完整藏文原文 · 德格版页 当前仅加载第 7 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་གིས་སྨྲས་པ། ཀྱེ་ནང་རྗེ་ཁོ་བོ་ཅག་{བརྫུན་,རྫུན་}གྱིས་མ་བསླུ་ཤིག །ཁྱོད་ཀྱིས་གཏེར་རྙེད་ཀྱི་ཕྱེད་ནི་ཁྱེད་ཁྱེར་ལ་ཕྱེད་ནི་ཁོ་བོ་ཅག་ལ་བྱིན་ཅིག །དེས་སྨྲས་པ། ཁོ་བོས་གཏེར་མ་རྙེད་དེ། འདི་ནི་ཁོ་བོ་ཉིད་ཀྱི་ཡིན་མོད་ཀྱི་འོན་ཀྱང་སུམ་ཆ་སྦྱིན་གྱི་ཁ་རོག་པར་དེངས་ཤིག །དེ་
D3.007.0231b01.01དག་གིས་དེ་སྤྱོས་ཏེ་ལག་པ་གཉིས་ཕྱིང་ཀ་ལོག་ཏུ་བཅིངས་ནས་གཉའ་ཟུངས་རྒྱུད་མོས་རྒྱལ་པོའི་དྲུང་དུ་ཁྲིད་དེ་སྨྲས་པ། ལྷ་མི་འདིས་གཏེར་རྙེད་དོ། །རྒྱལ་པོས་སྨྲས་པ། ཀྭའི་ནང་རྗེ་ང་སུ་ཡིན་ཤེས་སམ། ལྷ་འཚལ་ཏེ་འཇིག་རྟེན་སྐྱོང་བ་བཞི་ནི་འཇིག་རྟེན་སྐྱོང་བར་བགྱིད་པ་ལགས།
D3.007.0231b02.01ཁྱོད་ནི་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་འཇིག་རྟེན་སྐྱོང་བ་ལྔ་པ་ལགས་ཏེ་སྐྱེ་དགུ་སྐྱོང་བར་མཛད་པ་ལགས་སོ། །ཀྭའི་ནང་རྗེ་ཁྱོད་ཀྱིས་གཏེར་རྙེད་ཀྱི་ང་ལ་{བརྫུན་,རྫུན་}གྱིས་མ་བསླུ་བར་བདེན་པ་སྨྲོས་ལ་ཕྱེད་ནི་ཁྱོད་ཁྱེར་ཅིག །ཕྱེད་ནི་ང་ལ་བྱིན་ཅིག །ལྷ་བདག་གིས་གཏེར་མ་རྙེད་དོ། །
D3.007.0231b03.01ཀྭའི་ནང་རྗེ་ཁྱོད་ཀྱིས་གཏེར་རྙེད་ཀྱིས་སུམ་ཆ་ང་ལ་བྱིན་ཅིག །ལྷ་བདག་གིས་གཏེར་མ་རྙེད་དོ། །རྒྱལ་པོ་ཁྲོས་ཏེ་བློན་པོ་རྣམས་ལ་སྨྲས་པ། ཤེས་ལྡན་དག་གང་གི་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་བཀའ་ལན་གསུམ་གྱི་བར་དུ་བཅག་པ་དེ་ལ་ཆད་པ་ཅི་ཡོད། དེ་དག་གིས་སྨྲས་
D3.007.0231b04.01པ། ལྷ་དགུམ་པ་ལ་ཐུག་པའི་ཆད་པ་མཆིས་སོ། །རྒྱལ་པོས་སྨྲས་པ། ཤེས་ལྡན་དག་ངས་མི་འདི་ཡོངས་སུ་བཏང་གིས། འདིའི་ཉེ་དུ་རྣམས་ཀྱང་ཕྱག་སྦལ་དུ་ཆུག་ལ། འདིའི་ནོར་ཐམས་ཅད་ཀྱང་རྒྱལ་པོའི་ཕོ་བྲང་དུ་ཕུལ་ཅིག །དེ་ནས་བློན་པོ་རྣམས་ཀྱིས་ལྷ་བཀའ་
D3.007.0231b05.01བཞིན་འཚལ་ཞེས་ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲ་ལས་མཉན་ནས་མི་དེའི་ཉེ་དུ་རྣམས་ཀྱང་བཙོན་རར་བཅུག །དེའི་ནོར་ཐམས་ཅད་ཀྱང་རྒྱལ་པོའི་ཕོ་བྲང་དུ་ཕུལ། མི་དེ་ཉིད་ཀྱང་མི་གོས་སྔོན་པོ་གྱོན་པ། ལག་ན་རལ་གྲི་ཐོགས་པ་དག་གིས་ཀར་བཱི་རའི་མེ་
D3.007.0231b06.01ཏོག་དམར་པོ་དག་གིས་མགྲིན་པ་བཅིངས་ཏེ་གསད་སར་ཁྲིད་པ་དང་། མི་དེ་བྱུང་རྒྱལ་དུ་སྨྲས་པ། ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ། །བཅོམ་ལྡན་འདས་སྦྲུལ་དུག་དྲག་པོ་ལགས་སོ། །ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ། །བདེ་བར་
D3.007.0231b07.01