完整藏文原文 · 德格版页 当前仅加载第 7 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་པ་ཡང་ཟིན་ཀྱང་བླའོ་སྙམ་ནས་མི་དེས་གཏེར་དེ་ལོ་མའི་ཆུན་པོ་དག་གིས་གཡོགས་ཏེ། ཁད་ཀྱིས་ཁད་ཀྱིས་རིམ་གྱིས་རང་གི་ཁྱིམ་དུ་བསྐྱས་སོ། །གང་གི་ཚེ་ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲ་སྡིག་པའི་གྲོགས་པོ་ལྷ་སྦྱིན་གྱིས་ཉེ་བར་བསྐོར་
D3.007.0231a01.01བས་ཕ་ཆོས་དང་ལྡན་པ་ཆོས་ཀྱི་རྒྱལ་པོ་གཟུགས་ཅན་སྙིང་པོ་སྲོག་དང་ཕྲལ་ཏེ། རང་ཉིད་ཅོད་པན་བཅིངས་ནས་རྒྱལ་སྲིད་ཀྱི་དབང་ཕྱུག་གི་བདག་པོར་བཞག་པ་དེའི་ཚེ་ན་དེས་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་སོང་ལ་གང་ལ་འདུ་བ་ནི་ཅི་ཡོད། འགོད་པ་ནི་ཅི་ཡོད། གང་
D3.007.0231a02.01ནི་ཅི་ཞིག་གིས་འཚོ་བར་བྱེད་པ་དག་ལྟོས་ཤིག །དེ་ནས་ཞོ་ཤས་འཚོ་བའི་མི་དེ་དག་གིས་ལྷ་བཀའ་བཞིན་འཚལ་ཞེས་ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲ་ལས་མཉན་ནས། རྒྱལ་པོའི་ཞོ་ཤས་འཚོ་བའི་མི་དེ་དག་གིས་ཕྱོགས་སུ་བྱུལ་བ་ན་མི་དེ་ཁྱིམ་གྱི་འབྱོར་པ་
D3.007.0231a03.01དག་བྱེད་པ་མཐོང་ནས། དེ་དག་གིས་དེ་ལ་སྨྲས་པ། ཀྱེ་ནང་རྗེ་ཁྱོད་དབུལ་པོ་རྩ་བ་དང་འབྲས་བུ་ཐུ་བ་རྩ་བ་དང་འབྲས་བུ་དག་བཙོངས་ཤིང་འཚོ་བ་དག་སྦྱོར་བར་བྱེད་པ་ཡིན་ན། ཁྱོད་ཀྱི་ཁྱིམ་གྱི་འབྱོར་པ་འདི་ག་ལས་འོངས། ཁྱོད་ཀྱིས་གཏེར་མ་རྙེད་དམ། དེས་སྨྲས་པ། བདག་
D3.007.0231a04.01གིས་གཏེར་མ་རྙེད་དེ། བདག་ཉིད་ལ་འབྱོར་པ་འདི་ལྟ་བུ་དག་ཡོད་མོད་ཀྱིས་སྔན་ཆད་ནི་རྒྱལ་པོ་ཆོས་དང་མི་ལྡན་པ་བྱུང་བ་དེའི་ཕྱིར་བདག་གིས་མ་ཕྱུང་ངོ་། །ད་ནི་རྒྱལ་པོ་ཆོས་དང་ལྡན་པ་བྱུང་བས། དེའི་ཕྱིར་བདག་གིས་ཁྱིམ་གྱི་འབྱོར་པ་བྱེད་དེ་རྒྱལ་པོ་གཟུགས་ཅན་སྙིང་པོ་ལ་ཕོ་བྲང་
D3.007.0231a05.01འཁོར་དང་ལྗོངས་ཀྱི་མི་དག་རྗེས་སུ་དགའ་བར་ཟད་ཀྱི་དེ་ཆོས་དང་ལྡན་པ་མ་ཡིན་ནོ། །རྒྱལ་པོ་མ་སྐྱེས་དགྲ་ལ་ནི་ཕོ་བྲང་འཁོར་དང་ལྗོངས་ཀྱི་མི་དག་རྗེས་སུ་མི་དགའ་ཡང་དེ་ཆོས་དང་ལྡན་པའི་རྒྱལ་པོ་ཡིན་ནོ། །དེ་དག་གིས་སྨྲས་པ། ཀྱེ་ནང་རྗེ་རྒྱལ་པོ་གཟུགས་ཅན་སྙིང་པོ་ཆོས་དང་
D3.007.0231a06.01ལྡན་པ་མ་ཡིན་ན་གང་ཆོས་དང་ལྡན་པ་དེ་ཆོས་དང་ལྡན་པ་མ་ཡིན་པར་གྱུར་ལ། ཕ་གསོད་པ་གང་ཡིན་པ་དེ་ཆོས་དང་ལྡན་པར་གྱུར་ཏམ། ཁྱོད་ཀྱིས་ཁོ་བོ་ཅག་སུ་ཡིན་ཤེས་སམ། དེས་སྨྲས་པ། ཤེས་ཏེ་རྒྱལ་པོའི་ཞོ་ཤས་འཚོ་བ་དག་ཡིན་པས་ཁྱེད་ཀྱི་མིག་གིས་རྒྱལ་པོ་མཐོང་ངོ་། །
D3.007.0231a07.01