完整藏文原文 · 德格版页 当前仅加载第 7 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ཅིའི་ཕྱིར་དགེ་སློང་དག་ཕྱིན་ཅད་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་རྟེན་དག་ལ་བདུག་སྤོས་ཀྱང་གསོལ་བར་མི་བྱེད། མར་མེ་ཡང་སྦར་བར་
D3.007.0200a01.01མི་བྱེད། སློབ་དཔོན་དང་མཁན་པོ་དག་ལ་ཡང་ཆུ་དྲོན་འབུལ་བར་མི་བྱེད། ལྷུང་བཟེད་ཀྱི་ལས་ཀྱང་མི་བྱེད། ཚོན་གྱི་ལས་ཀྱང་མི་བྱེད། བཙུན་པ་བཅོམ་ལྡན་འདས་ཀྱིས་འདི་ལྟར་ཡང་དགེ་སློང་གང་མེ་ལ་རེག་གམ། རེག་ཏུ་འཇུད་ན་ལྟུང་བྱེད་དོ་ཞེས་འདུལ་བ་ལ་ཉན་ཐོས་
D3.007.0200a02.01རྣམས་ཀྱི་བསླབ་པའི་གཞི་བཅའ་བ་མཛད་པས་དགེ་སློང་དེ་དག་སླན་ཅད་དེ་བཞིན་གཤེགས་པའི་དབུ་སྐྲ་དང་། སེན་མོའི་མཆོད་རྟེན་དག་ལ་བདུག་སྤོས་ཀྱང་གསོལ་བར་མི་བགྱིད། མར་མེ་ཡང་སྦར་བར་མི་བགྱིད། སློབ་དཔོན་དང་མཁན་པོ་དག་ལ་ཡང་ཆབ་དྲོན་འབུལ་བར་མི་
D3.007.0200a03.01བགྱིད། ལྷུང་བཟེད་ཀྱི་ལས་ཀྱང་མི་བགྱིད། ཚོན་གྱི་ལས་ཀྱང་མི་བགྱིད་དོ། །ཀུན་དགའ་བོ་དེ་ལྟ་བས་ན་དུས་བྱིན་གྱིས་བརླབ་པར་བྱའོ། །བཅོམ་ལྡན་འདས་ཀྱིས་དུས་བྱིན་གྱིས་བརླབ་པར་བྱའོ་ཞེས་བཀའ་སྩལ་ནས། དེ་དག་གིས་ཇི་ལྟར་དུས་བྱིན་གྱིས་བརླབ་པར་བྱ་བ་མི་
D3.007.0200a04.01ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སྟོན་པ་དང་། ཆོས་དང་། དགེ་འདུན་དང་། སློབ་དཔོན་དང་། མཁན་པོ་དང་། ཚངས་པ་མཚུངས་པར་སྤྱོད་པ་རྣམས་ཀྱི་ཆོས་དང་ལྡན་པའི་བྱ་བའི་དོན་ཉིད་ཀྱིས་དུས་བྱིན་གྱིས་བརླབ་པར་བྱའོ། །དགེ་སློང་དག་ལྷུང་བཟེད་ཀྱི་
D3.007.0200a05.01ལས་དང་། ཚོན་གྱི་ལས་དག་བྱེད་པ་ན་ཡང་དང་ཡང་དུ་བརྗེད་ངས་པས་མེ་ལ་རེག་ནས་དེ་དག་འགྱོད་པ་སྐྱེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དུས་ཡུན་རིང་དུ་བྱིན་གྱིས་བརླབ་པར་བྱའོ། །དགེ་སློང་
D3.007.0200a06.01ཞིག་ན་ཞིང་རླུང་ནད་ཅན་དུ་གྱུར་ནས་དེ་སྨན་པའི་གན་དུ་སོང་སྟེ་དྲིས་པ། བཞིན་{བཟངས་,བཟང་}ཁོ་བོ་ལ་སྨན་སྟོན་ཅིག །འཕགས་པ་ཞུགས་སྟེན་ཅིག །བཞིན་{བཟངས་,བཟང་}བཅོམ་ལྡན་འདས་ཀྱིས་བསླབ་པའི་གཞི་བཅའ་བར་མཛད་དོ། །འཕགས་པ་ཁྱོད་ཀྱི་སྟོན་པ་ནི་ཐུགས་རྗེ་ཅན་ལགས་པས་
D3.007.0200a07.01