完整藏文原文 · 德格版页 当前仅加载第 7 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །གལ་ཏེ་ལོ་གཉིས་ཀྱི་དྲན་པ་རྙེད་པར་གྱུར་ན་དེ་ལྟར་རྫོགས་པར་བསྙེན་པ་ནི་ལེགས་པར་རྫོགས་པར་བསྙེན་པ་ཡིན་ཏེ། འདི་ལྟར་གང་ཟག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་རྫོགས་པར་བསྙེན་པ་དགེ་སློང་གི་དངོས་པོ་
D3.007.0287a01.01འཐོབ་པ་ནི་དཀོན་པའི་ཕྱིར་རོ། །དེ་ལ་གང་ཟག་ལོ་ཉི་ཤུ་མ་ལོན་ལ་དེས་མི་ཤེས། མི་དྲན། ཡིད་གཉིས་ཟ་ཞིང་རྫོགས་པར་བསྙེན་པ་གང་ཡིན་པ་དེ་ལ་ནི་ཤེས་པར་བྱ། དྲན་པར་བྱ། ཡིད་གཉིས་སྤང་བར་བྱ་སྟེ། གང་གི་ཚེ་དེས་ཤེས་པ་དང་། དྲན་པ་
D3.007.0287a02.01དང་། ཡིད་གཉིས་སྤངས་པར་གྱུར་པ་ན། དེའི་མངལ་ན་གནས་པའི་ཟླ་བ་དག་དང་། ཤོལ་གྱི་ཟླ་བ་དག་ཀྱང་བརྩི་བར་བྱ་སྟེ། གལ་ཏེ་ཚང་ན་དེ་ལྟ་ན་ལེགས། གལ་ཏེ་མ་ཚང་ན་ས་སྤོ་བར་བྱ་བའམ། ཡང་རྫོགས་པར་བསྙེན་པར་བྱའོ། །ས་སྤོ་བར་མི་
D3.007.0287a03.01བྱེད་དམ། ཡང་རྫོགས་པར་བསྙེན་པར་མི་བྱེད་པར་གང་ཟག་རང་བཞིན་དུ་གནས་པ་རྣམས་དང་ལྷན་ཅིག་ལན་གཉིས་སམ། གསུམ་གསོ་སྦྱོང་ངམ། ལས་ཉམས་སུ་མྱོང་བར་བྱེད་ན་རྐུ་ཐབས་སུ་གནས་པ་ཡིན་ཏེ། གང་ཟག་བསྙིལ་བར་འོས་པ་ཡིན་
D3.007.0287a04.01ནོ། །དེ་ལ་གང་ཟག་ལོ་ཉི་ཤུ་ལོན་ལ། ལོ་ཉི་ཤུ་མ་ལོན་པར་འདུ་ཤེས་པས་རྫོགས་པར་བསྙེན་པ་གང་ཡིན་པ་དེ་ནི་དང་པོ་ཉིད་ནས་ལེགས་པར་རྫོགས་པར་བསྙེན་པ་ཡིན་ནོ། །དེ་ལ་གང་ཟག་ལོ་ཉི་ཤུ་ལོན་ལ་ལོ་ཉི་ཤུ་ལོན་པར་འདུ་ཤེས་པས་རྫོགས་པར་
D3.007.0287a05.01བསྙེན་པ་གང་ཡིན་པ་དེ་ཡང་དང་པོ་ཉིད་ནས་ལེགས་པར་རྫོགས་པར་བསྙེན་པ་ཡིན་ནོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལོ་ཉི་ཤུ་མ་ལོན་པར་རྫོགས་པར་བསྙེན་པར་བྱེད་པའི་ལྟུང་བྱེད་དེ་བདུན་བཅུ་རྩ་
D3.007.0287a06.01གཉིས་པ་རྫོགས་{སྷོ,སོ}།། །།
D3.007.0287a07.01