完整藏文原文 · 德格版页 当前仅加载第 7 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
སྐབས་དབེན་པ་ཡིན་གྱི་འདི་ཉིད་དུ་འདུག་པར་བྱའོ་སྙམ་ནས། དེས་དེ་ཉིད་དུ་འདུག་པར་བརྩམས་ཏེ་མཉན་ཡོད་དུ་བསོད་སྙོམས་བརྒྱུས་ནས་དེ་ཉིད་དུ་གནས་འཆའོ། །དེར་མིའི་དྲིས་{རི་དགས་,རི་དྭགས་}དང་བྱ་འགའ་ཡང་མི་འོང་ཞིང་དེར་ལྷས་ཀྱང་དུས་དང་དུས་སུ་ཆར་གྱི་རྒྱུན་
D3.007.0109b01.01ལེགས་པར་ཕབ་པས་ཞིང་དེ་ཤིན་ཏུ་ཕུན་སུམ་ཚོགས་པར་གྱུར་ཏོ། །ཁྱིམ་བདག་དེ་ཡང་དོན་ལེགས་པར་གྲུབ་སྟེ་བཀྲ་ཤིས་ཤིང་བདེ་བར་འོངས་སོ། །དེ་ནས་ཁྱིམ་བདག་དེས་རྫས་སྦས་ནས་ཁྲུས་བྱས་ཏེ་ཟན་ཟོས་པ་དང་ཆུང་མས་སྨྲས་པ། རྗེའི་སྲས་ཁྱོད་ཀྱིས་དགོན་
D3.007.0109b02.01པའི་ཞིང་དེ་ལ་ས་བོན་བཏབ་ནས་ཡུལ་གཞན་དུ་བཞུད་ན་གལ་ཏེ་ས་བོན་གྱི་སྐྱིན་པ་ཙམ་གྲུབ་པར་གྱུར་ཏམ་ཇེ་གཟིགས་ཤིག །ཁྱིམ་བདག་དེ་དེར་སོང་བ་དང་ཇི་ཙམ་ན་ཞིང་དེ་ལོ་ཐོག་ཤིན་ཏུ་ཕུན་སུམ་ཚོགས་པ་མཐོང་ནས་དེས་བསམས་པ། བདག་གིས་འདིར་རིབ་
D3.007.0109b03.01མ་ཡང་མ་བྱས། སྲུང་མའི་མི་འགའ་ཡང་མ་བཞག་པར་ཞིང་འདི་ཤིན་ཏུ་ལོ་ཐོག་ཕུན་སུམ་ཚོགས་པར་གྱུར་པ་འདི་ལ་རྒྱུ་ཅི་ཡོད་སྙམ་ནས། དེས་དེར་བྱུལ་བ་དང་མིའི་རྗེས་མཐོང་ནས་དེ་རྗེས་བཞིན་དུ་སྤྱིལ་བུ་དེར་སོང་བ་དང་། ཇི་ཙམ་ན་དགེ་སློང་བསོད་སྙོམས་
D3.007.0109b04.01པ་ཞིག་སྐྱིལ་མོ་ཀྲུང་གིས་འདུག་པ་མཐོང་ནས་དེས་བསམས་པ། འདིའི་མཐུས་ཞིང་འདི་ཤིན་ཏུ་ལོ་ཐོག་ཕུན་སུམ་ཚོགས་པར་གྱུར་ཏོ་སྙམ་ནས་དེས་སྨྲས་པ། འཕགས་པ་སྤྱིལ་བུ་འདི་ན་བཞུགས་སམ། དེས་སྨྲས་པ། ཁྱིམ་བདག་ཡིན་ནོ། །ཁྱིམ་བདག་གིས་
D3.007.0109b05.01སྨྲས་པ། འཕགས་པ་ཞིང་འདི་བདག་གི་ལགས་ཀྱིས་འཕགས་པས་མེ་ཏོག་དང་། འབྲས་བུ་དང་། ཚེམ་ཤིང་དག་ཅི་བདེར་ལོངས་སྤྱད་དུ་གསོལ། འཕགས་པས་སང་བདག་གི་སྡུམ་པར་བསོད་སྙོམས་གསོལ་བར་ཅི་གནང་། ཁྱིམ་བདག་ཁོ་བོ་ནི་བསོད་སྙོམས་
D3.007.0109b06.01པ་ཡིན་པས་བསོད་སྙོམས་འབའ་ཞིག་ལ་རྒྱུའོ་ཞེས་དེས་དེའི་དང་དུ་མ་བླངས་ནས་ཁྱིམ་བདག་དེས་དེའི་རྐང་པ་གཉིས་ལ་མགོ་བོས་ཕྱག་འཚལ་ཏེ་སོང་ནས་རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས་ཆུང་མ་ལ་འདི་སྐད་ཅེས་སྨྲས་སོ། །བཟང་མོ་བང་བ་སྟ་གོན་གྱིས་
D3.007.0109b07.01