完整藏文原文 · 德格版页 当前仅加载第 7 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་སྨྲས་པ། བཞིན་{བཟངས་,བཟང་}དག་འདི་ནི་ཁོ་བོའི་ཟས་མ་ཡིན་ཏེ། ཁྱིམ་བདག་གི་བུ་འདིའི་ཟས་ཡིན་ནོ། །དེ་དག་གིས་དྲིས་པ། འདི་ཁྱིམ་བདག་གང་གི་བུ་ཡིན། ཚོང་དཔོན་གྱིས་སྨྲས་པ། ཁྱིམ་བདག་ཆེ་གེ་མོ་ཞིག་གིའོ། །དེ་དག་གི་དེད་དཔོན་གྱིས་
D3.007.0120a01.01སྨྲས་པ། འོ་ན་འདི་བདག་གི་ཆུང་པོ་གྲོགས་ཀྱི་བུ་ཡིན་ནོ། །གཞན་དག་གིས་སྨྲས་པ། དེ་ལྟ་ན་འདི་བདག་ཅག་གི་ཞང་པོ་ཡིན་ནོ། །གཞན་དག་གིས་ཀྱང་སྨྲས་པ། དེ་ལྟ་ན་འདི་བདག་ཅག་གི་ཚ་བོ་ཡིན་ནོ། །དེད་དཔོན་དེས་སྨྲས་པ། མང་པོ་དག་གིས་
D3.007.0120a02.01ནི་གཅིག་དབྱུང་བར་ནུས་ལ་གཅིག་གིས་ནི་མང་པོ་དག་དབྱུང་བར་མི་ནུས་སོ་ཞེས་དེས་གཞི་བཏིང་སྟེ་རིན་པོ་ཆེ་བཞག་ནས་སྨྲས་པ། ཤེས་ལྡན་དག་གང་གིས་ཅི་ཡོངས་སུ་བཏང་བ་དེས་དེ་གཞི་འདིར་ཞོག་ཤིག །དེར་ལ་ལས་ནི་རིན་པོ་ཆེ་གཅིག་བཞག །ལ་
D3.007.0120a03.01ལས་ནི་གཉིས་བཞག །ལ་ལས་ནི་མང་པོ་དག་བཞག་སྟེ། དེ་ལྟར་དེར་རིན་པོ་ཆེའི་ཕུང་པོ་རྣམ་པར་བཞག་ནས་དེད་དཔོན་གྱིས་ཁྱེའུ་དེ་ལ་སྨྲས་པ། བུ་ལོང་ཤིག་ཁྱེའུས་སྨྲས་པ། ཤེས་ལྡན་དག་བདག་གིས་རིན་གྱི་ཕྱིར་མ་བྱིན་ནོ། །དེད་དཔོན་གྱིས་
D3.007.0120a04.01སྨྲས་པ། ཁོ་བོ་ཅག་ཁྱོད་ལ་རིན་སྦྱིན་པ་མ་ཡིན་ཏེ། འདི་ལྟར་རིན་པོ་ཆེ་གཅིག་གིས་ཀྱང་ཟས་འདི་ལྟ་བུ་བརྒྱ་རྙེད་འགྲུབ་པས་འདི་ལྟར་ཁོ་བོ་ཅག་ཁྱོད་ལ་དགའ་བས་དགའ་བའི་དབང་དུ་བྱས་པ་བྱའོ། །ཁྱེའུས་སྨྲས་པ། བདག་ལྷ་རྣམས་ཀྱི་ནང་དུ་སྐྱེ་
D3.007.0120a05.01བར་མི་འགྱུར་བ་སྙམ། ཁྱོད་བཅོམ་ལྡན་འདས་ལ་མངོན་པར་དད་དམ། མངོན་པར་དད་དོ། །སོང་ལ་བཅོམ་ལྡན་འདས་ལ་ཞུས་ཤིག །དེ་ནས་ཁྱེའུ་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་
D3.007.0120a06.01མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཁྱིམ་བདག་གི་བུ་དེས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ན་བདག་གིས་ཚོང་པ་ལྔ་བརྒྱ་ཙམ་ལ་བཟའ་བ་དང་བཏུང་བ་སྩལ་ནས་དེ་དག་
D3.007.0120a07.01