完整藏文原文 · 德格版页 当前仅加载第 7 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
པ། མཁན་པོ་དེ་སྐད་མ་གསུང་ཤིག །དེ་གཉིས་ནི་བདག་ཉིད་ཆེན་པོ་ལགས་པས་གལ་ཏེ་མཁན་པོས་དེ་གཉིས་ལས་ཆོས་གསན་པར་གྱུར་ན་མཁན་པོའི་ཐུགས་མངོན་པར་དད་པར་འགྱུར་བ་གང་ལགས་པ་དེ་ལྟ་བུའི་གནས་མཆིས་སོ། །ལམ་ཆེན་པས་
D3.007.0064a01.01བསམས་པ། བརྟག་པར་བྱས། རེ་ཞིག་གང་གི་ཚེ་བྲམ་ཟེའི་ཁྱེའུ་དག་མི་ཀློག་པར་འགྱུར་བ་དེའི་ཚེ་བདག་ཀྱང་འགྲོ་བར་བྱའོ་སྙམ་མོ། །བྲམ་ཟེའི་ཁྱེའུ་དེ་དག་གི་ཀུན་དུ་སྤྱོད་པ་ནི་གང་གི་ཚེ་མི་ཀློག་པ་དེའི་ཚེ་ན་ལན་འགའ་ནི་གྲོང་ཁྱེར་ལྟར་འདོང་བར་བྱེད། ལན་འགའ་
D3.007.0064a02.01ནི་ཡམ་སྲེག་ཤིང་ཐུར་འདོང་བར་བྱེད་པས་དུས་གཞན་ཞིག་ན་དེ་དག་མི་ཀློག་པར་གྱུར་ནས་དེ་དག་ཡམ་སྲེག་ཤིང་ཐུར་དོང་བ་དང་། ལམ་ཆེན་པ་དེ་ཡང་རྒྱལ་བྱེད་ཀྱི་ཚལ་ག་ལ་བ་དེར་སོང་ངོ་། །དགེ་སློང་ཞིག་རྒྱལ་བྱེད་ཀྱི་ཚལ་གྱི་སྒོ་ན་ཤིང་ལྗོན་པའི་དྲུང་ན་འཆག་ཅིང་འདུག་
D3.007.0064a03.01པ་དེ་བྲམ་ཟེ་དེས་ཐག་རིང་པོ་ཁོ་ན་ནས་མཐོང་ནས་དེའི་གན་དུ་སོང་སྟེ་སྨྲས་པ། ཀྱེ་དགེ་སློང་སངས་རྒྱས་ཀྱི་བཀའ་ཅུང་ཞིག་སྨྲོས་ཤིག །དགེ་སློང་དེས་བསམས་པ། བྲམ་ཟེ་འདི་ནི་རྒོལ་བ་ཡིན་པས་འདི་ལ་བྱུང་རྒྱལ་དུ་སྨྲ་བར་མི་ནུས་སོ་སྙམ་ནས། དེས་བྲམ་ཟེ་དེ་ལ་
D3.007.0064a04.01དགེ་བ་བཅུའི་ལས་ཀྱི་ལམ་དང་། མི་དགེ་བ་བཅུའི་ལས་ཀྱི་ལམ་རྒྱ་ཆེར་བསྟན་ཏོ། །བྲམ་ཟེས་སྨྲས་པ། ཀྱེ་དགེ་སློང་ཁོ་བོ་ཡང་བྱ་བ་ཡོངས་སུ་ཉམས་ལ། ཁྱོད་ཀྱང་དགེ་བའི་ཕྱོགས་ཡོངས་སུ་ཉམས་ན་མ་ལེགས་ཀྱི་ཁོ་བོ་འགྲོས། ཕྱིས་ཀྱང་འོང་ངོ་ཞེས་སྨྲས་ཏེ་སོང་ངོ་། །
D3.007.0064a05.01དུས་གཞན་ཞིག་ན་ཡང་བྲམ་ཟེའི་ཁྱེའུ་དེ་དག་མི་ཀློག་པར་གྱུར་ནས་དེ་དག་ཡམ་སྲེག་ཤིང་ཐུར་དོང་བ་དང་། ལམ་ཆེན་པ་ཡང་གཅིག་པུ་རྒྱལ་བྱེད་ཀྱི་ཚལ་དུ་སོང་ངོ་། །དགེ་སློང་དེས་བྲམ་ཟེ་དེ་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་དེས་བསམས་པ། དེའི་ཚེ་ན་བདག་
D3.007.0064a06.01གིས་བྲམ་ཟེ་འདི་ལ་དགེ་བ་བཅུའི་ལས་ཀྱི་ལམ་དང་། མི་དགེ་བ་བཅུའི་ལས་ཀྱི་ལམ་རྒྱ་ཆེར་བསྟན་གྱིས་ད་ནི་བདག་གིས་འདི་ལ་རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་ལུགས་སུ་འབྱུང་བ་དང་། ལུགས་ལས་བཟློག་པ་རྒྱ་ཆེར་བསྟན་པར་བྱའོ་སྙམ་མོ། །བྲམ་
D3.007.0064a07.01