完整藏文原文 · 德格版页 当前仅加载第 7 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
སྤངས་པར་མི་འགྱུར་ལ། བཟའ་བ་ལྔ་པོ་དག་གིས་ནི་སྤངས་པར་འགྱུར་རོ་ཞེས་བཀའ་སྩལ་ནས་དེ་དག་དེས་འབགས་པའི་སུག་པ་དག་དང་། དེས་གོས་པའི་ལྷུང་བཟེད་དག་གིས་བདག་ཅག་གིས་སྤངས་སོ་ཞེས་འཚལ་བར་མི་བགྱིད་པས་དེ་དག་རིད་པ་དང་། ཉམ་ཆུང་བ་
D3.007.0143a01.01དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་ཏེ། བཙུན་པ་གང་གིས་ད་ལྟར་དགེ་སློང་དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་པའི་རྒྱུ་ནི་དེ་ལགས། རྐྱེན་ནི་དེ་ལགས་སོ། །ཀུན་དགའ་བོ་དེ་ལྟ་བས་ན། རྒྱུ་ལྔས་ནི་
D3.007.0143a02.01སྤངས་པར་བརྗོད་པར་བྱ་ཞིང་། རྒྱུ་ལྔས་ནི་མ་སྤངས་པར་བརྗོད་པར་བྱའོ། །རྒྱུ་ལྔ་པོ་གང་དག་གིས་སྤངས་པར་བརྗོད་པར་བྱ་ཞེ་ན། ཟས་ཡོད་པ་དང་། ཟས་སྟོབས་པ་ཡོད་པ་དང་། ཟས་བརྩམས་པ་ཡོད་པ་དང་། ཟས་སྤངས་པ་ཡོད་པ་དང་། སྤྱོད་ལམ་ལས་ཉམས་པས་སོ། །
D3.007.0143a03.01ཇི་ལྟར་ཟས་ཡོད་པས་ཤེ་ན། བཅའ་བ་ལྔ་པོ་དང་། བཟའ་བ་ལྔ་པོ་དག་ཡོད་པས་ཏེ། དེ་ལྟར་ཟས་ཡོད་པས་སོ། །ཇི་ལྟར་ཟས་སྟོབས་པ་ཡོད་པས་ཤེ་ན། བུད་མེད་དམ། སྐྱེས་པའམ། མ་ནིང་ཡོད་པས་ཏེ། དེ་ལྟར་ཟས་སྟོབས་པ་ཡོད་པས་སོ། །ཇི་ལྟར་ཟས་བརྩམས་པ་
D3.007.0143a04.01ཡོད་པས་ཤེ་ན། བཅའ་བ་ལྔ་པོ་དང་། བཟའ་བ་ལྔ་པོ་དག་ཀུན་དུ་བརྩམས་པ་ཡོད་པས་ཏེ། དེ་ལྟར་ཟས་བརྩམས་པ་ཡོད་པས་སོ། །ཇི་ལྟར་ཟས་སྤངས་པ་ཡོད་པས་ཤེ་ན། བཅའ་བ་ལྔ་པོ་དང་། བཟའ་བ་ལྔ་པོ་དག་སྤངས་པ་ཡོད་པས་ཏེ། དེ་ལྟར་ཟས་སྤངས་པ་ཡོད་པས་སོ། །
D3.007.0143a05.01ཇི་ལྟར་སྤྱོད་ལམ་ལས་ཉམས་པས་ཤེ་ན། སྟན་གང་ལ་འདུག་པར་གྱུར་པའི་སྟན་དེ་ལས་ལངས་པར་གྱུར་པ་སྟེ། དེ་ལྟར་སྤྱོད་ལམ་ལས་ཉམས་པས་ཏེ། རྒྱུ་ལྔ་པོ་དེ་དག་གིས་ནི་སྤངས་པར་བརྗོད་པར་བྱའོ། །རྒྱུ་ལྔ་པོ་གང་དག་གིས་མ་སྤངས་པར་བརྗོད་པར་བྱ་ཞེ་ན། ཟས་མེད་པ་དང་།
D3.007.0143a06.01ཟས་སྟོབས་པ་མེད་པ་དང་། ཟས་བརྩམས་པ་མེད་པ་དང་། ཟས་སྤངས་པ་མེད་པ་དང་། སྤྱོད་ལམ་ལས་མ་ཉམས་པས་སོ། །ཇི་ལྟར་ཟས་མེད་པས་ཤེ་ན། བཅའ་བ་ལྔ་པོ་དང་། བཟའ་བ་ལྔ་པོ་དག་མེད་པས་ཏེ། དེ་ལྟར་ཟས་མེད་པས་སོ། །ཇི་ལྟར་ཟས་སྟོབས་པ་མེད་
D3.007.0143a07.01