完整藏文原文 · 德格版页 当前仅加载第 7 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
བཀུར་བྱེད་དོ། །ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་ནི་གཤེགས་སོ། །དྲུག་སྡེ་དག་དང་བཅུ་བདུན་སྡེ་དག་ཕྱི་བཞིན་འབྲང་ཞིང་འདོང་ངོ་། །དེ་
D3.007.0272b01.01ན་ལམ་ཀ་ན་རྫིང་བུ་ཆུས་གང་བ་ཞིག་འདུག་ནས་དྲུག་སྡེ་དག་གིས་བཅུ་བདུན་སྡེ་དག་ལ་སྨྲས་པ། བཅུ་བདུན་སྡེ་དག་ཀྱེ་མ་ཁྱེད་ཅག་དང་ཁོ་བོ་ཅག་ལྷན་ཅིག་ཤིན་ཏུ་འགྲན་པ་ཡིན་ན་ཚུར་ཤེག་ཡུ་བུ་ཅག་ཆུའི་ནང་དུ་གང་ཡུན་རིང་དུ་ནུབ་ཅིང་འདུག་ཕོད་པ་ལྟའོ། །དེ་དག་གིས་སྨྲས་པ། དེ་
D3.007.0272b02.01ལྟར་བྱའོ་ཞེས་དེ་དག་ཐམས་ཅད་ཆུར་ཞུགས་པ་དང་། ཉེ་དགའ་ཆུ་ནས་བྱུང་སྟེ་དེས་བཅུ་བདུན་སྡེ་དག་གི་གོས་དག་ས་འབུས་པ་ཞིག་གི་འོག་ཏུ་སྦས་ཏེ་བཞག་པ་དང་། དྲུག་སྡེ་དག་མྱུར་བ་མྱུར་བར་རྫིང་བུ་ནས་བྱུང་སྟེ་གོས་དག་གྱོན་ནས་དོང་ངོ་། །བཅུ་བདུན་སྡེ་དག་ཆུའི་
D3.007.0272b03.01སྟེང་དུ་བྱུང་བ་དང་། དྲུག་སྡེ་དག་མི་སྣང་ནས་དེ་དག་གིས་བདག་ཅག་ཕམ་པར་བྱས་ན་མི་རུང་ངོ་ཞེས་དེ་དག་ཡང་ཆུའི་འོག་ཏུ་ཞུགས་སོ། །དེ་དག་ཡང་དང་ཡང་དུ་སྟེང་དུ་བྱུང་སྟེ་བལྟས་ན་དྲུག་སྡེ་དག་མི་སྣང་ནས། དེ་དག་ད་དུང་ཡང་ཆུའི་འོག་ན་འདུག་གོ་སྙམ་ནས་དེ་དག་
D3.007.0272b04.01གིས་སྨྲས་པ། ཚེ་དང་ལྡན་པ་དག་དྲུག་སྡེ་དག་གིས་གོས་དག་སྦས་ཏེ་འདོང་ངོ་ཞེས་བགྲོས་པ་དང་། ཇི་ཙམ་ན་གོས་གཅིག་ཀྱང་མི་སྣང་ནས་དེ་དག་གིས་སྨྲས་པ། ཚེ་དང་ལྡན་པ་དག་དེ་དག་གིས་བདག་ཅག་ཐོ་བཙམས་སོ་ཞེས་དེ་དག་རྫིང་བུ་ནས་བྱུང་སྟེ་མཐའ་
D3.007.0272b05.01གཅིག་ན་འཁོད་དོ། །ཚེ་དང་ལྡན་པ་ཤཱ་རིའི་བུ་དང་། མཽ་གལ་གྱི་བུ་ཆེན་པོ་གཉིས་འཁོར་ལྔ་བརྒྱ་དང་ཀོ་ས་ལ་དག་ཏུ་ལྗོངས་རྒྱུ་ཞིང་འདོང་བ་ན་རྒྱལ་བྱེད་ཀྱི་ཚལ་དུ་ཕྱིན་པ་དང་། ཇི་ཙམ་ན་རྒྱལ་བྱེད་ཀྱི་ཚལ་སྟོང་པར་མཐོང་ནས་དེ་གཉིས་ཀྱིས་སྨྲས་པ། སངས་རྒྱས་ལ་སོགས་
D3.007.0272b06.01པ་དགེ་སློང་གི་དགེ་འདུན་གར་གཤེགས། ཁྱིམ་བདག་ཅིག་གིས་སྤྱན་དྲངས་སོ། །དེ་གཉིས་ཀྱིས་སྨྲས་པ། སྐོལ་ཅག་གཉིས་ཀྱང་དེར་བཞུད་ལ་བསོད་སྙོམས་གསོལ་ལོ་ཞེས་དེ་གཉིས་དོང་བ་དང་། ཇི་ཙམ་ན་ཚེ་དང་ལྡན་པ་ཤཱ་རིའི་བུས་བཅུ་བདུན་སྡེ་དག་རྫིང་བུའི་
D3.007.0272b07.01