完整藏文原文 · 德格版页 当前仅加载第 7 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་གིས་སྨྲས་པ། འཕགས་པ་ཅི་བདག་ཅག་ཁྱེད་ཀྱི་གདན་དག་རྐུ་སྙམ་མམ། གལ་ཏེ་ཐུགས་མི་ཆེས་ན་སྣོམས་ཏེ་བཞུད་ཅིག་ཅེས་ཟེར་ནས། བཅོམ་ལྡན་འདས་ཀྱིས་བཀའ་སྩལ་པ། དེའི་ནང་དུ་འཇུག་པར་མི་བྱ་བར་མཐའ་གཅིག་ཏུ་འདུག་སྟེ། གལ་ཏེ་ཁ་ཏོན་པ་
D3.007.0014b01.01ཡིན་ན་ནི་དེས་ཁ་ཏོན་བྱ་ཞིང་དེ་ལ་ཡང་སེམས་གཏད་པར་བྱའོ། །གལ་ཏེ་སྤོང་བ་པ་ཡིན་ན་ནི་དེས་ཀྱང་མཐའ་གཅིག་ཏུ་འདུག་སྟེ་ཡིད་ལ་བྱ་བ་བསྐྱེད་པར་བྱ་ཞིང་དེ་ལ་ཡང་སེམས་གཏད་པར་བྱའོ། །གང་གི་ཚེ་དོང་བར་གྱུར་པ་དེའི་ཚེ་ན་བྲུབ་པར་བྱའོ། །དེ་དག་ཆང་གི་ཚིགས་
D3.007.0014b02.01མ་དང་། སྣུམ་དང་། བཤང་བ་དང་། གཅི་བས་མ་རུང་བར་གྱུར་པ་ན་དགེ་སློང་དག་འདོར་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་དོར་བར་མི་བྱ་བར་གང་དག་ཆང་གི་ཚིགས་མས་མ་རུང་བར་གྱུར་པ་དེ་དག་ནི་ཆུ་དག་གིས་སྦྱང་བར་བྱའོ། །གང་དག་
D3.007.0014b03.01སྣུམ་གྱིས་མ་རུང་བར་གྱུར་པ་དེ་དག་ནི་ཆལ་གྱིས་སྦྱང་བར་བྱའོ། །གང་དག་བཤང་བ་དང་གཅི་བས་མ་རུང་བར་གྱུར་པ་དེ་དག་ནི་སའམ། འདག་རྫས་སམ། ལྕི་བས་སྦྱང་བར་བྱའོ། །བཅོམ་ལྡན་འདས་ཀྱིས་ཆོས་མཉན་པར་བྱའོ། །ཞེས་བཀའ་སྩལ་ནས། དགེ་སློང་
D3.007.0014b04.01དག་བླ་གབ་མེད་པར་བྱེད་པ་ན་ཉི་མ་ཚ་ནས། བཅོམ་ལྡན་འདས་ཀྱིས་བཀའ་སྩལ་པ། བླ་རེ་གདགས་པར་བྱའོ། །རླུང་དང་ཆར་བྱུང་ནས་དེ་དག་གིས་གནས་མལ་བོར་ཏེ་འདོང་བས་དེ་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བྲུབ་པར་བྱའོ། །དེ་
D3.007.0014b05.01དག་གིས་སུས་བྲུབ་པ་མི་ཤེས་ཏེ། སུ་གང་ལ་ལ་འདུག་པ་དེས་དེ་འབྲུབ་པར་བྱེད་པ་ན་རྒན་པའི་མཐའ་དག་ལ་གཞི་བཟང་པོ་བཤམས་པ་དེ་དག་དགེ་སློང་གནས་བརྟན་གནས་བརྟན་དག་གིས་བྲུབ་པར་མི་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། རྒན་པའི་མཐའ་
D3.007.0014b06.01དག་གི་ནི་གཞོན་པ་རྣམས་ཀྱིས་བྲུབ་པར་བྱ་ཞིང་། གཞོན་པའི་མཐའ་དག་གི་ནི་རྒན་པ་རྣམས་ཀྱིས་བྲུབ་པར་བྱའོ། །བྲུབས་ནས་ཚོམས་གཅིག་ཏུ་བྱེད་པས་དེ་དག་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མཐུན་པ་དང་མཐུན་པར་གཞག་པར་
D3.007.0014b07.01