完整藏文原文 · 德格版页 当前仅加载第 7 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཐམས་ཅད་དུ་ལྟུང་བྱེད་དུ་འགྱུར་རོ། །དགེ་སློང་གིས་ཁ་མ་བཀྲུས་པར་སྐོམ་འཐུང་ན་ཉེས་བྱས་སུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གསོག་འཇོག་གི་ལྟུང་བྱེད་དེ་སུམ་བཅུ་རྩ་བརྒྱད་པ་
D3.007.0154b01.01རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ནག་པོ་ཆེན་པོ་ནི་ཐམས་ཅད་དུར་ཁྲོད་པ་དང་ལྡན་པ་ཡིན་ཏེ། དེའི་ལྷུང་བཟེད་ཀྱང་དུར་ཁྲོད་པ་ཡིན། ཆོས་གོས་
D3.007.0154b02.01ཀྱང་དུར་ཁྲོད་པ་ཡིན། བསོད་སྙོམས་ཀྱང་དུར་ཁྲོད་པ་ཡིན། གནས་མལ་ཡང་དུར་ཁྲོད་པ་ཡིན་ནོ། །ཇི་ལྟར་ལྷུང་བཟེད་དུར་ཁྲོད་པ་ཡིན་ཞེ་ན། འདི་ལྟ་སྟེ། ཉེ་དུ་དག་གིས་ཤི་ཞིང་དུས་ལ་བབ་པའི་རྫེའུ་དུར་ཁྲོད་དུ་འདོར་བར་བྱེད་པ་དེ་ཚེ་དང་ལྡན་པ་ནག་པོ་ཆེན་པོས་གྱོ་མོ་ཁ་
D3.007.0154b03.01བཞོགས་ཏེ་བསྲེགས་ནས་ལྷུང་བཟེད་དུ་བྱིན་གྱིས་བརླབས་ཤིང་འཆང་བར་བྱེད་དེ། དེ་ལྟར་ལྷུང་བཟེད་དུར་ཁྲོད་པ་ཡིན་ནོ། །ཇི་ལྟར་ཆོས་གོས་དུར་ཁྲོད་པ་ཡིན་ཞེ་ན། འདི་ལྟ་སྟེ། ཉེ་དུ་དག་གིས་ཤི་ཞིང་དུས་ལ་བབ་པའི་གོས་དག་དུར་ཁྲོད་དུ་འདོར་བར་བྱེད་པ་དེ་དག་ཚེ་དང་ལྡན་པ་
D3.007.0154b04.01ནག་པོ་ཆེན་པོས་བཀྲུས་ཏེ་དྲུབས་ཤིང་ཁ་བསྒྱུར་ནས་ཆོས་གོས་སུ་བྱིན་གྱིས་བརླབས་ཤིང་འཆང་བར་བྱེད་དེ། དེ་ལྟར་ཆོས་གོས་དུར་ཁྲོད་པ་ཡིན་ནོ། །ཇི་ལྟར་བསོད་སྙོམས་དུར་ཁྲོད་པ་ཡིན་ཞེ་ན། འདི་ལྟ་སྟེ། ཉེ་དུ་དག་གིས་ཤི་ཞིང་དུས་ལ་བབ་པའི་ཟས་ལྔ་དུར་ཁྲོད་དུ་འདོར་བར་བྱེད་པ་
D3.007.0154b05.01དེ་དག་ཚེ་དང་ལྡན་པ་ནག་པོ་ཆེན་པོས་བླངས་ཤིང་ཟ་བར་བྱེད་དེ། དེ་ལྟར་བསོད་སྙོམས་དུར་ཁྲོད་པ་ཡིན་ནོ། །ཇི་ལྟར་གནས་མལ་དུར་ཁྲོད་པ་ཡིན་ཞེ་ན། འདི་ལྟ་སྟེ། ཚེ་དང་ལྡན་པ་ནག་པོ་ཆེན་པོ་དུར་ཁྲོད་ན་གནས་པར་བྱེད་དེ། དེ་ལྟར་གནས་མལ་དུར་ཁྲོད་པ་ཡིན་ནོ། །གང་
D3.007.0154b06.01གི་ཚེ་སྐྱེ་བོ་ཕལ་པོ་ཆེ་ལ་མི་ངས་བྱུང་བ་དེའི་ཚེ་ན་ཚེ་དང་ལྡན་པ་ནག་པོ་ཆེན་པོ་ཚོ་བ་དང་། པགས་པ་དང་། ཤ་དང་། ཁྲག་རྒྱས་པར་གྱུར་ཅིང་དེ་ཡང་དང་ཡང་དུ་གྲོང་དུ་བསོད་སྙོམས་ལ་འཇུག་པར་མི་བྱེད་ལ། གང་གི་ཚེ་སྐྱེ་བོ་ཕལ་པོ་ཆེ་ལ་མི་ངས་མ་བྱུང་བ་དེའི་ཚེ་ན་ཚེ་དང་ལྡན་པ་ནག་པོ་
D3.007.0154b07.01