完整藏文原文 · 德格版页 当前仅加载第 7 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་ཁོ་ནར་དབྱར་ཁང་དུ་འཕགས་པ་དང་། དེ་ལ་དགེ་སློང་མ་ཁྲིམས་ཟླས་སྨྲས་པ། སྦེད་མ་འཕགས་པ་འཆར་ཀས་སྣམ་སྦྱར་ཇི་ལྟར་བཙེམས་པ་བལྟས་འོན་ཅིག །སྦེད་མས་དེ་ལ་སྨྲས་པ། འཕགས་པ་འཆར་ཀ་ན་རེ་རེ་ཞིག་ཇི་སྲིད་དུ་ཚོན་གྱིས་མ་བཅལ་
D3.007.0094a01.01བ་དེ་སྲིད་དུ་མ་དབྱེ་ཤིག །ལྟུང་བ་དང་བཅས་པར་གྱུར་ཏ་རེ་ཞེས་ཟེར་རོ་ཞེས་ལྟར་མ་སྟེར་རོ། །སྦེད་མ་དབྱར་ཁང་དུ་སོང་བ་དང་། དེ་ལ་དགེ་སློང་མ་རྣམས་ཀྱིས་སྨྲས་པ། སྦེད་མ་འཕགས་པ་འཆར་ཀས་སྣམ་སྦྱར་ཇི་ལྟར་བཙེམས་པ་བལྟས་འོན་ཅིག །སྦེད་མས་སྨྲས་པ། འཕགས་
D3.007.0094a02.01པ་འཆར་ཀ་ན་རེ་རེ་ཞིག་ཇི་སྲིད་དུ་ཚོན་གྱིས་མ་བཅལ་བ་དེ་སྲིད་དུ་མ་དབྱེ་ཤིག །ལྟུང་བ་དང་བཅས་པར་གྱུར་ཏ་རེ་ཞེས་ཟེར་རོ། །དགེ་སློང་མ་གྲོགས་མོ་དག་གིས་འདི་ལ་ལྟུང་བར་འགྱུར་བ་ཅི་ཡོད་ཅེས་དེའི་རྒྱབ་ལོགས་སུ་འདུག་སྟེ་སྣམ་སྦྱར་ཧུར་ཅེས་ཕྲོགས་ནས་ཕྱེ་སྟེ་བལྟས་པ་དང་།
D3.007.0094a03.01དགེ་སློང་མ་རྣམས་ཀྱིས་དེ་ལ་ཚོན་སྣ་ལྔའི་སྐུད་པས་འཆར་ཀ་སྦེད་མའི་མགུལ་ནས་འཁྱུད་དེ་འདུག་པ་སྐུད་རིས་སུ་བཙེམས་པ་མཐོང་ནས་རྟ་གད་ཀྱིས་བཏབ་སྟེ་སྨྲས་པ། སྦེད་མ་ཁྱོད་ལ་འཕགས་པ་འཆར་ཀས་ཡུན་རིང་མོ་ཞིག་གིས་གཟོད་འཁྱུད་དོ། །སྐྱེ་དགུའི་བདག་མོ་ཆེན་མོ་གཽ་ཏ་
D3.007.0094a04.01མཱིས་ཐོས་ནས་དེས་སྨྲས་པ། ནུ་མོ་དག་ཁྱེད་མགོ་ཕྱི་ཞིང་མཆན་ཁུང་སྤུན་པ་ཡིན་ན་ཅི་དགོད། དེ་དག་གིས་སྨྲས་པ། འཕགས་མ་ཇི་ལྟ་ཇི་ལྟར་འཕགས་པ་འཆར་ཀས་མི་མཛེས་པ་བགྱིས་པ་ལ་གཟིགས། ནུ་མོ་དག་དྲུག་སྡེ་གནས་ངན་ལེན་ཀུན་དུ་སྤྱོད་པ་དག་གིས་འདྲུམས་པ་
D3.007.0094a05.01ལྟུང་བས་བཅོམ་ལྡན་འདས་ཀྱི་བསྟན་པ་འཇིག་པར་བྱེད་དོ་ཞེས་ཟེར་བའི་སྐབས་དེ་དགེ་སློང་མ་རྣམས་ཀྱིས་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་
D3.007.0094a06.01དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་
D3.007.0094a07.01