完整藏文原文 · 德格版页 当前仅加载第 7 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ནས་མདུན་དུ་འདུག་པ་དང་། ཚེ་དང་ལྡན་པ་འཆར་ཀས་དེའི་རས་ཡུག་ཆེན་མཐོང་ནས་དེ་ལ་སྨྲས་པ། སྦེད་མ་གང་ལ་རས་ཡུག་ཆེན་འདི་ལྟ་བུ་ཡོད་པ་དེས་རས་སར་པ་ལས་སྣམ་སྦྱར་ཉི་རིམ་བྱས་ཏེ་སྙིང་ལས་ཆུང་ངུས་དགེ་བའི་ཕྱོགས་ལ་ཏྲོན་བྱས་པར་འགྱུར་རོ། །སྦེད་མས་
D3.007.0093b01.01སྨྲས་པ། འཕགས་པ་བདག་ཁྱོད་ལ་རས་ཡུག་ཆེན་མི་འབུལ་བ་ནི་མ་ལགས་ན་འདི་ལྟར་བདག་གི་ཆོས་གོས་ལྔ་ངན་ཅིང་སྣམ་སྦྱར་ཡང་རྙིངས་པས་ཁྱོད་ཀྱིས་བདག་གི་སྣམ་སྦྱར་ཚེམས་ཏེ་སྩོལ་ཅིག །འཆར་ཀས་བསམས་པ། གལ་ཏེ་རེ་ཞིག་བཙེམ་པར་བྱར་ཡང་བཅུ་གཉིས་སྡེ་དག་
D3.007.0093b02.01ལས་གང་དང་གང་དག་ལ་ཆོས་གོས་བཙེམ་པར་བྱ་བ་བྱུང་བར་གྱུར་པ་དེ་དག་ཐམས་ཅད་ཀྱང་བདག་གི་གན་དུ་ཁྱེར་ཏེ་འོང་བས་དེ་སྙེད་ཅིག་བཙེམ་པར་ཡང་ཇི་ལྟར་ནུས། གལ་ཏེ་མི་བཙེམ་དུ་ནི་ཚིག་པའི་གཡར་ཚུས་ཀྱང་མི་སྟེར་བར་འགྱུར་བས་འདི་ལྟར་ཅི་ནས་ཀྱང་ཤིང་གི་སྣོད་དུ་བསྐོལ་
D3.007.0093b03.01བ་བཞིན་དུ་དང་པོ་གང་ཡིན་པ་དེ་ཉིད་ཐ་མར་འགྱུར་བ་དེ་ལྟར་བཙེམ་པར་བྱའོ་སྙམ་ནས་དེས་དེ་ལ་སྨྲས་པ། ཞོག་ལ་སོང་ཤིག །སྦེད་མས་བཞག་སྟེ་སོང་བ་དང་། དྲུག་སྡེ་དག་དེར་དོང་ནས་དེ་དག་གིས་རས་ཡུག་ཆེན་དེ་མཐོང་ནས་སྨྲས་པ། བཙུན་པ་འཆར་ཀ་རས་ཡུག་ཆེན་
D3.007.0093b04.01འདི་སུའི། ལས་བདག་གིར་བྱ་བ་དེའིའོ། །གང་གི་སྦེད་མའིའོ། །འོ་ན་འཁོད་དེ་ཅི་རུང་བཙེམ་པར་བྱའོ། །དེ་ལྟར་གྱིས་ཤིག །དེ་དག་གིས་རས་ཡུག་ཆེན་དེ་བརྒྱངས་ཏེ་དྲས་ཤིང་དྲུབས་ནས་འཆར་ཀས་སྣམ་སྦྱར་དེ་དང་ཚོན་སྣ་ལྔའི་སྐུད་པ་ཁྱེར་ཏེ་འཆག་ཏུ་སོང་ནས། དེས་
D3.007.0093b05.01དེར་སོང་སྟེ་སྣམ་སྦྱར་དེ་ལ་ཚོན་སྣ་ལྔའི་སྐུད་པས་བདག་ཉིད་སྦེད་མའི་མགུལ་ནས་འཁྱུད་དེ་འདུག་པ་ཞིག་སྐུད་རིས་སུ་བཙེམ་ནས་དེ་གཙུག་ལག་ཁང་དུ་འོངས་ཏེ་སྣམ་སྦྱར་དེ་བལྟབ་ནས་ཆོས་གོས་ཀྱི་གདང་ལ་བཀལ་ཏེ་བཞག་པ་དང་། སྦེད་མ་ཡང་འོངས་ནས་འཆར་ཀས་སྨྲས་པ།
D3.007.0093b06.01སྦེད་མ་ཁོ་བོས་ཀྱང་སྣམ་སྦྱར་བཙེམས་ན་ཁྱོད་ཀྱང་འོངས་སོ། །དེས་སྣམ་སྦྱར་དེ་བལྟབ་བཞིན་དུ་སྦེད་མའི་ཕྲག་པ་ལ་བཀལ་ཏེ་སྨྲས་པ། རེ་ཞིག་ཇི་སྲིད་དུ་ཚོན་གྱིས་མ་བཅལ་བ་དེ་སྲིད་དུ་མ་དབྱེ་ཤིག །ལྟུང་བ་དང་བཅས་པར་གྱུར་ཏ་རེ། སྦེད་མས་སྣམ་སྦྱར་དེ་དེ་བཞིན་བལྟབ་
D3.007.0093b07.01