完整藏文原文 · 德格版页 当前仅加载第 7 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
མཐར་ཐུག་པ་གྲུབ་པ་དང་བདེ་བ་བླ་ན་མ་མཆིས་པའི་མྱ་ངན་ལས་འདས་པ་ལ་གཞག་པ་མཛད་པ་ལ་གཟིགས། དགེ་སློང་དག་ད་ལྟར་དུ་མ་ཟད་དེ་འདི་ལྟར་འདས་པའི་དུས་ན་ཡང་ངས་འདི་གདམས་ངག་ཅུང་ཞིག་གིས་གཏམས་པས་དབང་ཕྱུག་གི་བདག་པོ་ཆེན་པོ་ལ་
D3.007.0075b01.01བཞག་པར་གྱུར་ཏེ། དེ་ཉོན་ཅིག །དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན་ཁྱིམ་བདག་ཕྱུག་པ་ནོར་མང་ལ་ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་
D3.007.0075b02.01རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེ་ལ་བུ་བྱུང་ནས་དེས་ཆུང་མ་ལ་སྨྲས་པ། བཟང་མོ་བདག་ཅག་ལ་བུ་ལོན་འཕྲོག་པ་ནོར་འཕྲོག་པ་བྱུང་གིས་ཁོ་བོ་ཟོང་ཐོགས་ཏེ་རྒྱ་མཚོ་
D3.007.0075b03.01ཆེན་པོར་འཇུག་ཏུ་འགྲོའོ། །རྗེའི་སྲས་དེ་བཞིན་མཛོད་ཅིག །ཁྱིམ་བདག་དེས་བསམས་པ། གལ་ཏེ་ཆུང་མ་འདི་ལ་ཀཱར་ཥཱ་པ་ཎ་མང་པོ་དག་གཏད་པར་གྱུར་ན་སྐྱེས་པ་གཞན་དང་ལྷན་ཅིག་འགྱུར་བ་སྟེན་པར་འགྱུར་རོ་སྙམ་ནས་དེས་དེ་ལ་ཀཱར་ཥཱ་པ་ཎ་ཉུང་ཟད་ཅིག་བྱིན་
D3.007.0075b04.01ནོ། །རི་བྲགས་དེ་ན་ཚོང་དཔོན་ཞིག་འདུག་པ་དེ་ཁྱིམ་བདག་དེའི་ཆུང་པོ་གྲོགས་ཡིན་པས་ཁྱིམ་བདག་དེས་ཚོང་དཔོན་དེའི་ལག་ཏུ་ཀཱར་ཥཱ་པ་ཎ་མང་པོ་དག་གཏམས་ནས་སྨྲས་པ། གལ་ཏེ་ཁོ་བོའི་ཆུང་མ་གོས་དང་ཟས་ཡོངས་སུ་ཉམས་པར་གྱུར་ན། ཁྱོད་ཀྱིས་ཟས་དང་
D3.007.0075b05.01གོས་ཀྱིས་དེ་ལ་མཁོ་བ་བསྟབས་པར་གྱིས་ཤིག་ཅེས་སྨྲས་ནས། དེ་ཟོང་ཐོགས་ཏེ་རྒྱ་མཚོ་ཆེན་པོར་ཞུགས་པ་དང་དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ཆུང་མ་དེས་ཁྱེའུ་དེ་ཉེ་དུའི་སྟོབས་དང་ལག་སྟོབས་ཀྱིས་བསྙོད་ཅིང་གསོས་ཏེ། བསྐྱེད་པ་དང་།
D3.007.0075b06.01ཁྱེའུ་དེས་མ་ལ་དྲིས་པ། མ་བདག་གི་ཕ་དང་མེས་པོ་དག་གིས་ལས་ཅི་ཞིག་བྱས་པར་གྱུར། མས་བསམས་པ། གལ་ཏེ་འདི་ལ་རྒྱ་མཚོ་ཆེན་པོར་གྲུ་བོ་ཆེ་སྤྱོད་པར་གྱུར་ཏོ་ཞེས་བྱས་ན་འདི་ཡང་རྒྱ་མཚོ་ཆེན་པོར་འཇུག་པར་འགྱུར་ཞིང་དེ་ཉིད་དུ་ཚུལ་མ་ཡིན་པས་སྡུག་བསྔལ་བར་
D3.007.0075b07.01