤཱ་རིའི་བུས་འདུན་པ་ལ་སྨྲས་པ། ཚེ་དང་ལྡན་པ་འདུན་པ་གང་གི་ཚེ་ཁོ་བོས་རྒྱལ་
D3.007.0047a03.01བྱེད་ཀྱི་ཚལ་རྩིག་ཏུ་བཅུག་པ་དེའི་ཚེ་ན་ཡང་ཁོ་བོ་སུས་ཀྱང་ལག་གི་བླར་མ་བསྐོས་སོ། །གང་གི་ཚེ་ཚེ་དང་ལྡན་པ་སྐུལ་བྱེད་ཆེན་པོས་གདངས་ཅན་གྱི་ཀུན་དགའ་ར་བ་རྩིག་ཏུ་བཅུག་པ་དེའི་ཚེ་ན་ཡང་དེ་སུས་ཀྱང་ལག་གི་བླར་མ་བསྐོས་སོ། །ཁྱོད་ཀྱང་གལ་ཏེ་གཙུག་ལག་ཁང་བྱེད་དུ་འཇུད་
D3.007.0047a04.01པར་འདོད་ན་མ་བསྐོས་པ་ཉིད་དུ་བྱེད་དུ་ཆུག་ཤིག །ཚེ་དང་ལྡན་པ་འདུན་པས་བསམས་པ། ལྷུང་བཟེད་ནག་པོ་ཅན་དག་བདག་ཅག་མཐོང་བར་ཡང་མི་དགའ་ན་ལག་གི་བླར་བསྐོར་སྟེར་བར་ལྟ་ག་ལ་འགྱུར་སྙམ་ནས། དེ་བྲམ་ཟེ་དེའི་གན་དུ་སོང་སྟེ། ཀཱར་ཥཱ་པ་ཎ་དག་བླངས་ནས་སོ་
D3.007.0047a05.01ཕག་མཁན་དག་གི་གན་དུ་སོང་སྟེ་སྨྲས་པ། བཞིན་{བཟངས་,བཟང་}དག་ཁྱེད་ཀྱིས་ཉི་མ་གཅིག་ཁོ་ནས་གཙུག་ལག་ཁང་སུམ་རྩེག་གི་སོ་ཕག་སྦྱིན་པར་ནུས་སམ། དེ་དག་གིས་སྨྲས་པ། འཕགས་པ་ཀཱར་ཥཱ་པ་ཎ་དག་སྩོལ་ཅིག་དང་ལོག་སྟེ་དབུལ་བར་བགྱིའོ། །དེས་དེ་དག་ལ་ཀཱར་ཥཱ་པ་ཎ་དག་བྱིན་
D3.007.0047a06.01ནོ། །འདུན་པ་ཕྱ་མཁན་དག་གི་གན་དུ་སོང་སྟེ་སྨྲས་པ། བཞིན་{བཟངས་,བཟང་}དག་ཁྱེད་ཀྱིས་ཉི་མ་གཅིག་ཁོ་ནས་གཙུག་ལག་ཁང་སུམ་རྩེག་ཟིན་པར་ནུས་སམ། འཕགས་པ་ཀཱར་ཥཱ་པ་ཎ་དག་སྩོལ་ཅིག་དང་ལོག་སྟེ་ལེགས་པར་བགྱིའོ། །དེས་དེ་དག་ལ་ཀཱར་ཥཱ་པ་ཎ་དག་བྱིན་ནོ། །
D3.007.0047a07.01