完整藏文原文 · 德格版页 当前仅加载第 7 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
རྩི་བྱེད་པའི་སྦྲང་བུ་བཞིན་དུ་ཆོས་སྦྲང་རྩི་ལྟ་བུ་སྟོན་ཅིང་སྟོབས་པར་མཛད་དོ་ཞེས་རྗོད་པར་བྱེད་དོ། །རྩོལ་བའི་འབྲས་བུས་འཚོ་བ་དག་གིས་སྨྲས་པ། ཁྱེད་ཅག་ལས་གང་དག་ཆོས་ཉན་པ་དེ་དག་གི་སངས་རྒྱས་འབྱུང་བ་ནི་འབྲས་བུ་དང་བཅས་པ་ཡིན་ནོ། །འོ་ན་ཁྱོད་ཅག་ཀྱང་ཅིའི་ཕྱིར་
D3.007.0203b01.01ཆོས་ཉན་པར་མི་བྱེད། ཁྱེད་ཅག་ནི་བསོད་ནམས་ཀྱི་འབྲས་བུས་འཚོ་བ་དག་ཡིན་པས་ཉིན་མོ་ཆོས་ཉན་པར་བྱེད་ཀྱི། ཁོ་བོ་ཅག་ནི་རྩོལ་བའི་འབྲས་བུས་འཚོ་བ་དག་ཡིན་པས་གལ་ཏེ་ཉིན་མོ་ལས་དག་མ་བྱས་ན་ལྟོགས་ཏེ་འཆི་བར་འགྱུར། གལ་ཏེ་འཕགས་པ་དག་མཚན་མོ་ཆོས་སྟོན་
D3.007.0203b02.01པར་འགྱུར་ན་དེ་ལྟ་ན་བདག་ཅག་གིས་ཀྱང་ཆོས་མཉན་པར་བྱའོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། མཚན་མོ་ཆོས་བསྟན་པར་བྱའོ། །དེ་དག་མཚན་མོ་ཐམས་ཅད་ཁོ་ནར་ཆོས་སྟོན་པར་བྱེད་ཅིང་དེ་
D3.007.0203b03.01དག་ངལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། མཚན་ཐམས་ཅད་ཁོ་ནར་ཆོས་བསྟན་པར་མི་བྱའོ། །དེ་དག་ནམ་ཕྱེད་ཀྱི་བར་དུ་ཆོས་སྟོན་པར་བྱེད་པ་ན་དེ་ལྟ་ན་ཡང་ངལ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཚེས་བརྒྱད་དང་། ཚེས་བཅུ་བཞི་ལ་ཆོས་བསྟན་
D3.007.0203b04.01པར་བྱའོ། །དེ་དག་ཚེས་བརྒྱད་དང་། ཚེས་བཅུ་བཞི་ལ་ཆོས་སྟོན་པར་བྱེད་པ་ན་བསོད་སྙོམས་པ་ཞིག་གཙུག་ལག་ཁང་དུ་ཆོས་ཉན་དུ་འོངས་ནས་དགེ་སློང་རྣམས་ཀྱིས་ནམ་ཕྱེད་ཀྱི་བར་དུ་ཆོས་བསྟན་པ་དང་། བསོད་སྙོམས་པ་དེས་བསམས་པ། ད་ནི་འགྲོ་བའི་དུས་མ་ཡིན་གྱིས་འདི་
D3.007.0203b05.01ཉིད་དུ་འདུག་པར་བྱའོ་ཞེས་དེ་མཐའ་གཅིག་ཏུ་སོང་ནས་སྐྱིལ་མོ་ཀྲུང་བཅས་ཏེ་འདུག་གོ། །དེར་ལྷགས་པའི་ཁྱིམ་པ་དེ་དག་ཀྱང་དེ་ཉིད་དུ་ཉལ་ནས་དགེ་སྐོས་ཀྱིས་མར་མེ་བསད་པར་བརྩམས་པ་དང་། དེ་དག་གིས་སྨྲས་པ། འཕགས་པ་ཞུགས་མར་མ་དགུམ་ཞིག་དང་བདག་ཅག་གིས་
D3.007.0203b06.01འབྲུ་མར་དབུལ་ལོ། །དགེ་སྐོས་ཀྱིས་མར་མེ་གསོས་ཏེ་སོང་ནས་ཁྱིམ་པ་དེ་དག་དེ་ན་འཁོད་ཅིང་དེ་དག་གིས་སྨྲས་པ། འཕགས་པ་ཆེ་གེ་མོ་ཞིག་གིས་ནི་ཆོས་སྙན་པ་སྙན་པ་དག་བསྟན་ཏོ། །འཕགས་པ་ཆེ་གེ་མོ་ཞིག་གིས་ནི་ཆོས་ཆེས་སྙན་པ་སྙན་པ་དག་བསྟན་ཏོ་ཞེས་ཟེར་རོ། །དེ་ན་དགེ་སློང་
D3.007.0203b07.01