完整藏文原文 · 德格版页 当前仅加载第 7 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱས་ནས་ནམ་སྲོས་པ་དང་ཁྱིམ་དུ་འོངས་སོ། །མས་དེ་མཐོང་ནས་དྲིས་པ། བུ་ཁྱོད་ཀྱིས་དེང་གླ་རྔན་གྱི་ཕྱིར་ལས་བྱས་སམ། ཁྱེའུས་སྨྲས་པ། ཡུམ་བདག་སུས་ཀྱང་མ་ཁྲིད་དོ། །བུ་གླ་མི་དག་ནི་འདི་མི་འདྲ་སྟེ། གླ་མི་དག་ནི་སྐྲ་ཡེགས་ཤིང་
D3.007.0117a01.01གོས་དྲི་མ་ཅན་དག་གྱོན་ནས་གླ་མིའི་སྲང་དུ་སོང་སྟེ་སྡོད་ཀྱིས་ཁྱོད་ཀྱང་གལ་ཏེ་གླ་རྔན་གྱི་ཕྱིར་ལས་བྱེད་པར་འདོད་ན་སྐྲ་ཡེགས་པར་གྱིས་ལ། གོས་དྲི་མ་ཅན་དག་གྱོན་ཏེ་གླ་མིའི་སྲང་དུ་སོང་ལ་སྡོད་ཅིག །དེས་ཕྱི་དེ་ཉིན་པར་སྐྲ་ཡེགས་པར་བྱས་ཤིང་གོས་དྲི་མ་ཅན་དག་
D3.007.0117a02.01གྱོན་ནས་གླ་མིའི་སྲང་དུ་སོང་སྟེ་བསྡད་པ་དང་། ཚོང་དཔོན་ཞིག་ཁྱིམ་རྩིག་པར་བྱེད་པ་དེ་གླ་མི་དག་གི་ཕྱིར་གླ་མིའི་སྲང་དུ་འོངས་ནས། དེས་གླ་མི་གཞན་དག་ཁྲིད་དེ་ཁྱེའུ་དེ་མ་ཁྲིད་པ་དང་། ཁྱེའུས་སྨྲས་པ། ཡབ་བདག་གིས་ཀྱང་གླ་རྔན་གྱི་སླད་དུ་ལས་བགྱིའོ། །
D3.007.0117a03.01ཚོང་དཔོན་གྱིས་སྨྲས་པ། བུ་ཁྱོད་ཤིན་ཏུ་གཞོན་པས་ཁྱོད་ཀྱིས་གླ་རྔན་གྱི་ཕྱིར་ལས་བྱེད་པར་མི་ནུས་སོ། །ཁྱེའུས་སྨྲས་པ། ཅི་ཁྱོད་ཀྱིས་བདག་ལ་དང་པོར་གླ་རྔན་སྩོལ་ཏམ། ཚོང་དཔོན་གྱིས་སྨྲས་པ། མཇུག་ཏུ་གླ་རྔན་སྦྱིན་ནོ། །ཁྱེའུས་སྨྲས་པ། བདག་གིས་
D3.007.0117a04.01ཇེ་དེང་ལས་བགྱིའི་གལ་ཏེ་མཉེས་པར་གྱུར་ན་གླ་རྔན་སྩོལ་ཅིག །ཚོང་དཔོན་དེས་ཁྱེའུ་དེ་ཁྲིད་ནས་ཁྱེའུ་དེས་ཚོང་དཔོན་དེའི་ཁྱིམ་དུ་གླ་རྔན་གྱི་ཕྱིར་ལས་བྱ་བར་བརྩམས་སོ། །གླ་མི་གཞན་དག་གཡོས་ལས་བྱེད་པ་ན་ཁྱེའུ་དེ་མྱུར་བ་མྱུར་བར་ལས་བྱེད་ནས་དེ་དག་གིས་
D3.007.0117a05.01དེ་ལ་སྨྲས་པ། ཚ་བོ་ཁྱོད་ཅིའི་ཕྱིར་གཡོས་ལས་མི་བྱེད། ཁྱེའུས་སྨྲས་པ། ཞང་པོ་དག་ཁོ་བོ་སྔོན་ཉེས་པར་སྤྱད་པས་དབུལ་པོའི་ཁྱིམ་དག་ཏུ་སྐྱེས་ཤིང་དེས་ད་ལྟར་གླ་རྔན་གྱི་ཕྱིར་ལས་བྱེད་པ་ཡིན་ན། གལ་ཏེ་ད་གཡོས་ལས་བྱས་པར་གྱུར་ན་འདི་ནས་ཤི་འཕོས་པ་
D3.007.0117a06.01དག་གི་འགྲོ་བ་ཇི་ལྟར་འགྱུར། དེ་དག་གིས་སྨྲས་པ། ཚ་བོ་ཁྱོད་གསར་དུ་དུལ་བ་ཡིན་པས་ཐམས་ཅད་ཀྱི་ཐ་ན་ལས་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་དོ། །ཁྱེའུ་དེ་འཇིག་རྟེན་པའི་གཏམ་རྒྱུད་ལ་མཁས་པ་ཡིན་པས་དེས་གླ་མི་དེ་དག་ལ་གཏམ་
D3.007.0117a07.01