完整藏文原文 · 德格版页 当前仅加载第 7 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
ཁས་ལེན་པ་ལ་ཡང་ལྟུང་བ་མེད་ལ། ཟ་བ་ལ་ཡང་ལྟུང་བ་མེད་དོ། །དགེ་སློང་གོས་མེད་པར་མགྲོན་དུ་བོས་ཤིང་དེ་གོས་དང་བཅས་ཤིང་གོས་ཀྱི་རིན་དང་ཡང་བཅས་པ་གཞན་དུ་ཡང་མགྲོན་དུ་བོས་ན་དགེ་སློང་དེས་གཉི་ག་ཁས་བླང་བར་བྱ་ཞིང་གཉི་ག་
D3.007.0127a01.01བཟའ་བར་བྱ་སྟེ། དེ་ཁས་ལེན་པ་ལ་ཡང་ལྟུང་བ་མེད་ལ། ཟ་བ་ལ་ཡང་ལྟུང་བ་མེད་དོ། །དགེ་སློང་གོས་མེད་པར་མགྲོན་དུ་བོས་ཤིང་དེ་གོས་མེད་ཅིང་གོས་ཀྱི་རིན་ཡང་མེད་པ་གཞན་དུ་ཡང་མགྲོན་དུ་བོས་ན་དགེ་སློང་དེས་སྔ་མ་ཁས་བླང་བར་བྱ་ཞིང་གཉིས་པ་
D3.007.0127a02.01སྤང་བར་བྱ་བའམ། གཞན་ལ་སྦྱིན་པར་བྱའོ། །གཉི་ག་ཁས་ལེན་པར་བྱེད་ཅིང་གཉི་ག་ཟ་བར་བྱེད་ན་དེ་ཁས་ལེན་པ་ལ་ཉེས་བྱས་སུ་འགྱུར་ལ། ཟ་བ་ལ་ལྟུང་བྱེད་དུ་འགྱུར་ཏེ། སྔ་མ་ལ་ནི་ལྟུང་བ་མེད་དོ། །དགེ་སློང་གོས་དང་བཅས་ཤིང་གོས་ཀྱི་རིན་
D3.007.0127a03.01དང་ཡང་བཅས་པར་མགྲོན་དུ་བོས་ཤིང་དེ་གོས་དང་བཅས་ཤིང་གོས་ཀྱི་རིན་དང་ཡང་བཅས་པ་ལ་གཞན་དུ་ཡང་མགྲོན་དུ་བོས་ན་དགེ་སློང་དེས་གཉི་ག་ཁས་བླང་བར་བྱ་ཞིང་གཉི་ག་བཟའ་བར་བྱ་སྟེ། དེ་ཁས་ལེན་པ་ལ་ཡང་ལྟུང་བ་མེད་ལ། ཟ་བ་ལ་ཡང་ལྟུང་བ་
D3.007.0127a04.01མེད་དོ། །དགེ་སློང་གོས་དང་ཡང་བཅས་ཤིང་གོས་ཀྱི་རིན་དང་ཡང་བཅས་པར་མགྲོན་དུ་བོས་ཤིང་དེ་གོས་དང་བཅས་པ་གཞན་དུ་ཡང་མགྲོན་དུ་བོས་ན་དགེ་སློང་དེས་གཉི་ག་ཁས་བླང་བར་བྱ་ཞིང་གཉི་ག་བཟའ་བར་བྱ་སྟེ། དེ་ཁས་ལེན་པ་ལ་ཡང་ལྟུང་བ་མེད་ལ།
D3.007.0127a05.01ཟ་བ་ལ་ཡང་ལྟུང་བ་མེད་དོ། །དགེ་སློང་གོས་དང་བཅས་ཤིང་གོས་ཀྱི་རིན་དང་བཅས་པར་མགྲོན་དུ་བོས་ཤིང་དེ་གོས་མེད་པ་གཞན་དུ་ཡང་མགྲོན་དུ་བོས་ན་དགེ་སློང་དེས་སྔ་མ་ཁས་བླང་བར་བྱ་ཞིང་གཉིས་པ་སྤང་བར་བྱ་བའམ། གཞན་ལ་སྦྱིན་པར་བྱའོ། །གཉི་ག་
D3.007.0127a06.01ཁས་ལེན་པར་བྱེད་ཅིང་གཉི་ག་ཟ་བར་བྱེད་ན་དེ་ཁས་ལེན་པ་ལ་ཉེས་བྱས་སུ་འགྱུར་ལ། ཟ་བ་ལ་ལྟུང་བྱེད་དུ་འགྱུར་ཏེ། སྔ་མ་ལ་ནི་ལྟུང་བ་མེད་དོ། །དགེ་སློང་གོས་དང་བཅས་ཤིང་གོས་ཀྱི་རིན་དང་ཡང་བཅས་པར་མགྲོན་དུ་བོས་ཤིང་དེ་གོས་མེད་ཅིང་གོས་ཀྱི་རིན་
D3.007.0127a07.01