完整藏文原文 · 德格版页 当前仅加载第 7 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟུང་བྱེད་དུ་འགྱུར་རོ། །ཕྱགས་མས་ཇི་ལྟ་བ་བཞིན་དུ་ཐུར་མའི་ཆགས་པ་དང་། ཐག་པའི་ཆུན་པོས་བརྡེག་པ་གཟས་པ་ཡང་དེ་བཞིན་ཏེ། དེ་ལྟར་གཉི་ག་དང་ལྡན་པས་སོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །
D3.007.0185b01.01གཟས་པའི་ལྟུང་བྱེད་དེ་བཞི་བཅུ་རྩ་དགུ་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགའ་བོ་ལ་ལྷན་ཅིག་གནས་པའི་དགེ་སློང་ཆོས་ཞེས་བྱ་བ་ངོ་ཚ་ཤེས་པ། འགྱོད་པ་དང་ལྡན་པ། བསྡམས་
D3.007.0185b02.01པ། བསླབ་པ་འདོད་པ་ཞིག་ཡོད་པ་དེས་དེ་ཇི་སྲིད་དུ་གནས་ངན་ལེན་ཀུན་དུ་སྤྱོད་པར་མི་ཤེས་པ་དེ་སྲིད་དུ་དེ་དང་ལྷན་ཅིག་གནས་སོ། །གང་གི་ཚེ་དེས་དེ་གནས་ངན་ལེན་ཀུན་དུ་སྤྱོད་པར་ཤེས་པ་དེའི་ཚེ་ན་དེ་རང་བཞིན་དུ་གནས་པའི་དགེ་སློང་རྣམས་དང་ལྷན་ཅིག་གནས་པར་བརྩམས་ཏེ། བཅོམ་ལྡན་
D3.007.0185b03.01འདས་ཀྱི་བཀའ་ལུང་གིས་དུས་གསུམ་དུ་རྐང་པ་ལ་ཕྱག་འཚལ་དུ་འགྲོ་བ་འབའ་ཞིག་བྱེད་དོ། །དེ་དེའི་གན་དུ་སོང་སྟེ་མཁན་པོ་གདུགས་ལ་སྤྱོད་དུ་མཆིའོ་ཞེས་ཞུས་པ་དང་། ཉེ་{དགའས་,དགས་}ཐོས་ནས་སྨྲས་པ། བུ་ཆོས་ཁོ་བོའི་སྟན་ཡང་ཁྱེར་ལ་སོང་ཤིག །ཅི་སློབ་དཔོན་ཡང་གདུགས་ལ་སྤྱོད་
D3.007.0185b04.01དུ་བཞུད་དམ། གླེན་པ་ཁྱོད་ཀྱིས་ཁོ་བོ་ལ་སོ་སོར་བརྟག་གམ། ཁོ་བོས་མི་ཤེས་པའི་རྣལ་འབྱོར་སྤྱོད་པའི་ས་གང་ཡོད། བདག་སློབ་དཔོན་ལ་སོ་སོར་རྟོགས་པར་མི་བགྱིད་དེ། འདི་ལྟར་ཅི་སློབ་དཔོན་ཡང་གདུགས་ལ་སྤྱོད་དུ་བཞུད་དམ་ཞེས་ཞུ་བར་བྱས་ཏེ་གདན་འཚལ་ཏེ་མཆིའོ། །དེས་
D3.007.0185b05.01དེའི་སྟན་ཁྱེར་ཏེ་ཉིན་མོ་སྤྱོད་དུ་སོང་ནས། དེས་དེའི་སྟན་དེ་ཤིང་ལྗོན་པའི་དྲུང་དུ་བཞག་སྟེ་དབེན་པའི་ཕྱོགས་སུ་འདུག་ནས་ཡིད་ལ་བྱེད་པ་བསྐྱེད་པར་བརྩམས་སོ། །དེའི་འོག་ཏུ་ཉེ་དགའ་འོངས་ནས་ཆོས་ཀྱིས་ཐག་རིང་པོ་ཁོ་ན་ནས་དེ་མཐོང་ནས་སྨྲས་པ། སློབ་དཔོན་གདན་ཤིང་ལྗོན་པའི་དྲུང་དུ་
D3.007.0185b06.01བཞག་གིས་དེར་བཞུད་ལ་བཞུགས་ཤིག །ཉེ་དགའ་དེར་སོང་ནས་མགོ་གཡོགས་ཏེ་འདུག་པ་དང་། དེས་དེར་མོས་པ་མ་རྙེད་ནས་སྟན་ལས་ལངས་ཏེ་ཕྱོགས་བཞིར་རྣམ་པར་བལྟ་བར་བརྩམས་པ་དང་། ཇི་ཙམ་ན་བུ་མོ་ཞིག་རྒྱལ་བྱེད་ཀྱི་ཚལ་གྱི་རིབ་མ་དྲལ་བ་མཐོང་བ་ནས་དེས་ཆོས་ལ་ཆོས་
D3.007.0185b07.01