完整藏文原文 · 德格版页 当前仅加载第 7 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཡིད་གཉིས་ཟ་བས་གོས་བྱེད་ན་ཉེས་བྱས་སུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གོས་བྱེད་པའི་ལྟུང་བྱེད་དེ་ཉི་ཤུ་ལྔ་
D3.007.0095a01.01པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ལྷུང་བཟེད་ནག་པོ་ཅན་འདི་དག་ནི་རྐང་པ་སྤྲེའུ་ཞག་གིས་བསྐུས་ཏེ་འགྲོ་ན་ཡང་འགྲོ་བར་ཆས་པའི་
D3.007.0095a02.01རྙེད་པ་སྒྲུབ་པར་བྱེད། འོང་ན་ཡང་བློ་བུར་དུ་འོངས་པའི་རྙེད་པ་སྒྲུབ་པར་བྱེད་ཅིང་། སྐྱེ་བོ་མང་པོ་དགའ་བ་དང་། ཡིད་དུ་འོང་བར་ཡང་འགྱུར་རོ། །ཡུ་བུ་ཅག་ནི་ཁྲོན་པའི་རུས་སྦལ་དང་འདྲ་བར་གར་ཡང་མི་འདོང་། གང་ནས་ཀྱང་མི་འོང་བས་རྙེད་པ་འཐོབ་པ་དང་། སྐྱེ་བོ་མང་པོ་དགའ་བ་དང་།
D3.007.0095a03.01ཡིད་དུ་འོང་བར་ག་ལ་འགྱུར་གྱིས། ཡུ་བུ་ཅག་ཀྱང་འདོང་ངོ་། །གང་དུ་འདོང་། ལྗོངས་རྒྱུར་འདོང་ངོ་། །ཇེ་སྲིང་མོ་དག་བལྟའོ་ཞེས་དེ་དག་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་དེ་དག་དགེ་སློང་མའི་དབྱར་ཁང་དུ་དོང་སྟེ་བཅུ་
D3.007.0095a04.01གཉིས་སྡེ་དག་གི་གན་དུ་སོང་ནས་སྨྲས་པ། སྲིང་མོ་དག་ཁྱེད་ཅག་བལྟས་ཀྱིས་ཁོ་བོ་ཅག་ལྗོངས་རྒྱུར་འདོང་ངོ་། །དེ་དག་ངུས་པ་དང་། དྲུག་སྡེ་དག་གིས་སྨྲས་པ། སྲིང་མོ་དག་ངུར་ཅི་ཡོད། གལ་ཏེ་ཁྱེད་ཅག་ལྗོངས་རྒྱུར་བཞུད་ན་བདག་ཅག་ལ་རྒྱལ་བྱེད་ཀྱི་ཚལ་སྟོངས་པར་འགྱུར་རོ། །
D3.007.0095a05.01དྲུག་སྡེ་དག་གིས་སྨྲས་པ། སྲིང་མོ་དག་བཅོམ་ལྡན་འདས་འཁོར་སྟོང་ཉིས་བརྒྱ་ལྔ་བཅུ་དང་བཞུགས་ན་ཁྱེད་ཅག་བདག་ཅག་ལ་རྒྱལ་བྱེད་ཀྱི་ཚལ་སྟོངས་པར་འགྱུར་རོ་ཞེས་ཟེར་རམ། དེ་དག་གིས་སྨྲས་པ། ལྷུང་བཟེད་ནག་པོ་ཅན་དག་བདག་ཅག་མཐོང་བར་ཡང་མི་དགའ་ན་མཆི་བ་དང་།
D3.007.0095a06.01སྟན་འདིང་བ་དང་། ཆོས་སྟོན་པར་ལྟ་ག་ལ་འགྱུར། ཉེ་{དགའས་,དགས་}སྨྲས་པ། སྲིང་མོ་དག་འོ་ན་ལྷན་ཅིག་འདོང་ངོ་། །སྦོམ་དགའ་མོས་སྨྲས་པ། དགེ་སློང་མ་དག་དགེ་སློང་རྣམས་དང་ལྷན་ཅིག་མཆིར་རུང་ངམ། ཉེ་{དགའས་,དགས་}སྨྲས་པ། ལེགས་པར་རུང་ངོ་ཤིན་ཏུ་རུང་ངོ་གང་དུ་བཀག་
D3.007.0095a07.01