完整藏文原文 · 德格版页 当前仅加载第 7 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
མི་དེ་གཙུག་ལག་ཁང་དུ་སོང་བ་དང་། ཇི་ཙམ་ན་དགེ་སློང་གཅིག་ཀྱང་མི་སྣང་ནས་དེ་ཕྱིར་ལོག་སྟེ་སྨྲས་པ། ཁྱིམ་བདག་དེ་ན་དགེ་སློང་མེད་དེ་བདག་གིས་གཅིག་ཀྱང་མ་མཐོང་ངོ་། །ཁྱིམ་བདག་དེས་སྨྲས་པ། སོང་ལ་གང་དུ་སངས་རྒྱས་ལ་སོགས་པ་དགེ་སློང་གི་དགེ་
D3.007.0125b01.01འདུན་སྤྱན་དྲངས་པ་དེ་ནས་དགེ་སློང་དག་སྤྱན་དྲོངས་ཤིག་དང་གདུགས་ཚོད་གསོལ་ལོ། །མི་དེ་དེར་སོང་བ་དང་། ཇི་ཙམ་ན་དགེ་སློང་དག་ཟན་ཟོས་ཏེ་ཕྱིར་བྱུང་བ་མཐོང་ནས་དེས་སྨྲས་པ། འཕགས་པ་དག་ཚུར་གཤེགས་ཁྱིམ་བདག་ཆེ་གེ་མོ་ཞིག་གི་སྡུམ་པར་གདུགས་
D3.007.0125b02.01ཚོད་གསོལ་པར་ཅི་གནང་། དགེ་སློང་རྣམས་ཀྱིས་སྨྲས་པ། ཁོ་བོ་ཅག་ཟན་ཟོས་ཟིན་ནོ། །མི་དེ་སོང་སྟེ་ཁྱིམ་བདག་དེ་ལ་སྨྲས་པ། ཁྱིམ་བདག་དགེ་སློང་དག་གི་ཞལ་ནས་ཁོ་བོ་ཅག་ཟན་ཟོས་ཟིན་ཏོ་ཞེས་བྱུང་ངོ་། །ཀྭའི་ནང་རྗེ་སོང་ལ་ཁྱིམ་བདག་གི་མཆིད་ནས་
D3.007.0125b03.01ཚུར་སྤྱོན་གདུགས་ཚོད་གསོལ་དང་རས་ཡུག་ཆེན་འབུལ་ལོ་ཞེས་བྱོས་ཤིག །དེ་སོང་སྟེ་སྨྲས་པ། འཕགས་པ་དག་ཁྱིམ་བདག་གི་མཆིད་ནས་ཚུར་གཤེགས་གདུགས་ཚོད་གསོལ་དང་རས་ཡུག་ཆེན་འབུལ་ལོ་ཞེས་མཆིའོ། །དགེ་སློང་རྣམས་ཀྱིས་སྨྲས་པ།
D3.007.0125b04.01ཁོ་བོ་ཅག་གིས་སྤངས་སོ། །མི་དེ་སོང་སྟེ་ཁྱིམ་བདག་ལ་སྨྲས་པ། ཁྱིམ་བདག་དགེ་སློང་རྣམས་ཀྱི་ཞལ་ནས་བདག་ཅག་གིས་སྤངས་སོ་ཞེས་བྱུང་ངོ་། །ཁྱིམ་བདག་དེས་བདག་གིས་བཀྲབས་པའི་དགེ་འདུན་གྱིས་བཤོས་མ་གསོལ་ཏོ་ཞེས་ཟན་བཅད་པ་བསྒྲུབས་པ་དང་།
D3.007.0125b05.01དེའི་ངོས་ཀྱི་ཁྱིམ་ཚེས་དག་ཤཱཀྱའི་བུའི་དགེ་སྦྱོང་འདི་དག་གོས་བྱིན་ནའང་ལོངས་སྤྱོད་པར་མི་བཏུབ་པས་ཁྱིམ་བདག་འདིས་དགེ་སློང་དག་གིས་ཟན་མ་ཟོས་པའི་ཕྱིར་ཟས་བཅད་པ་བྱས་སོ། །ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་
D3.007.0125b06.01སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གོས་སྦྱིན་པའི་ཚེའི་དུས་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང་བསླབ་པ་ལ་གུས་པ་དང་། བསླབ་
D3.007.0125b07.01