完整藏文原文 · 德格版页 当前仅加载第 7 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །དེས་ཀཱར་ཥཱ་པ་ཎ་དེ་དག་མཐོང་ནས་སྨྲས་པ། བཙུན་པ་ཀུན་དགའ་བོ་ཀཱར་ཥཱ་པ་ཎ་འདི་དག་སུའི་ལགས། ཚེ་དང་ལྡན་པ་ཀུན་དགའ་བོས་སྨྲས་པ། ཁྱིམ་བདག་མོ་ལྔ་བརྒྱ་ཙམ་གྱིས་བཅོམ་ལྡན་འདས་དགེ་
D3.007.0173b01.01སློང་གི་དགེ་འདུན་དང་ཐབས་ཅིག་སང་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་དེ་དག་གིས་ཀཱར་ཥཱ་པ་ཎ་འདི་དག་བཞག་གིས། ཁྱོད་ཀྱིས་འདི་དག་དང་བདག་ཉིད་ཀྱི་ཀཱར་ཥཱ་པ་ཎ་གཞན་དག་བསྲེས་ཏེ་ཞལ་ཟས་བསོད་པ་སྟ་གོན་གྱིས་ལ་འདིར་སྐུར་ཅིག །དེས་ཀཱར་ཥཱ་པ་ཎ་དེ་དག་
D3.007.0173b02.01ཁྱེར་ཏེ་སོང་ནས་དེས་ཀཱར་ཥཱ་པ་ཎ་དེ་དག་དང་བདག་ཉིད་ཀྱི་ཀཱར་ཥཱ་པ་ཎ་གཞན་དག་བསྲེས་ཏེ་ཞལ་ཟས་བསོད་པ་སྟ་གོན་བྱས་ནས་རྒྱལ་བྱེད་ཀྱི་ཚལ་དུ་བསྐུར་རོ། །ཚེ་དང་ལྡན་པ་ཀུན་དགའ་བོས་དེ་དག་ལ་ཞལ་ཟས་སྟ་གོན་བྱས་ཀྱིས་ཚུར་གཤེགས་ལ་སངས་རྒྱས་ལ་སོགས་པ་དགེ་སློང་གི་དགེ་
D3.007.0173b03.01འདུན་ལ་བྲིམས་ཤིག་ཅེས་སྤྲིངས་པ་དང་། དེ་དག་ལྷགས་ཏེ་སྨྲས་པ། བཙུན་པ་ཀུན་དགའ་བོ་ཁྱོད་བདག་ཅག་གི་དགེ་བའི་བཤེས་གཉེན་ལགས་ཀྱིས་ཚུར་སྤྱོན་ཁྱོད་ཀྱིས་ཀྱང་བྲིམ་དུ་གསོལ། ཚེ་དང་ལྡན་པ་ཀུན་དགའ་བོས་བྲིམས་པར་བརྩམས་པ་དང་། དེར་གཅེར་བུ་མ་གཉིས་
D3.007.0173b04.01ཤིག་འོངས་ཏེ། དེ་གཉིས་ཀྱིས་ཁྱིམ་བདག་མོ་དེ་དག་ལ་ཟས་བསླངས་པ་ན་དེ་དག་གིས་སྨྲས་པ། ཟས་འདི་ནི་རྒྱལ་བུ་འདིའི་ཡིན་ནོ། །གཅེར་བུ་མ་དེ་གཉིས་ཀྱིས་ཚེ་དང་ལྡན་པ་ཀུན་དགའ་བོ་ལ་རྒྱལ་བུ་བདག་ཅག་གཉིས་ནི་སྡུག་བསྔལ་བ་ལགས་ཀྱིས་བདག་ཅག་གཉིས་ལ་ཟས་སྩོལ་
D3.007.0173b05.01ཅིག་ཅེས་ཟས་བསླངས་པ་དང་། ཚེ་དང་ལྡན་པ་ཀུན་དགའ་བོས་སྨྲས་པ། འདུག་ཤིག་དང་སྦྱིན་ནོ། །དེ་གཉིས་འདུག་གོ། །དེ་ན་གཅིག་ནི་རྒན་མོ་ཞིག་ཡིན། ཅིག་ཤོས་ནི་གཞོན་ནུ་མ་ཞིག་ཡིན་ནོ། །ཚེ་དང་ལྡན་པ་ཀུན་དགའ་བོས་མ་བསམས་པར་བྲིམས་པ་དང་།
D3.007.0173b06.01རྒན་མོ་དེ་ལ་ནི་ཁུར་བ་གཅིག་བྱིན། གཞོན་ནུ་མ་དེ་ལ་ནི་ཁུར་བ་གཉིས་བྱིན་ནོ། །རྒན་མོ་དེས་ཁུར་བྦ་གཅིག་པོ་དེ་ཟོས་ནས་དེས་གཞོན་ནུ་མ་ལ་སྨྲས་པ། ཁྱོད་ཀྱིས་ཁུར་བ་དུ་ཐོབ། དེས་སྨྲས་པ། གཉིས་ཐོབ་བོ། །རྒན་མོས་སྨྲས་པ། རྒྱལ་བུ་དེས་ཁོ་མོ་ལ་ནི་
D3.007.0173b07.01