完整藏文原文 · 德格版页 当前仅加载第 7 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་གིས་ཇི་ཙམ་ཅུང་ཟད་དགེ་འདུན་གྱི་བྱ་བ་ཆོས་དང་ལྡན་པ་ལ་དགེ་སློང་ལ་འདུན་པ་ཕུལ་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་སྤོང་བའི་ཆོས་སུ་བྱེད་ཅིང་འདི་སྐད་ཅེས་དགེ་སློང་འདུན་པ་ཕྱིར་བྱིན་ཅིག །ཁྱོད་ལ་མི་སྦྱིན་ནོ་ཞེས་ཟེར་ན་ཐམས་ཅད་དུ་ལྟུང་
D3.007.0203a01.01བྱེད་དུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འདུན་པ་ཕྱིར་སྒྱུར་བའི་ལྟུང་བྱེད་དེ་ལྔ་བཅུ་རྩ་གསུམ་པ་རྫོགས་{སྷོ,སོ}།། །།བར་སྡོམ་ལ། ཆོས་ཉན་པ་དང་སྒྲ་ཅན་ཟིན། །ན་དང་དགེ་སློང་
D3.007.0203a02.01སྡིག་ཅན་ལ། །དོན་མཐུན་གཉིས་སུ་བྱས་པ་དང་། །མདུན་དུ་བཏུད་དང་དགེ་ཚུལ་ལོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བྲམ་ཟེ་དང་ཁྱིམ་བདག་དད་པ་ཅན་དག་གཙུག་ལག་ཁང་དུ་ལྷགས་
D3.007.0203a03.01ནས་དགེ་སློང་རྣམས་ལ་སྨྲས་པ། འཕགས་པ་དག་ཆོས་བསྟན་དུ་གསོལ། དགེ་སློང་རྣམས་ཀྱིས་སྨྲས་པ། བཞིན་{བཟངས་,བཟང་}དག་བཅོམ་ལྡན་འདས་ཀྱི་སྤྱན་སྔར་དེང་ཤིག་དང་། བཅོམ་ལྡན་འདས་ཁྱེད་ཅག་ལ་ཆོས་སྟོན་པར་མཛད་དོ། །དེ་དག་གིས་སྨྲས་པ། འཕགས་
D3.007.0203a04.01པ་དག་སྟོན་པ་ཉག་གཅིག་ཏུ་བས་པས་རེ་ཞིག་ལྷ་རྣམས་ལ་ཆོས་སྟོན་པར་མཛད་དམ། འོན་ཏེ་ཀླུ་རྣམས་ལའམ། གནོད་སྦྱིན་རྣམས་ལའམ། མི་རྣམས་ལ་ཆོས་སྟོན་པར་མཛད་སུས་འཚལ་གྱིས། ཁྱེད་ཅག་གིས་ཀྱང་ཆོས་བསྟན་དུ་གསོལ། བཞིན་{བཟངས་,བཟང་}དག་བཅོམ་
D3.007.0203a05.01ལྡན་འདས་ཀྱིས་མ་གནང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་རྣམས་ཀྱིས་ཀྱང་ཆོས་བསྟན་པར་བྱ་བར་གནང་ངོ་། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཀྱང་ཆོས་
D3.007.0203a06.01བསྟན་པར་བྱའོ་ཞེས་བཀའ་སྩལ་ནས། དེ་དག་ཉིན་མོ་ཆོས་སྟོན་པར་བྱེད་དོ། །དེ་ན་གང་དག་བསོད་ནམས་ཀྱི་འབྲས་བུས་འཚོ་བ་དེ་དག་ནི་ཉིན་མོ་ཆོས་མཉན་ནས་མཚན་མོ་རྩོལ་བའི་འབྲས་བུས་འཚོ་བ་རྣམས་ལ་ཤེས་ལྡན་དག་འཕགས་པ་དག་ཆོས་སྙན་པ་སྙན་པ་སྟོན་པར་མཛད་ཅིང་སྦྲང་
D3.007.0203a07.01