完整藏文原文 · 德格版页 当前仅加载第 7 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཆེ་གེ་མོ་ཞིག་གི་དགོན་པའི་གཙུག་ལག་ཁང་གི་ཡིན་ནོ། །འདི་ནི་གྲོང་མཐའི་གཙུག་ལག་ཁང་གི་ཡིན་ནོ་ཞེས་ཡི་གེ་བྲི་ཞིང་གནས་མལ་ཇི་ལྟར་ངེས་པར་བྱས་པ་བཞིན་དུ་ལོངས་སྤྱད་པར་བྱའོ། །ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་ག་ལ་བ་དེར་སོང་སྟེ་
D3.007.0015b01.01ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཁྱིམ་བདག་མགོན་མེད་ཟས་སྦྱིན་གྱིས་འདི་སྐད་ཅེས་གསོལ་ཏོ། །གང་གི་ཚེ་བཅོམ་ལྡན་འདས་བགྲེས་པའི་མཐའ་
D3.007.0015b02.01ལོགས་ན་བཞུགས་པ་དེའི་ཚེ་ན་བགྲེས་པའི་མཐའ་བརྗིད་པར་གྱུར་ཅིང་། གང་གི་ཚེ་བཅོམ་ལྡན་འདས་བགྲེས་པའི་མཐའ་ལོགས་ན་མི་བཞུགས་པ་དེའི་ཚེ་ན་བགྲེས་པའི་མཐའ་མི་བརྗིད་པར་གྱུར་ན། གལ་ཏེ་བཅོམ་ལྡན་འདས་ཀྱིས་གནང་ན་བདག་གིས་འཛམ་བུའི་གྲིབ་
D3.007.0015b03.01མ་ལ་བཞུགས་པའི་སྐུ་གཟུགས་བགྱིད་དུ་སྩལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། གནང་གིས་བྱེད་དུ་ཆུག་ཤིག །དེས་འཛམ་བུའི་གྲིབ་མ་ལ་བཞུགས་པའི་སྐུ་གཟུགས་བྱེད་དུ་བཅུག་སྟེ། དེ་རྒན་པའི་མཐའ་ལོགས་སུ་བཞག་གོ། །རླུང་དང་ཆར་པ་བྱུང་ནས་
D3.007.0015b04.01དགེ་སློང་རྣམས་ཀྱིས་དེ་བོར་ཏེ་དོང་བ་དང་། བྲམ་ཟེ་དང་ཁྱིམ་བདག་དད་པ་ཅན་དག་ཁྱེད་ཀྱིས་སྟོན་པ་ཡང་བོར་རོ་ཞེས་སྨོད་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པའམ། དགེ་ཚུལ་གྱིས་སྤྱན་དྲང་བར་བྱའོ། །ཁྱིམ་པ་ཡང་མེད། དགེ་ཚུལ་ཡང་
D3.007.0015b05.01མེད་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་ཀྱིས་སྟོན་པའི་འདུ་ཤེས་བསྐྱེད་དེ་སྤྱན་དྲང་བར་བྱའོ། །དགེ་སློང་དག་ན་བར་གྱུར་ནས་དེ་དག་ལ་སུ་ཡང་མི་ལྟ་ནས། བཅོམ་ལྡན་འདས་ཀྱིས་བཀའ་སྩལ་པ། ནད་པ་དུས་གསུམ་དུ་བལྟ་བར་བྱའོ། །བཅོམ་ལྡན་
D3.007.0015b06.01འདས་ཀྱིས་ནད་པ་དུས་གསུམ་དུ་བལྟ་བར་བྱའོ་ཞེས་བཀའ་སྩལ་ནས། དེ་དག་གིས་གང་གིས་བལྟ་བར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་གནས་བརྟན་ནས་བཟུང་སྟེ་དགེ་འདུན་གྱི་གསར་བུའི་བར་གྱིས་བལྟ་བར་བྱའོ། །བཅོམ་
D3.007.0015b07.01