完整藏文原文 · 德格版页 当前仅加载第 7 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ། དེ་དགེ་སློང་གི་འཁོར་ཉི་ཁྲི་དང་བཱ་རཱ་ཎ་སཱི་ན་ཉེ་བར་བརྟེན་ཅིང་བཞུགས་སོ། །
D3.007.0080a01.01དེའི་གསུང་རབ་ལ་ལམ་པ་འདི་དགེ་སློང་སྡེ་སྣོད་གསུམ་པར་གྱུར་ཏེ། དེས་ཆོས་ཀྱི་སེར་སྣས་འགའ་ལ་ཡང་ཚིག་བཞི་པའི་ཚིགས་སུ་བཅད་པ་ཡང་མ་བསྟན་ཏོ། །ཡང་རི་བྲགས་ཤིག་ན་ཕག་འཚོང་ཞིག་འདུག་སྟེ། ཆུ་ཀླུང་གི་ཕ་རོལ་དང་ཚུ་རོལ་གྱི་རི་བྲགས་དེར་དུས་སྟོན་བྱུང་ནས་
D3.007.0080a02.01ཕག་འཚོང་དེས་བསམས་པ། གལ་ཏེ་ཕག་དག་གསད་དུ་ནི་ཤ་དེ་སྙེད་ཉོ་བར་མི་འགྱུར་བས་གསོན་པོ་ཉིད་དུ་བཀུར་བར་བྱ་ཞིང་དེར་ཕྲལ་ལ་བསད་ཅིང་བསད་ཅིང་བཙོང་བར་བྱའོ་སྙམ་ནས་དེས་ཕག་མོང་པོ་དག་གཅིག་ལ་གཅིག་སྦྲེལ་ཏེ་གྲུར་བཙུད་ནས་འཕགས་པ་དང་། དེ་དག་གིས་
D3.007.0080a03.01གྲུ་དེ་སྐྱོད་པ་ན་བུབ་པར་གྱུར་ནས་དེ་དག་དེར་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ཕག་འཚོང་དེ་ཡང་རྒྱུན་ཕྱོགས་སུ་ཁྱེར་བ་ན་ཆུ་ཀླུང་དེའི་འགྲམ་ན་རང་སངས་རྒྱས་ལྔ་བརྒྱ་ཙམ་འཁོད་ནས། དེ་དག་ལས་རང་སངས་རྒྱས་གཅིག་ཅིག་ཆུའི་དོན་དུ་ཆུ་འགྲམ་དུ་སོང་བ་དང་། དེས་དེ་མཐོང་
D3.007.0080a04.01ནས་དེས་བསམས་པ། ཅི་འདི་རེ་ཞིག་ཤི་བ་ཡིན་ནམ། འོན་ཏེ་གསོན་པ་ཡིན་སྙམ་ནས་དེས་གླང་པོ་ཆེའི་སྣ་འདྲ་བའི་ལག་པ་བརྐྱང་སྟེ་དེ་ཕྱུང་ནས་བྱེ་མ་བདལ་ཏེ་དེར་ཁ་སྦུབ་ཏུ་བཞག་ནས་སོང་ངོ་། །དེའི་རྒྱུན་ཐམས་ཅད་ནས་ཆུ་ཟགས་ནས་དེས་འདུ་ཤེས་ཕྱིར་རྙེད་དེ་ལངས་པ་དང་།
D3.007.0080a05.01མིའི་རྗེས་མཐོང་ནས་དེ་དེའི་རྗེས་བཞིན་དུ་སོང་བ་དང་། ཇི་ཙམ་ན་རང་སངས་རྒྱས་ལྔ་བརྒྱ་མཐོང་ནས་དེས་དེ་དག་ལ་ལོ་མ་དང་། འབྲས་བུ་དང་། སོ་ཤིང་གིས་བསྙེན་བཀུར་བྱ་བར་བརྩམས་པ་དང་། དེ་དག་གིས་དེ་ལ་ལྷུང་བཟེད་ཀྱི་ལྷག་མ་བྱིན་ནོ། །གང་གི་ཚེ་རང་སངས་རྒྱས་
D3.007.0080a06.01དེ་དག་སྐྱིལ་མོ་ཀྲུང་བཅས་ཏེ་བསམ་གཏན་བྱེད་པ་དེའི་ཚེ་ན་དེ་ཡང་མཐའ་གཅིག་ཏུ་འདུག་ནས་སྐྱིལ་མོ་ཀྲུང་བཅས་ཏེ་བསམ་གཏན་བྱེད་དོ། །དེས་དེར་འདུ་ཤེས་མེད་པའི་སྙོམས་པར་འཇུག་པ་བསྐྱེད་ནས་འདུ་ཤེས་མེད་པའི་སེམས་ཅན་ལྷ་རྣམས་ཀྱི་ནང་དུ་སྐྱེས་སོ། །དགེ་སློང་དག་
D3.007.0080a07.01