完整藏文原文 · 德格版页 当前仅加载第 7 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འབྲས་བུའི་སྨན་དག་གིས་བསྙེན་བཀུར་བྱས་ཀྱང་ཉམས་པ་ཉིད་དུ་གྱུར་ནས་དེ་ལམ་ཆེན་པ་བོས་ཏེ་སྨྲས་པ་བུ་ཁོ་བོ་འདས་ནས་ཁྱོད་ནི་མྱ་ངན་བྱ་མི་དགོས་ཀྱིས་ཁྱོད་ཀྱི་ནུ་བོ་ལམ་ཆུང་བ་འདི་ལ་ཁྱོད་ཀྱིས་མཁོ་བ་བསྟབས་པར་གྱིས་ཤིག་ཅེས་སྨྲས་ནས། བསགས་
D3.007.0063b01.01པ་ཀུན་གྱི་མཐའ་ཟད་ཅིང་། །མཐོན་པོ་རྣམས་ནི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པོའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས། དེ་དུས་ཀྱི་ཆོས་དང་ལྡན་པར་གྱུར་ཏོ། །དེ་གཉིས་ཀྱིས་གོས་སྔོན་པོ་དང་། སེར་པོ་དང་
D3.007.0063b02.01དམར་པོ་དང་། དཀར་པོ་དག་གིས་ཁྱོགས་སྤྱིལ་བརྒྱན་ཏེ་དུར་ཁྲོད་དུ་བསྐྱལ་ནས་བསྲེགས་ཏེ། དེའི་འོག་ཏུ་མྱ་ངན་བསང་བ་བྱས་ཏེ་འཁོད་དོ།། །།འདུལ་བ་རྣམ་པར་འབྱེད་པ། བམ་པོ་བཞི་བཅུ་རྩ་བདུན་པ། བྲམ་ཟེ་ལམ་ཆེན་པ་དེ་མཉན་ཡོད་དང་། རྒྱལ་
D3.007.0063b03.01བྱེད་ཀྱི་ཚལ་གྱི་བར་ན་གནས་ཀྱི་ཤིང་ལྗོན་པ་ཞིག་ཡོད་པ་དེའི་དྲུང་ན་བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་ཀློག་ཏུ་འཇུད་ཅིང་འདུག་གོ། །ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་གཉིས་ཀྱིས་འདུལ་བའི་བྱ་བ་བྱས་ནས་འཁོར་ལྔ་བརྒྱ་དང་ཀོ་
D3.007.0063b04.01ས་ལ་དག་ཏུ་ལྗོངས་རྒྱུ་ཞིང་འདོང་བ་ན་མཉན་ཡོད་དུ་ཕྱིན་ཏོ། །མཉན་ཡོད་ན་སྐྱེ་བོ་ཕལ་པོ་ཆེའི་ཚོགས་ཀྱིས་འཕགས་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་གཉིས་འཁོར་ལྔ་བརྒྱ་དང་ཀོ་ས་ལ་དག་ཏུ་ལྗོངས་རྒྱུ་བ་ན་མཉན་ཡོད་དུ་ཕྱིན་ཏོ་ཞེས་ཐོས་སོ། །ཐོས་ནས་ཀྱང་སྲོག་
D3.007.0063b05.01ཆགས་བརྒྱ་ཕྲག་དུ་མ་དག་ཕྱིར་འབྱུང་བར་བརྩམས་པ་དང་། ལམ་ཆེན་པས་དེ་དག་ཕྱིར་འབྱུང་བར་མཐོང་ནས་སྨྲས་པ། ཤེས་ལྡན་དག་གར་འདོང་། དེ་དག་གིས་སྨྲས་པ། འཕགས་པ་ཤཱ་རིའི་བུ་དང་། མཽད་གལ་གྱི་བུ་གཉིས་ཀོ་ས་ལ་དག་ཏུ་ལྗོངས་རྒྱུ་ཞིང་གཤེགས་
D3.007.0063b06.01པ་ན་མཉན་ཡོད་དུ་བྱོན་ཏེ་དེ་གཉིས་ལྟར་འདོང་ངོ་། །ལམ་ཆེན་པས་སྨྲས་པ། དེ་གཉིས་ནི་རིགས་མཆོག་སྤངས་ཏེ་རིགས་གཉིས་པ་དགེ་སྦྱོང་གཽ་ཏ་མའི་གན་དུ་རབ་ཏུ་བྱུང་བ་ཡིན་པས་དེ་གཉིས་མཐོང་བས་ཅི་བྱ། དེ་ན་བྲམ་ཟེའི་ཁྱེའུ་དད་པ་ཅན་ཞིག་འདུག་པ་དེས་སྨྲས་
D3.007.0063b07.01