完整藏文原文 · 德格版页 当前仅加载第 7 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བའམ། ཡང་ན་སློབ་དཔོན་གཞན་བཙལ་བར་བྱའི་འབྲས་བུ་མེད་པའི་སྦུན་པ་འཕྱར་ཞིང་འཁོད་དེ་ཅི་རུང་ཞེས་སྨྲས་ཏེ་སོང་ངོ་། །ཇི་ཙམ་ན་དེ་དག་གི་སློབ་དཔོན་འོངས་ནས་དེས་སྨྲས་པ། ཁྱེའུ་དག་འཁོད་དེ་ཅི་རུང་དྲུག་ལྡན་དང་། དྲང་སྲོང་པ་དང་། ས་འཛིན་པ་དང་། བློ་གསལ་དང་། འཁོར་ཉན་
D3.007.0235b01.01དང་། བར་མ་པ་དང་། ཀེ་ཤི་ཀ་གྱིས་ཤིག །དེ་དག་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་ཅིང་སྨྲས་པ། སློབ་དཔོན་ཡང་ད་དུང་ཅི་ཡང་མི་མཁྱེན་ན་བདག་ཅག་གིས་ལྟ་འཚལ་བར་འགྱུར་ཏེ་སྐན། སློབ་དཔོན་གྱིས་སྨྲས་པ། ཁྱེའུ་དག་སྔོན་མ་བྱུང་བའི་རྣམ་པར་འགྱུར་བ་འདི་ལྟ་བུ་
D3.007.0235b02.01བྱུང་ན་འགའ་ཞིག་འདིར་འོངས་པར་མ་གྱུར་ཏམ། དེ་དག་གིས་སྨྲས་པ། མཆིས་སོ། །སུ། འཕགས་པ་འཆར་ཀ་སྟེ། དེས་གླུ་དང་གར་སུས་ཀྱང་བརྗོད་པར་རྔོ་མི་ཐོག་པ་དེ་ལྟ་བུ་བགྱིས་སོ། །དེས་དེ་དག་ལ་སྨྲས་པ། བྱང་ཆུབ་སེམས་དཔའ་རོལ་མོའི་དཔོང་ས་གང་དུ་རོལ་མོ་བསླབས་པ་དེའི་དྲུང་དུ་དེས་
D3.007.0235b03.01ཀྱང་བསླབས་ཏེ། གལ་ཏེ་དེ་རབ་ཏུ་བྱུང་བར་མ་གྱུར་ན་འཛམ་བུའི་གླིང་མཐའ་དག་ཏུ་རོལ་མོ་མཁན་གྱི་སློབ་དཔོན་གྱི་མཆོག་ཏུ་འགྱུར་རོ། །འོན་ཀྱང་ཁོ་བོས་ཅི་ཤེས་པ་དེ་ཇེ་ཁོ་བོ་ལས་སློབས་ལ་ལྷག་མ་གཞན་ལས་སློབས་ཤིག །སློབ་དཔོན་དེས་བསམས་པ། དེ་ཡང་དང་ཡང་དུ་བདག་ལ་ཐོ་འཚམ་པར་
D3.007.0235b04.01འགྱུར་གྱིས་དེ་ལྟར་འགྲོའོ་སྙམ་ནས་དེ་འཆར་ཀའི་གན་དུ་སོང་སྟེ་སྨྲས་པ། འཕགས་པ་འཆར་ཀ་བདག་ཅག་གི་རོལ་མོའི་དཔོང་སར་བྱོན་པར་གྱུར་ཏམ། འཆར་ཀས་སྨྲས་པ། སོན་ཏོ། །འཕགས་པས་ཁྱེའུ་དག་ཅུང་ཟད་ཚར་བཀུམ་མམ། འཆར་ཀས་སྨྲས་པ། ཚར་བཅད་དོ། །དེས་སྨྲས་པ། འཕགས་
D3.007.0235b05.01པ་དེ་ནི་བདག་གི་འཚོ་བ་ལགས་ཀྱིས་ཁྱེའུ་དག་ཚར་མ་དགུམ་ཤིག །བཀྲེན་པ་ཁྱོད་ཁོ་བོ་ཅག་གིས་སྒྱུ་རྩལ་གྱིས་འཚོ་ལ། ཁོ་བོ་ཅག་ལ་བཅའ་བའི་རིན་ཅུང་ཟད་ཀྱང་མི་སྦྱིན་ནམ། དེས་སྨྲས་པ། འཕགས་པ་བདག་ནི་དབུལ་པོ་ལགས་སོ། །འཆར་ཀས་སྨྲས་པ། བཀྲེན་པ་གལ་ཏེ་མི་
D3.007.0235b06.01སྦྱིན་ན་ཡང་དང་ཡང་དུ་ཁོ་བོ་སོང་ལ་ཚར་གཅད་པར་བྱའོ། །དེས་བསམས་པ། འདི་ལ་བཅའ་བའི་རིན་མ་བྱིན་ན་ཡང་དང་ཡང་དུ་སོང་སྟེ་ཁྱེའུ་དག་ཚར་གཅོད་པར་འགྱུར་རོ་སྙམ་ནས། དེས་རོལ་མོའི་ཡོ་བྱད་ཐམས་ཅད་བཙོངས་ཏེ་དེ་ལ་བཅའ་བའི་རིན་བྱིན་ནས་སེམས་ཁོང་དུ་ཆུད་ཅིང་འདུག་
D3.007.0235b07.01