完整藏文原文 · 德格版页 当前仅加载第 7 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
སྡེ་དག་གིས་སྨྲས་པ། གནས་མལ་ཁྲིའམ་ཁྲིའུ་ཅུང་ཟད་ཡོད་དམ། ཁྱིམ་བདག་གིས་སྨྲས་པ། མ་མཆིས་སོ། །དྲུག་སྡེ་དག་གིས་སྨྲས་པ། ཁྱིམ་བདག་ཁོ་བོ་ཅག་ས་ལ་གནས་མལ་འཆའ་བར་མི་བྱེད་དོ། །ཁྱིམ་བདག་དེས་དེར་གནས་མལ་བཙལ་ནས་ཁྲི་དང་ཁྲིའུ་དག་
D3.007.0129b01.01འདུག་གནས་དེར་བསྐུར་རོ། །གཅེར་བུ་པ་དེས་སྨྲས་པ། ཀྱེ་ཤཱཀྱའི་བུའི་དགེ་སྦྱོང་དག་འདི་ཁྱེད་ཀྱི་གཙུག་ལག་ཁང་ཡང་མ་ཡིན་ལ། འདུག་གནས་ཀྱང་མ་ཡིན་ན་ཁྱེད་ཅག་འདིར་གར་འཇུག །དྲུག་སྡེ་དག་གིས་སྨྲས་པ། ཀྭའི་ཤེས་པ་ཅན་ཅི་ཟེར། འདི་ཁོ་བོ་ཅག་གི་གཙུག་
D3.007.0129b02.01ལག་ཁང་ཡང་མ་ཡིན་ལ། འདུག་གནས་ཀྱང་མ་ཡིན་ནོ་ཞེས་མ་ཟེར་ཅིག །གལ་ཏེ་འདུག་ན་ནི་འདུག་ཏུ་ཟད། གལ་ཏེ་མི་འདུག་ན་ཁྱོད་ལ་མཚམས་ཆེན་པོ་གཅད་པར་བྱའོ། །གཅེར་བུ་པ་དེས་བསམས་པ། འདི་དག་ནི་མི་དྲུག་ཡོད་ལ། བདག་ནི་གཅིག་པུ་ཡིན་པས་བདག་གིས་
D3.007.0129b03.01འདི་དག་ལ་ཅི་ཡང་བྱ་བར་མི་ནུས་པས། འདི་དག་གིས་བདག་ལ་གནོད་པ་བྱས་པར་གྱུར་ན་མི་རུང་ངོ་སྙམ་ནས་དེ་སྐྲག་སྟེ་བྲོས་སོ། །དྲུག་སྡེ་དག་ཉི་མ་རེ་རེ་ཞིང་ཁྱིམ་བདག་དེའི་ཁྱིམ་དུ་དོང་སྟེ་ཟ་བར་བྱེད་དོ། །དུས་གཞན་ཞིག་ན་ཁྱིམ་བདག་དེ་ལ་རི་བྲགས་གཞན་ཞིག་ཏུ་བྱ་བ་ཅུང་ཞིག་བྱུང་
D3.007.0129b04.01ནས། དེས་དྲུག་སྡེ་དག་ལ་སྨྲས་པ། འཕགས་པ་དག་བདག་ལ་རི་བྲགས་གཞན་ཞིག་ཏུ་བགྱི་བ་ཅུང་ཞིག་བྱུང་སྟེ་བདག་དེར་མཆི་ཡིས། ཁྱེད་ཅག་བདག་གི་སྡུམ་པ་ན་ཇི་ལྟར་གསོལ་བ་དེ་བཞིན་དུ་བདག་སླར་མཆིས་ཀྱི་བར་དུ་གསོལ་ཅིག །དྲུག་སྡེ་དག་གིས་སྨྲས་པ། དེ་ལྟར་
D3.007.0129b05.01བྱའོ། །ཁྱིམ་བདག་དེས་ནང་མི་ལ་སྨྲས་པ། ཁྱོད་ཀྱིས་འཕགས་པ་དག་ལ་ཇི་ལྟར་བསྙེན་བཀུར་བྱས་པ་དེ་བཞིན་དུ་ཁོ་བོ་ཕྱིར་འོངས་ཀྱི་བར་དུ་ཡང་གྱིས་ཤིག །དེ་རི་བྲགས་དེར་སོང་བ་དང་། དྲུག་སྡེ་དག་ཉི་མ་རེ་རེ་ཞིང་དེར་དོང་སྟེ་དེ་བཞིན་དུ་ཟ་བར་བྱེད་པ་ན་དེ་དག་གིས་སྨྲས་པ། དགའ་
D3.007.0129b06.01བོ་ཉེ་དགའ་བདག་ཅག་གིས་ཡུན་ཇི་སྲིད་དུ་གཞན་གྱི་སྤྱོད་ལམ་གྱིས་འཁོད་པར་བྱ། རང་གིས་སྤྱོད་ལམ་བསྟན་པར་བྱའོ། །དེ་ལྟར་བྱའོ་ཞེས་དེ་དག་གིས་སྨྲས་པ། དགའ་བོ་ཉེ་དགའ་བུད་མེད་འདིའི་མིག་དག་དང་། རྣ་བ་དག་དང་། སོ་དག་དང་། མཆུ་དག་དང་། ནུ་མ་དག་དང་།
D3.007.0129b07.01