完整藏文原文 · 德格版页 当前仅加载第 7 函德格 78b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་སྡུག་པ་དག་ཡོངས་སུ་གཏོང་བར་མི་འདོད་པ་དེ་རྒྱ་མཚོ་ཆེན་པོར་མ་འཇུག་ཤིག །འཇིག་རྟེན་ནི་དཔའ་བོ་ཉུང་ལ་སྔར་མ་མང་བས་སྐྱེ་བོ་ཕལ་པོ་ཆེའི་ཚོགས་ཕྱིར་བྱུང་བ་དང་། དེས་དེ་དག་གྲུས་བཟོད་པར་གྱུར་ནས་དེའི་འོག་ཏུ་རླུང་
D3.007.0078b01.01ཡོར་ཐོགས་པས་སྒྲ་ལན་གསུམ་བསྒྲག་པ་བྱས་ཏེ། དེའི་འོག་ཏུ་ཉག་ཐག་གཅིག་བཀྲོལ་ཞིང་གཉིས་པ་དང་། གསུམ་པའི་བར་དུ་བཀྲོལ་ནས་དེས་གྲུ་བོ་ཆེ་རླུང་ཡོར་ཆེན་པོ་ཐོགས་པས་ལེགས་པར་བཟུང་བ། རླུང་གི་ཤུགས་སྟོབས་དང་ལྡན་པས་བསྐྱོད་པ། སྤྲིན་ཆེན་པོ་བཞིན་དུ་སོང་
D3.007.0078b02.01སྟེ་རྗེས་སུ་མཐུན་པའི་རླུང་གིས་ཕུལ་ནས་ཇི་ཙམ་ན་རིན་པོ་ཆེའི་གླིང་དུ་ཕྱིན་ཏོ། །དེ་ནས་རླུང་ཡོར་ཐོགས་པས་སྒྲ་བསྒྲག་པར་བརྩམས་པ། འཛམ་བུའི་གླིང་པའི་ཚོང་པ་ཤེས་ལྡན་དག་ཉོན་ཅིག །རིན་པོ་ཆེའི་གླིང་འདི་ཉིད་ན་ནོར་བུ་མཆིང་བུ་རིན་པོ་ཆེ་འདྲ་བ་དག་ཀྱང་ཡོད་ཀྱིས་ཁྱེད་
D3.007.0078b03.01ཀྱིས་དེ་དག་ཉེ་བར་བརྟག་ཅིང་བརྟག་ཅིང་ཕྱིས་ཁྱེད་ཅག་འཛམ་བུའི་གླིང་དུ་སོན་པ་ན་འགྱོད་པར་མི་འགྱུར་བ་དེ་ལྟར་རིན་པོ་ཆེ་དག་ལོང་ཤིག །རིན་པོ་ཆེའི་གླིང་འདི་ཉིད་ན་སྲིན་མོ་ཁྲུང་ཁྲུང་གཞོན་ནུ་མ་ཞེས་བྱ་བ་དག་ཡོད་དེ། དེ་དག་གིས་སྐྱེས་པ་དག་ཅི་ནས་ཀྱང་འདི་ཉིད་དུ་ཚུལ་མ་ཡིན་པས་
D3.007.0078b04.01སྡུག་བསྔལ་བར་འགྱུར་བ་དེ་ལྟ་དེ་ལྟར་མཐོ་འཚམ་པར་འགྱུར་གྱིས་ཁྱེད་ཀྱིས་དེ་དག་བསྙེན་པར་མི་བྱའོ། །རིན་པོ་ཆེའི་གླིང་འདི་ཉིད་ན་མྱོས་པར་འགྱུར་བའི་འབྲས་བུ་དག་ཡོད་དེ། གང་གིས་དེ་དག་ཟོས་པ་ཞག་བདུན་དུ་བརྒྱལ་ཞིང་འདུག་པར་འགྱུར་བས་ཁྱེད་ཀྱིས་དེ་དག་བཟའ་བར་མི་
D3.007.0078b05.01བྱའོ། །རིན་པོ་ཆེའི་གླིང་འདི་ཉིད་ན་མི་མ་ཡིན་པ་དག་འཁོད་དེ་དེ་དག་ཞག་བདུན་ལས་ལྷག་པར་ཁྱེད་འཁོད་པར་མི་བཟོད་པས་ཞག་བདུན་འདས་ནས་རླུང་གང་གིས་འདི་ལྟ་སྟེ། གྲུ་བོ་ཆེ་བྱ་བ་མ་བྱས་པར་ཁྱེར་བར་འགྱུར་བ་དེ་ལྟ་བུ་གཏོང་བར་འགྱུར་བས་ཁྱེད་ཀྱིས་དེ་ལ་ཡང་མ་ཐུག་
D3.007.0078b06.01པར་བྱའོ། །ཚོང་པ་དེ་དག་གིས་དེ་ཐོས་ནས་སེམས་བསྡུས་ཤིང་བག་ཡོད་པར་འཁོད་དེ། དེ་དག་གིས་རིན་པོ་ཆེ་དག་ཉེ་བར་བརྟགས་ཤིང་བརྟགས་ཤིང་གྲུ་བོ་ཆེ་དེ་འདི་ལྟ་སྟེ། དཔེར་ན་ཏིལ་དང་། འབྲས་ཐུག་པོ་ཆེ་དང་། རྒྱ་ཤུག་དང་། རྒྱ་སྲན་དག་བཞིན་དུ་བཀང་སྟེ་རིན་པོ་
D3.007.0078b07.01