完整藏文原文 · 德格版页 当前仅加载第 7 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་དེས་པད་མའི་འདབ་མ་དག་གི་སྟེང་དུ་རྐང་པ་བཞག་སྟེ་སྒེའུ་ཅུང་ནས་བཱ་རཱ་ཎ་སཱིར་ཞུགས་པ་དང་། རྒྱལ་པོ་དགའ་ནས་བློན་པོ་རྣམས་ལ་སྨྲས་པ། ཤེས་ལྡན་དག་གང་གིས་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་སྲོག་ཕྱུང་བ་དེ་ལ་ཅི་སྦྱིན། ལྷ་རྒྱལ་
D3.007.0086a01.01སྲིད་ཀྱི་ཕྱེད་དོ། །རྒྱལ་པོས་སྨྲས་པ། འདི་ནི་དུད་འགྲོ་ཡིན་པས་འདི་ལ་རྒྱལ་སྲིད་ཀྱི་ཕྱེད་ཀྱིས་ཅི་བྱ་སྟེ། འདི་ལྟར་འདི་ལས་རྟེན་ཏེ་ཞག་བདུན་དུ་སྦྱིན་པ་དག་སྦྱིན། བསོད་ནམས་དག་བྱ་ཞིང་དུས་མ་ཡིན་པར་ཀུ་མུ་དའི་དུས་སྟོན་བྱའོ་སྙམ་ནས། རྒྱལ་པོ་དེ་ལས་རྟེན་ཏེ་ཞག་བདུན་དུ་སྦྱིན་
D3.007.0086a02.01པ་དག་སྦྱིན་པ་དང་། བསོད་ནམས་དག་བྱ་བར་བརྩམས་ཤིང་ཞག་བདུན་དུ་དུས་མ་ཡིན་པར་ཀུ་མུ་དའི་དུས་སྟོན་དག་བྱས་པ་དང་། དེད་དཔོན་དེས་མི་དག་ལ་དྲིས་པ། ཤེས་ལྡན་དག་ཅིའི་ཕྱིར་དུས་མ་ཡིན་པར་ཀུ་མུ་དའི་དུས་སྟོན་འདི་བྱུང་བར་གྱུར། དེ་དག་གིས་དེ་ལ་སྨྲས་པ། རྒྱལ་
D3.007.0086a03.01པོས་མཆོད་གྱུར་ཅེས་བྱ་བའི་གནས་དེ་ནས་རྫ་མཁན་ཞིག་ལས་གསེར་འབུམ་གྱིས་རྟ་ཅང་ཤེས་ཉོས་ཏེ་འདིར་འོངས་ནས་དེས་རྒྱལ་པོ་འདིའི་སྲོག་ཕྱུང་ནས། རྒྱལ་པོས་དེ་ལས་རྟེན་ཏེ་ཞག་བདུན་དུ་སྦྱིན་པ་དག་སྦྱིན། བསོད་ནམས་དག་བྱེད་ཅིང་དུས་མ་ཡིན་པར་ཀུ་མུ་དའི་དུས་སྟོན་
D3.007.0086a04.01བྱས་སོ། །དེད་དཔོན་གྱིས་བསམས་པ། མ་ལ་རྟེའུ་དེ་ཅང་ཤེས་སུ་མ་གྱུར་ཏམ་ཇེ་སོང་ལ་དེ་བལྟའོ་སྙམ་ནས་དེའི་གན་དུ་སོང་བ་དང་། རྟ་ཅང་ཤེས་དེས་སྨྲས་པ། ཀྭའི་ནང་རྗེ་ཁྱོད་ཀྱིས་རྟ་ལྔ་བརྒྱ་པོ་དག་གིས་ཅི་ཐོབ། གསེར་འབུམ་མོ། །ཁོ་བོ་གཅིག་པུས་ཀྱང་རྫ་མཁན་དེ་ལ་གསེར་
D3.007.0086a05.01འབུམ་བྱིན་ནོ། །དེ་བརྒྱལ་ཏེ་ས་ལ་འགྱེལ་ནས་ཆུ་གདབ་པས་སྲོག་ཕྱིར་རྙེད་ནས་རྟ་ཅང་ཤེས་ཀྱི་རྐང་པ་གཉིས་ལ་གཏུགས་ཏེ་བཟོད་པ་གསོལ་ཏོ། །དགེ་སློང་དག་དེའི་ཚེ་དེའི་དུས་ན་དེད་དཔོན་གང་ཡིན་པ་དེ་ནི་འཚོ་བྱེད་གཞོན་ནུས་གསོས་འདི་ཉིད་ཡིན་ནོ། །དེའི་ཚེ་དེའི་དུས་ན་རྟ་ཅང་ཤེས་
D3.007.0086a06.01གང་ཡིན་པ་དེ་ནི་ལམ་པ་འདི་ཉིད་ཡིན་ཏེ། དེའི་ཚེ་ཡང་དེས་གང་གི་ཚེ་དེའི་ཡོན་ཏན་དག་མངོན་པར་མི་ཤེས་པ་དེའི་ཚེ་ན་དེ་ལ་གུས་པ་མ་ཡིན་པ་ལ་ཞུགས་པར་གྱུར་ལ། གང་གི་ཚེ་དེའི་ཡོན་ཏན་དག་མངོན་པར་ཤེས་པར་གྱུར་པ་དེའི་ཚེ་ན་རྐང་པ་གཉིས་ལ་གཏུགས་ཏེ་བཟོད་པ་གསོལ་བར་གྱུར་
D3.007.0086a07.01