完整藏文原文 · 德格版页 当前仅加载第 7 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
པར་མི་བྱའོ། །ཚེ་དང་ལྡན་པ་འདུན་པས་བསམས་པ། བྲམ་ཟེ་འདི་ནི་མངོན་པར་དད་པར་གྱུར་ན། འོན་ཀྱང་གལ་ཏེ་འདིར་ལྷུང་བཟེད་ནག་པོ་ཅན་འཇུག་པར་གྱུར་ན་དེས་འདི་ཅི་ནས་ཀྱང་འཁྲུག་པར་བྱེད་པར་འགྱུར་བས་ཐབས་ཀྱི་རྣམ་པ་ཞིག་བྱའོ་སྙམ་ནས་འདུན་པས་སྒོ་བ་དེ་
D3.007.0046b01.01ལ་སྨྲས་པ། ཀྭའི་ནང་རྗེ་ཁྱོད་ཀྱིས་བྲམ་ཟེ་དེ་ཇི་ལྟར་ཁོ་བོ་ལ་མངོན་པར་དད་པར་གྱུར་པ་མཐོང་ངམ། འཕགས་པ་མཐོང་ངོ་། །དེས་ཁོ་བོ་འབའ་ཞིག་འདིར་འཇུག་ཏུ་གནང་གིས་ལྷུང་བཟེད་ནག་པོ་ཅན་གཞན་སུ་ཡང་འཇུག་ཏུ་མ་གཞུག་ཤིག །གལ་ཏེ་འདིར་ལྷུང་བཟེད་ནག་པོ་
D3.007.0046b02.01ཅན་འགའ་ཞིག་འཇུག་ཏུ་བཅུག་ན་ཁོ་བོས་ཁྱོད་ལ་ཁྲིམས་ཆེན་པོ་འཆར་གཞུག་པར་བྱའོ། །འཕགས་པ་ཤིན་ཏུ་བག་ཡངས་སུ་བཞུད་ཅིག །ཁྱོད་ཉིད་ཀྱང་རེ་ཞིག་དེའུ་མ་ཆུད་པ་ལགས་ན་ལྷུང་བཟེད་ནག་པོ་ཅན་གཞན་འཇུག་པར་འགྱུར་བ་ལྟ་སྨོས་ཀྱང་ཅི་འཚལ། ཚེ་དང་ལྡན་
D3.007.0046b03.01པ་འདུན་པ་ཡིད་བདེ་བ་སྐྱེས་ཏེ་སོང་ནས་དེ་དུས་དང་དུས་སུ་བྲམ་ཟེ་དེའི་ཁྱིམ་དུ་འགྲོ་བར་བྱེད་དོ། །བྲམ་ཟེས་ཀྱང་དེ་ཁོ་ན་བཞིན་དུ་ཡང་དང་ཡང་དུ་སྟོབས་པར་བྱེད་པ་ན། ཚེ་དང་ལྡན་པ་འདུན་པས་དང་དུ་ལེན་པར་མི་བྱེད་པར་སྦྱིན་པ་དང་ལྡན་པའི་ཆོས་བསྟན་པ་འབའ་ཞིག་བྱས་
D3.007.0046b04.01ཤིང་འགྲོ་བར་བྱེད་དོ།། །།འདུལ་བ་རྣམ་པར་འབྱེད་པ། བམ་པོ་བཞི་བཅུ་རྩ་དྲུག་པ། ཇི་ཙམ་དུས་གཞན་ཞིག་ན་ཚེ་དང་ལྡན་པ་འདུན་པས་བྲམ་ཟེ་དེ་ལ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་པོ་དག་གི་བསྔགས་པ་བརྗོད་ཅིང་དེ་དག་རྒྱ་ཆེར་ལེགས་
D3.007.0046b05.01པར་བཤད་པ་དང་། བྲམ་ཟེས་སྨྲས་པ། འཕགས་པ་བདག་གིས་ཀྱང་རྫས་ལས་བྱུང་བའི་བསོད་ནམས་བྱ་བའི་གཞི་འགའ་ཞིག་བགྱིའོ། །བྲམ་ཟེ་དེ་བཞིན་གྱིས་ཤིག །འཕགས་པ་ཅི་ཞིག་བགྱི། དགེ་འདུན་གྱི་གཙུག་ལག་ཁང་བྱེད་དུ་ཆུག་ཤིག །བྲམ་ཟེས་བསམས་
D3.007.0046b06.01པ། བདག་གིས་འཕགས་པ་འདུན་པ་ལ་རྣམ་པ་དུ་མར་བསྟབས་ན་འདིར་ལན་འགའ་ཡང་དང་དུ་མ་བླངས་ཏེ་ད་དང་དུ་བླངས་པ་གང་ཡིན་པ་འདི་ཡང་དགེ་འདུན་གྱི་ཕྱིར་རོ་སྙམ་ནས་དེ་ངོ་མཚར་སྐྱེས་ཏེ་སྨྲས་པ། བཙུན་པ་བདག་ལ་ཀཱར་ཥཱ་པ་ཎ་དག་ནི་མཆིས་ན་བསོད་ནམས་ཀྱི་གྲོགས་མ་མཆིས་སོ། །
D3.007.0046b07.01