完整藏文原文 · 德格版页 当前仅加载第 7 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། ཚེ་དང་ལྡན་པ་གལ་ཏེ་ཟན་གཞན་གྱི་ཡིན་ཞེས་ཏེ་ལྟོ་ཡང་གཞན་གྱི་ཡིན་སྙམ་མམ། ཅི་ན་ཁྱེད་ཅི་ཙམ་གྱིས་དགེ་བའི་ཕྱོགས་ལ་ཏྲོན་བྱེད་ཀྱང་མི་ནུས་པ་དེ་ཙམ་ཟའམ། སུས་ཟོས། ཁྱོད་ཀྱིས་མ་ཟོས་སམ། མ་ཟོས་སོ། །ཅིའི་ཕྱིར། དེས་སྐབས་དེ་དགེ་སློང་
D3.007.0017b01.01རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་ཀྱིས་དུས་སྔ་མ་ཚོགས་སུ་ཁྱིམ་གཞན་དུ་འཇུག་པར་མི་བྱ་བར་དུས་ཤེས་པར་བྱས་ཏེ་གཎྜཱི་བརྡུངས་ནས་འཇུག་པར་བྱའོ། །སློབ་
D3.007.0017b02.01དཔོན་དང་། མཁན་པོ་དག་གིས་ཀྱང་རང་རང་གི་འཁོར་ལ་བལྟ་བར་བྱའོ། །བློ་བུར་དུ་འོངས་པ་འགའ་ཞིག་ཡོད་ན་དེ་ནི་དགེ་འདུན་གྱི་གནས་བརྟན་གྱིས་བལྟ་བར་བྱའོ། །གལ་ཏེ་དགེ་སློང་སྒོ་བཅད་པར་འོངས་ན་དེས་སྟན་དེ་རྩིག་པའི་དྲུང་ངམ་ཤིང་ལྗོན་པའི་དྲུང་དུ་བཞག་སྟེ་
D3.007.0017b03.01འགྲོ་བར་བྱའོ། །དགེ་སློང་གིས་གྱ་ཚོམ་དུ་ཟན་གཅད་པར་མི་བྱའོ། །དགེ་སློང་གིས་གྱ་ཚོམ་དུ་ཟན་གཅོད་པར་བྱེད་ན་འགལ་ཚབས་ཅན་དུ་འགྱུར་རོ། །བྲམ་ཟེ་དང་ཁྱིམ་བདག་དད་པ་ཅན་དག་གཙུག་ལག་ཁང་དུ་འོངས་ཏེ། དེ་དག་སྟན་དག་ལ་འདུག་འདུག་ནས་དེ་ཉིད་དུ་བོར་
D3.007.0017b04.01ཏེ་དོང་ནས། དེ་དག་སུས་ཀྱང་མ་བྲུབས་པས་དེ་ཉིད་དུ་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གང་གིས་མཐོང་བ་དེས་བྲུབ་པར་བྱའོ། །དགེ་སློང་རྒན་པོ་འཁོགས་པ་ཉམ་ཆུང་བ་དང་། ནད་པ་སྦྱོར་མི་བཟོད་པ་དག་གིས་དེ་དག་བླ་གབ་མེད་པར་བཞག་
D3.007.0017b05.01པ་མཐོང་ཞིང་དེ་དག་གིས་འབྲུབ་པར་མི་ནུས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་དགེ་སྐོས་ལ་བརྗོད་པར་བྱ་ཞིང་། དེས་ཀྱང་གུས་པར་བྱ་སྟེ་བྲུབ་པར་བྱའོ། །དགེ་སློང་རྣམས་ཀྱིས་གནས་མལ་དག་བླ་གབ་མེད་པར་བཏིང་ནས་དགེ་སློང་གཅིག་པུ་ཞིག་ལ་
D3.007.0017b06.01བཅོལ་ནས་བསོད་སྙོམས་ལ་ཞུགས་ཤིང་གཞན་གྱིས་ཀྱང་དེ་ཉིད་ལ་བཅོལ། གཞན་གྱིས་ཀྱང་དེ་ཉིད་ལ་བཅོལ་ཏེ་བསོད་སྙོམས་ལ་ཞུགས་པ་དང་། རླུང་དང་ཆར་བྱུང་སྟེ་དེས་བྲུབ་པར་མ་ནུས་ནས། བཅོམ་ལྡན་འདས་ཀྱིས་བཀའ་སྩལ་པ། རབ་ཏུ་མང་པོ་དག་གིས་དགེ་སློང་གཅིག་
D3.007.0017b07.01