完整藏文原文 · 德格版页 当前仅加载第 7 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
རྙེད་ན་ནི་ལྷུང་བཟེད་ཀྱི་སྣོད་ཀྱིས་ལེན་པར་བགྱིད་དེ། དེ་གྲོང་ངམ། གྲོང་རྡལ་དེར་བསོད་སྙོམས་ལ་བརྒྱུས་ནས། གཙུག་ལག་ཁང་དུ་མཆིས་ཏེ་འབྲས་ཆན་གཤེར་བ་ནི་འཚལ་བར་བགྱིད། འབྲས་ཆན་སྐམ་པོ་ནི་རྫ་མ་སོ་བཏང་བ་བཀང་སྟེ་འཇོག་པར་བགྱིད་ཅིང་། དེ་བསེར་མ་ལྡང་
D3.007.0153b01.01བའམ། ཡུལ་ངན་འབྱུང་བའམ། དགུང་ཆར་འབབ་པའམ། དགུང་ལྷགས་འབྱུང་བ་གང་དག་བྱུང་བར་འགྱུར་བ་ན། བསེར་མ་ལངས་པའམ། ཡུལ་ངན་བྱུང་བའམ། དགུང་ཆར་བབ་པའམ། དགུང་ལྷགས་བྱུང་བ་དེ་ལྟ་བུའི་ཚེ་འབྲས་ཆན་སྐམ་པོ་ཆབ་དྲོན་མོས་སྦངས་ཏེ་
D3.007.0153b02.01འཚལ་ནས་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་ལ་སྙོམས་པར་འཇུག་པའི་བདེ་བ་དག་ཉམས་སུ་མྱོང་བར་བགྱིད་དོ། །ཀུན་དགའ་བོ་དགེ་སློང་དག་གསོག་འཇོག་བྱས་པ་ཟའམ། བཙུན་པ་འཚལ་ལོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་
D3.007.0153b03.01གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་
D3.007.0153b04.01པ་ནག་པོ་ལ་རྨས་པ། ནག་པོ་ཁྱོད་བཅའ་བ་དང་། བཟའ་བ་གསོག་འཇོག་བྱས་པ་ཟ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་མི་བརྩོན་པ་དང་། མི་སྦྱོར་བ་དང་། མ་བརྟགས་པར་སྤྱོད་པ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་
D3.007.0153b05.01ཀྱིས་བརྩོན་པ་དང་། སྦྱོར་བ་དང་། བརྟགས་ཏེ་སྤྱོད་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་
D3.007.0153b06.01བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བཅའ་བ་དང་། བཟའ་བ་གསོག་འཇོག་བྱས་པ་འཆའ་འམ་ཟ་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཚེ་དང་ལྡན་པ་ནག་པོའམ། གཞན་ཡང་དེ་ལྟ་བུ་གང་ཡིན་
D3.007.0153b07.01