完整藏文原文 · 德格版页 当前仅加载第 7 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ལ་དགའ་བའི་དབང་དུ་བགྱིས་པ་བགྱིད་ན་བདག་གིས་བླང་བར་བགྱིའམ། བཞིན་{བཟངས་,བཟང་}ལོང་ཤིག །བཅོམ་ལྡན་འདས་བདག་ལྷ་རྣམས་ཀྱི་ནང་དུ་སྐྱེ་བར་མི་འགྱུར་ལགས་པ་སྙམ། བཅོམ་ལྡན་འདས་ཀྱིས་བཀའ་སྩལ་པ། བུ་དེ་ནི་མེ་ཏོག་ཡིན་གྱི་
D3.007.0120b01.01ལོང་ཤིག །འབྲས་བུ་གཞན་འབྱུང་བར་འགྱུར་རོ། །ཁྱེའུ་དེས་རིན་པོ་ཆེ་དེ་དག་བླངས་སོ། །རྒྱལ་པོའི་ཁབ་ན་ཚོང་དཔོན་བུ་མེད་པ་ཞིག་དུས་ལ་བབ་ནས་ནོར་ཅན་དག་དང་། ཚོང་དཔོན་དག་དང་། དེད་དཔོན་དག་འདུས་ཏེ་སྨྲས་པ། ཤེས་ལྡན་དག་བདག་
D3.007.0120b02.01ཅག་གིས་གང་ཞིག་གྲོང་ཁྱེར་གྱི་ཚོང་དཔོན་དུ་དབང་བསྐུར་བར་བྱ། བདག་ཅག་གི་ནང་ན་སེམས་ཅན་གང་བསོད་ནམས་ཆེ་བར་གྲགས་པའོ། །དེ་དག་གིས་སྨྲས་པ། བདག་ཅག་གིས་ཇི་ལྟར་ཤེས་པར་བྱ། དེ་དག་གིས་སྨྲས་པ། ས་བོན་ཁ་དོག་སྣ་ཚོགས་
D3.007.0120b03.01དག་རྫ་མ་སོ་བཏང་བའི་ནང་དུ་བླུགས་ཤིང་གང་གིས་ཁ་དོག་གཅིག་པ་ཤ་སྟག་ཟིན་པར་འགྱུར་བ་དེ་བདག་ཅག་གིས་ཚོང་དཔོན་དུ་དབང་བསྐུར་བར་བྱའོ། །དེ་དག་གིས་ས་བོན་ཁ་དོག་སྣ་ཚོགས་དག་རྫ་མ་སོ་བཏང་བའི་ནང་དུ་བླུགས་ཏེ། དེ་དག་གིས་གཟུང་
D3.007.0120b04.01བར་བརྩམས་པ་དང་། གཞན་ཐམས་ཅད་ཀྱིས་ནི་ས་བོན་ཁ་དོག་སྣ་ཚོགས་དག་ཟིན། ཁྱིམ་བདག་གི་བུ་དེས་ནི་ས་བོན་ཁ་དོག་གཅིག་པ་ཤ་སྟག་ཟིན་ནས་དེ་དག་གིས་སྨྲས་པ། བདག་ཅག་གིས་གླ་མི་ཚོང་དཔོན་དུ་དབང་བསྐུར་བར་ཇི་ལྟར་བྱ་ཞེས་དེ་དག་
D3.007.0120b05.01གིས་ལན་གསུམ་གྱི་བར་དུ་དེ་ལྟར་བྱས་པ་དང་། གཞན་ཐམས་ཅད་ཀྱིས་ནི་ས་བོན་ཁ་དོག་སྣ་ཚོགས་དག་ཟིན། ཁྱིམ་བདག་གི་བུ་དེས་ནི་ས་བོན་ཁ་དོག་གཅིག་པ་ཤ་སྟག་ཟིན་ནས་དེ་དག་གིས་སྨྲས་པ། ཤེས་ལྡན་དག་མི་མ་ཡིན་པ་དག་གིས་ཆེ་བཞི་ཕྱེས་
D3.007.0120b06.01ཁྱིམ་བདག་གི་བུ་འདི་ཉིད་ཚོང་དཔོན་དུ་དབང་བསྐུར་བར་བྱའོ་ཞེས་དེ་དག་གིས་ཁྱེའུ་དེ་གྲོང་ཁྱེར་གྱི་ཚོང་དཔོན་དུ་དབང་བསྐུར་ཏོ། །ཚོང་དཔོན་དེས་བསམས་པ། སེམས་ཅན་འདི་ནི་བསོད་ནམས་དང་དབང་ཆེ་བར་གྲགས་པ་ཡིན་གྱིས་འདི་ལ་གཅམ་གསག་
D3.007.0120b07.01