完整藏文原文 · 德格版页 当前仅加载第 7 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
ན་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་གདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་
D3.007.0267a01.01བཅོམ་ལྡན་འདས་འོད་སྲུང་འཇིག་རྟེན་དུ་བྱུང་བ་ན་འདི་དེའི་བསྟན་པ་ལ་རབ་ཏུ་བྱུང་བར་གྱུར་ནས་རི་བྲགས་ཤིག་ན་གཙུག་ལག་ཁང་ཞིག་ཡོད་པ་དེ་ན་འདི་ཞལ་ཏ་བྱེད་པར་གྱུར་ཅིང་། དེ་ལྷན་ཅིག་གནས་པ་དང་། ཉེ་གནས་ཀྱང་ལྔ་བརྒྱ་ཡོད། རི་བྲགས་དེ་ན་གནས་པའི་སྐྱེ་བོའི་
D3.007.0267a02.01ཚོགས་ཀྱང་ཕལ་ཆེར་དེ་ལ་མངོན་པར་དད་དོ། །དུས་གཞན་ཞིག་ན་དེ་ན་བར་གྱུར་ནས། དེ་ལ་ལྷན་ཅིག་གནས་པ་དང་། ཉེ་གནས་དག་གིས་དྲིས་པ། མཁན་པོ་ཁྱོད་ཀྱིས་ཡོན་ཏན་གྱི་ཚོགས་འགའ་ཞིག་ཐོབ་པ་མཆིས་སམ། དེས་སྨྲས་པ། འགའ་ཡང་མེད་དོ། །
D3.007.0267a03.01མཁན་པོས་སྨོན་ལམ་ཇི་ལྟར་བཏབ། ཁོ་བོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་དགུའི་ཚེ་ལོ་བརྒྱ་ཐུབ་པ་ན་དེ་བཞིན་གཤེགས་
D3.007.0267a04.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་
D3.007.0267a05.01བར་འགྱུར་རོ། །ཞེས་ངེས་པར་སྐལ་བ་དང་ལྡན་པ་ཉིད་དུ་ལུང་བསྟན་པ་དེའི་གསུང་རབ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱེད་པར་གྱུར་ཅིག་ཅེས་སྨོན་ལམ་བཏབ་བོ། །དེ་དག་གིས་སྨྲས་པ། བདག་ཅག་
D3.007.0267a06.01ཀྱང་མཁན་པོ་ལ་བརྟེན་ཏེ་བཅོམ་ལྡན་འདས་དེའི་གསུང་རབ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བགྱིད་པར་གྱུར་ཅིག་རི་བྲགས་དེ་ན་གནས་པའི་སྐྱེ་བོའི་ཚོགས་དེས་དེ་ལྟར་འཕགས་པ་ནའོ་ཞེས་ཐོས་ནས་དེ་དག་དེའི་
D3.007.0267a07.01