完整藏文原文 · 德格版页 当前仅加载第 7 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འཇུག་པ་དང་། ཟག་པ་ཟད་པར་འགྱུར་རོ། །དེ་དག་གིས་སྨྲས་པ། སློབ་དཔོན་བདག་ཅག་ངེས་པ་ལ་འཇུག་པ་དང་། ཟག་པ་ཟད་པར་འགྱུར་རེ་སྐན། ཁྱེད་ཅག་མཚམས་མེད་པའི་ལས་དག་བྱས་པ་དང་། དགེ་བའི་རྩ་བ་ཆད་པ་ཡིན་ནམ་ཅི།
D3.007.0251a01.01དེ་དག་གིས་སྨྲས་པ། སློབ་དཔོན་བདག་ཅག་མཚམས་མ་མཆིས་པའི་ལས་དག་བགྱིས་པ་ཡང་མ་ལགས། དགེ་བའི་རྩ་བ་ཆད་པ་ཡང་མ་ལགས་མོད་ཀྱི། འོན་ཀྱང་བཅོམ་ལྡན་འདས་ཀྱིས་ཡང་དགེ་སློང་གང་གང་ཟག་ལོ་ཉི་ཤུ་མ་ལོན་པ་དགེ་སློང་གི་དངོས་པོར་རྫོགས་
D3.007.0251a02.01པར་བསྙེན་པར་བྱེད་ན་གང་ཟག་དེ་ཡང་རྫོགས་པར་བསྙེན་པར་མི་འགྱུར་ལ། དགེ་སློང་དེ་དག་ཀྱང་སྨད་པར་འགྱུར་རོ། །ཞེས་གསུངས་པས་བདག་ཅག་ལོ་ཉི་ཤུ་མ་ལོན་པར་རྫོགས་པར་བསྙེན་པས་བདག་ཅག་ངེས་པ་ལ་འཇུག་པ་དང་། ཟག་པ་ཟད་པར་འགྱུར་རེ་སྐན།
D3.007.0251a03.01དེས་སྨྲས་པ། ཁྱེད་ཀྱིས་དེ་ནི་ཐོས་ན་བཅོམ་ལྡན་འདས་ཀྱིས་ལས་དང་པོ་པ་ལ་ལྟུང་བ་མེད་དོ་ཞེས་གསུངས་པ་དེ་མ་ཐོས་སམ། ཁྱེད་ཅག་ལས་དང་པོ་པ་ཡིན་པས་རྫོགས་པར་བསྙེན་པར་གྱུར་གྱིས་ཚུར་ཤེག་ལ་ལུང་ནོས་ཤིག །གཞན་ཡང་འདི་ལྟར་ཁྱེད་སུས་འགྱོད་པ་
D3.007.0251a04.01བསྐྱེད། བཙུན་པ་འཆར་ཀས་སོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་བསམས་བཞིན་དུ་དགེ་སློང་ལ་འགྱོད་པ་སྐྱེད་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །
D3.007.0251a05.01དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་
D3.007.0251a06.01ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་བསམས་བཞིན་དུ་དགེ་སློང་ལ་འགྱོད་པ་སྐྱེད་པར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ།
D3.007.0251a07.01