完整藏文原文 · 德格版页 当前仅加载第 7 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
གཏི་མུག་སྤངས་པའི་ཕྱིར་རྨོངས་པར་འགྱུར་བའི་ཆོས་རྣམས་ལ་བདག་གི་སེམས་གང་ཡིན་པ་རྨོངས་པར་མི་འགྱུར་བ་དེ་ལྟར་བསླབ་པར་བྱའོ། །སྲིང་མོ་དག་དེ་ལྟ་བས་ན་འདི་ལྟར་བསླབ་པར་བྱ་སྟེ། ཉེ་བར་ལེན་པའི་ཕུང་པོ་ལྔ་པོ་དག་ལ་འབྱུང་བ་དང་འཇིག་པར་རྗེས་སུ་
D3.007.0057a01.01ལྟ་ཞིང་གནས་པར་བྱའོ། །རེག་པའི་སྐྱེ་མཆེད་དྲུག་པོ་དག་ལ་ཀུན་འབྱུང་བ་དང་ནུབ་པར་འགྱུར་བར་རྗེས་སུ་ལྟ་ཞིང་གནས་པར་བྱའོ། །དྲན་པ་ཉེ་བར་གཞག་པ་བཞི་པོ་དག་ལ་སེམས་ཉེ་བར་བཞག་ཅིང་གནས་པར་བྱའོ། །དྲན་པ་ཉེ་བར་གཞག་པ་བཞི་པོ་དག་ལ་སེམས་
D3.007.0057a02.01ལེགས་པར་ཉེ་བར་བཞག་ཅིང་གནས་ན་བྱང་ཆུབ་ཀྱི་ཡན་ལག་བདུན་པོ་དག་ཀུན་དུ་བསྟེན་པར་བྱ། གོམས་པར་བྱ། ལན་མང་དུ་བྱའོ། །ཞེས་དེ་ལྟར་བསླབ་པར་བྱའོ། །སྲིང་མོ་དག་ཁྱེད་ཀྱིས་བྱང་ཆུབ་ཀྱི་ཡན་ལག་བདུན་པོ་དག་ཀུན་དུ་བསྟེན་པའི་རྒྱུ་དང་། གོམས་
D3.007.0057a03.01པར་བྱས་པའི་རྒྱུ་དང་། ལན་མང་དུ་བྱས་པའི་རྒྱུ་དང་ལེགས་པར་ཡིད་ལ་བྱས་པའི་རྒྱུས་འདོད་པའི་ཟག་པ་ལས་སེམས་འདོད་ཆགས་དང་བྲལ་ཞིང་རྣམ་པར་གྲོལ་བ་དང་། སྲིད་པའི་ཟག་པ་དང་མ་རིག་པའི་ཟག་པ་ལས་སེམས་འདོད་ཆགས་དང་བྲལ་ཞིང་རྣམ་པར་གྲོལ་
D3.007.0057a04.01བར་འགྱུར་རོ། །སྲིང་མོ་དག་ཁྱེད་ཅག་རྣམ་པར་གྲོལ་བ་དག་ལ་བདག་ཅག་སྐྱེ་བ་ནི་ཟད། ཚངས་པར་སྤྱོད་པ་ནི་སྤྱད། བྱ་བ་ནི་བྱས་སྲིད་པ་འདི་ལས་གཞན་ནི་མི་ཤེས་སོ་ཞེས་རྣམ་པར་གྲོལ་བའི་ཤེས་པ་དང་མཐོང་བ་སྐྱེ་བར་འགྱུར་གྱིས། སྲིང་མོ་དག་ཁྱེད་ཀྱིས་དེ་ལྟར་
D3.007.0057a05.01བསླབ་པར་བྱའོ། །དེ་ནས་ཚེ་དང་ལྡན་པ་དགའ་བྱེད་དགེ་སློང་མ་དེ་དག་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་དུ་དགའ་བར་བྱས་ནས་སྟན་ལས་ལངས་ཏེ་སོང་ངོ་། །དེ་ནས་
D3.007.0057a06.01སྐྱེ་དགུའི་བདག་མོ་ཆེན་མོ་གཽ་ཏ་མཱི་འཁོར་དགེ་སློང་མ་ལྔ་བརྒྱ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་སྐྱེ་དགུའི་བདག་མོ་ཆེན་མོ་
D3.007.0057a07.01