完整藏文原文 · 德格版页 当前仅加载第 7 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
མ་རྣམས་བསྡིགས་པ་དང་། དེ་དག་གིས་བསམས་པ། བྲམ་ཟེ་འདི་བདག་ཅག་ལ་གནོད་པའི་ཕྱིར་ཞུགས་པ་ཡིན་གྱིས་བཟའ་ནར་བྱའོ་སྙམ་ནས། དེ་དག་གིས་དེ་ལ་འབྲས་ཆན་རྩུབ་པོ་དང་། རྩབས་བསྐོལ་བ་བྱིན་ནོ། །བྲམ་ཟེ་དེས་བུ་རྣམས་
D3.007.0074a01.01ལ་སྨྲས་པ། བུ་དག་ཁོ་བོ་མནའ་མ་འདི་དག་གིས་འབྲས་ཆན་རྩུབ་པོ་དང་། རྩབས་བསྐོལ་བ་བྱིན་ནོ། །དེ་དག་གིས་ཆུང་མ་དག་ལ་སྨྲས་པ། ཁྱེད་ཅག་གིས་ཅིའི་ཕྱིར་ཡབ་ལ་འབྲས་ཆན་རྩུབ་པོ་དང་། རྩབས་བསྐོལ་བ་གསོལ། དེ་དག་གིས་སྨྲས་པ། ཡབ་ཀྱི་
D3.007.0074a02.01བསོད་ནམས་དག་པས་ཏེ། དེའི་དོན་དུ་སྣོད་དུ་འབྲས་སཱ་ལུ་ཐུག་པོ་ཆེ་དག་སྩལ་ན་འབྲས་ཆན་རྩུབ་པོར་འགྱུར་ཞིང་། ཆབ་ཞོ་སྩལ་ན་རྩབས་བསྐོལ་བར་འགྱུར་རོ། །ཅིའི་ཕྱིར་དེ་དག་དེ་ལྟར་འགྱུར། དེ་དག་གིས་སྨྲས་པ། གལ་ཏེ་ཁྱེད་ཅག་ཐུགས་མི་ཆེས་ན་བདག་ཅག་གིས་ཁྱེད་
D3.007.0074a03.01ཀྱི་མངོན་སུམ་དུ་བགྱིའོ། །དེ་དག་གིས་གཅིག་ལ་གཅིག་སྨྲས་པ། བདག་ཅག་གིས་ཁྱིམ་ཐབ་དག་ལ་དམ་བཅས་པའི་སྐབས་དེ་གྲུབ་པར་བྱ་དགོས་སོ་ཞེས་དེ་དག་གིས་རྫ་མཁན་བོས་ཏེ་སྨྲས་པ། བཞིན་{བཟངས་,བཟང་}ཁྱོད་ཀྱིས་རྫེའུ་ཁ་གཅིག་ལ་ནང་གཉིས་ཡོད་པ་བྱེད་ནུས་སམ། དེས་
D3.007.0074a04.01སྨྲས་པ། ནུས་སོ་ཞེས་དེས་རྫེའུ་ཁ་གཅིག་ལ་ནང་གཉིས་ཡོད་པ་བྱས་སོ། །དེ་དག་གིས་རྫེའུའི་ནང་གཅིག་ཏུ་འབྲས་རྩུབ་པོ་དག་བླུགས་ལ། ནང་གཅིག་ཏུ་ནི་འབྲས་སཱ་ལུ་ཐུག་པོ་ཆེ་དག་བླུགས་སོ། །རྫེའུ་ཅིག་ཤོས་ཀྱི་ནང་གཅིག་ཏུ་ནི་ཞོ་བླུགས་ལ། ནང་གཅིག་ཏུ་རྩབ་མོ་
D3.007.0074a05.01བླུགས་ཏེ་གཡོས་བྱས་ནས་ཁྱིམ་ཐབ་དག་ལ་སྨྲས་པ། རྗེའི་སྲས་དག་ཅི་ལགས་ཇེ་དང་པོར་ཡབ་བཤོས་གསོལ་ལམ། འོན་ཏེ་རྗེའི་སྲས་དག་གསོལ། དེ་དག་གིས་སྨྲས་པ། ཇེ་དང་པོར་ཡབ་བཤོས་གསོལ་ལ། དེའི་འོག་ཏུ་ཁོ་བོ་ཅག་བྱིན་ཅིག །དེ་དག་གིས་དེ་དག་གི་
D3.007.0074a06.01མདུན་དུ་རྫེའུའི་ནང་གཅིག་ཕྱེ་སྟེ། འབྲས་ཆན་རྩུབ་པོ་བཅུས་ཤིང་རྫེའུ་ཅིག་ཤོས་ཀྱི་ནང་གཅིག་ཕྱེ་སྟེ་རྩབ་མོ་བསྐོལ་བ་བཅུ་ནས་གྱོས་པོ་ལ་བྱིན་ནོ། །དེའི་འོག་ཏུ་རྫེའུའི་ནང་གཅིག་ཕྱེ་སྟེ་འབྲས་སཱ་ལུ་ཐུག་པོ་ཆེའི་ཆན་བཅུས་ཤིང་རྫེའུ་ཅིག་ཤོས་ཀྱི་ནང་གཅིག་ཕྱེ་སྟེ་ཞོའི་ཚོད་མ་
D3.007.0074a07.01