完整藏文原文 · 德格版页 当前仅加载第 7 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
བསྙིལ་བ་སྡུད་པའི་ལྟུང་བྱེད་དེ་ལྔ་བཅུ་རྩ་བདུན་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །རྒྱལ་པོའི་ཁབ་ན་ཀླུའི་རྒྱལ་པོ་རི་བོ་དང་། ཡིད་འོང་ཞེས་བྱ་བ་གཉིས་ཤིག་གནས་པ་
D3.007.0221a01.01དེ་གཉིས་ཀྱི་མཐུས་རྒྱལ་པོའི་ཁབ་ཀྱི་ཆུ་དྲོན་ལྔ་བརྒྱ་དང་། འབབ་ཆུ་དག་དང་། མཚོ་དག་དང་། ལྟེང་ཀ་དག་ཏུ་ལྷས་དུས་དང་དུས་སུ། ཆུའི་རྒྱུན་ལེགས་པར་འབེབས་ཤིང་ལོ་ཐོག་ཀྱང་ཤིན་ཏུ་ཕུན་སུམ་ཚོགས་པར་གྱུར་ཏོ། །གང་གི་ཚེ་བཅོམ་ལྡན་འདས་ཀྱིས་ཀླུའི་རྒྱལ་པོ་དགའ་བོ་དང་།
D3.007.0221a02.01ཉེ་དགའ་གཉིས་བཏུལ་བ་དེའི་ཚེ་ན་དེ་གཉིས་ཚེས་བརྒྱད་དང་། བཅུ་བཞི་དང་། ཚེས་{བཅྭ་,བཅོ་}ལྔ་ལ་རི་རབ་ཀྱི་བང་རིམ་དུ་འོངས་ཏེ། བཅོམ་ལྡན་འདས་ལ་བསྙེན་བཀུར་བྱེད་དོ། །དེ་ནས་ཀླུའི་རྒྱལ་པོ་རི་བོ་དང་། ཡིད་འོང་གཉིས་འདི་སྙམ་དུ་སེམས་ཏེ། ཀླུའི་རྒྱལ་པོ་དགའ་བོ་དང་། ཉེ་དགའ་
D3.007.0221a03.01གཉིས་ཚེས་བརྒྱད་དང་། ཚེས་བཅུ་བཞི་དང་། {བཅྭ་,བཅོ་}ལྔ་ལ་རི་རབ་ཀྱི་བང་རིམ་དུ་འོངས་ཏེ། བཅོམ་ལྡན་འདས་ལ་བསྙེན་བཀུར་བྱེད་ན། བདག་ཅག་གཉིས་འདི་ན་འཁོད་པས་བཅོམ་ལྡན་འདས་ལ་བསྙེན་བཀུར་མ་བྱས་ཀྱིས། བཅོམ་ལྡན་འདས་ལ་བསྙེན་བཀུར་བྱེད་དུ་འདོང་ངོ་སྙམ་མོ། །
D3.007.0221a04.01དེ་ནས་ཀླུའི་རྒྱལ་པོ་རི་བོ་དང་ཡིད་འོང་གཉིས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་རི་བོ་དང་། ཡིད་འོང་གཉིས་
D3.007.0221a05.01སྐྱབས་སུ་འགྲོ་བ་དང་། བསླབ་པའི་གཞི་དག་ལ་བཀོད་དོ། །གང་གི་ཚེ་བཅོམ་ལྡན་འདས་ཀྱིས་དེ་གཉིས་སྐྱབས་སུ་འགྲོ་བ་དང་། བསླབ་པའི་གཞི་དག་ལ་བཀོད་པ་དེའི་ཚེ་ན་དེ་གཉིས་ལུས་དང་ལོངས་སྤྱོད་དག་གིས་ཤིན་ཏུ་མངོན་པར་མཐོ་བར་གྱུར་ཏོ། །གང་གི་ཚེ་དེ་གཉིས་ལུས་
D3.007.0221a06.01དང་ལོངས་སྤྱོད་དག་གིས་ཤིན་ཏུ་མངོན་པར་མཐོ་བར་གྱུར་པ་དེའི་ཚེ་ན་དེ་གཉིས་ཀྱིས་བསམས་པ། རྒྱ་མཚོ་ཆེན་པོར་འཇུག་ཏུ་འདོང་ངོ་སྙམ་ནས། དེ་གཉིས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་
D3.007.0221a07.01