完整藏文原文 · 德格版页 当前仅加载第 7 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སངས་རྒྱས་འོད་སྲུང་ལ་སེང་གེ་ཞེས་བརྗོད་པས། ཀུན་དུ་སྤྱད་པ་གང་ཡིན་པ་དེ་ནི་སྔོན་སེང་གེ་ལྷའི་བུ་འདི་ཉིད་ཡིན་ཏེ། དེའི་ཚེ་འདི་ཡང་དག་པར་རྫོགས་པའི་སངས་རྒྱས་འོད་སྲུང་ལ་སེང་གེ་ཞེས་བརྗོད་པས་ཀུན་དུ་སྤྱད་པའི་ལས་དེའི་རྣམ་པར་སྨིན་པས་ཚེ་རབས་ལྔ་བརྒྱར་
D3.007.0199a01.01སེང་གེ་རྣམས་ཀྱི་ནང་དུ་སྐྱེས་པར་གྱུར་ནས་ད་ལྟར་གྱི་བར་དུ་ཡང་སེང་གེ་རྣམས་ཀྱི་ནང་དུ་ཡང་སྐྱེས་པར་གྱུར་ཏོ། །འདིས་ང་ལ་སེམས་མངོན་པར་དད་པར་བྱས་པའི་ལས་དེའི་རྣམ་པར་སྨིན་པས་ནི་ཤི་ཞིང་དུས་ལ་བབ་ནས། རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་སོ། །འདིས་ཡང་
D3.007.0199a02.01དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་སྐྱབས་སུ་འགྲོ་བ་དང་། བསླབ་པའི་གཞི་དག་བླངས་པའི་ལས་དེའི་རྣམ་པར་སྨིན་པས་ནི་ངའི་སྤྱན་སྔར་བདེན་པ་དག་མཐོང་ཞིང་། དེས་བདེན་པ་དག་མཐོང་ནས་རང་གི་གནས་སུ་ཕྱིན་ཏོ། །དགེ་སློང་དག་དེ་ལྟར་ན་ལས་
D3.007.0199a03.01གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་
D3.007.0199a04.01རྣམས་དང་། འདྲེན་མ་རྣམས་སྤངས་ཏེ་ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱོད་ཀྱིས་དེ་ལྟར་བསླབ་པར་བྱའོ། །དེ་ནས་བཅོམ་ལྡན་འདས་མ་ག་དྷཱ་དག་ཏུ་ལྗོངས་རྒྱུ་ཞིང་གཤེགས་པ་ན་རྒྱལ་པོའི་ཁབ་ཏུ་བྱོན་ནས་རྒྱལ་པོའི་ཁབ་ན་འོད་མའི་ཚལ་ཀ་ལན་
D3.007.0199a05.01ད་ཀའི་གནས་ན་བཞུགས་སོ། །དེའི་དུས་ན་དྲུག་སྡེ་དག་གིས་མེས་གཞན་ལ་གཏོང་བས་རྩེ་བར་བྱེད་ཅིང་། ཟླ་བ་ཡང་བྱེད། ཉི་མ་ཡང་བྱེད། མགལ་མེའི་འཁོར་ལོ་ཡང་བྱེད་ནས་གཞན་མུ་སྟེགས་ཅན་དག་ཤེས་ལྡན་དག་ཤཱཀྱའི་བུའི་དགེ་སྦྱོང་འདི་དག་ནི་མེས་གཞན་ལ་གཏོང་བས་
D3.007.0199a06.01རྩེ་བར་བྱེད་ཅིང་། ཟླ་བ་ཡང་བྱེད། ཉི་མ་ཡང་བྱེད། མགལ་མེའི་འཁོར་ལོ་ཡང་བྱེད་དེ། བྱིས་པ་ཁྱེའུ་འདི་དག་ཀྱང་མེས་གཞན་ལ་གཏོང་བས་རྩེ་བར་བྱེད་ཅིང་། ཟླ་བ་ཡང་བྱེད། ཉི་མ་ཡང་བྱེད། མགལ་མེའི་འཁོར་ལོ་ཡང་བྱེད་ན། ཤེས་ལྡན་དག་བྱིས་པ་ཁྱེའུ་འདི་དག་
D3.007.0199a07.01